Marko 4:20 - ŊMALƐ KRƆŊKRƆŊ LƐ

²⁰ Shi shikpɔŋ kpakpa nɔ bii lɛ ji mɛi ni nuɔ wiemɔ lɛ ni amɛmɔɔ mli, ni amɛwoɔ yibii, eko nyɔŋmai etɛ̃, eko nyɔŋmai ekpaa, kɛ eko hu oha.”

Ṅmãle̱ Kroṅkroṅ Le̱

²⁰ Ni mene̱mei dši mei ní adũ ye̱ šikpoṅ kpakpa no̱ le̱: mei ní nuo̱ wiemo̱ le̱, ni ame̱mõo̱ mli, ni ame̱woo̱ yibii, eko nyoṅmai-etẽ, eko nyoṅmai-ekpa, ke̱ eko oha.

Marko 4:20 ပူးပေါင်းရင်းမြစ်များ

1 Mose 26:12

Ni Isak fee ŋmɔ, ni edu nii yɛ nakai shikpɔŋ lɛ nɔ; ni ena nakai bɔ toi oha yɛ nakai afi lɛ nɔ nɔŋŋ, ejaakɛ Yehowa jɔɔ lɛ.

Mateo 13:23

Shi shikpɔŋ kpakpa ni adu wu lɛ yɛ nɔ lɛ ji mɔ ni nuɔ wiemɔ lɛ ni eyoɔ sɛɛ, ni esaa ewoɔ yibii hu, eko oha, eko nyɔŋmai ekpaa, kɛ eko nyɔŋmai etɛ̃.”

Mateo 13:8

Shi ekomɛi hu yashwie shikpɔŋ kpakpa nɔ, ni ewo yibii: eko oha, eko nyɔŋmai ekpaa, kɛ eko nyɔŋmai etɛ̃.

Marko 4:8

Shi wui lɛ ekomɛi yashwie shikpɔŋ kpakpa nɔ, ni amɛkwɛ̃ ni amɛdara, ni amɛwo yibii: eko nyɔŋmai etɛ̃, eko nyɔŋmai ekpaa, kɛ eko oha.”

Luka 8:15

Shi shikpɔŋ kpakpa nɔ bii lɛ ji mɛi ni kɛji amɛnu wiemɔ lɛ amɛkɛtoɔ tsui ni hi ni yɔɔ krɔŋŋ mli, ni amɛkɛ tsuishiŋmɛɛ woɔ yibii.”

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 15:2

Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Romabii 7:4

Minyɛmimɛi, nakai nɔŋŋ nyɛ hu atsɔ̃ Kristo gbɔmɔtso lɛ nɔ ahã nyɛgboi yɛ Mla lɛ gbɛfaŋ, ni nyɛtsɔ̃mɔ mɔ kroko ni ji mɔ ni atee lɛ shi kɛjɛ gbohii ateŋ lɛ nii, koni wɔwo yibii wɔhã Nyɔŋmɔ.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.

2 Petro 1:8

Ejaakɛ kɛji nɛkɛ nii nɛɛ yɛ nyɛmli ni efa lɛ, ehãŋ nyɛfee mɛi ni ebɔɔɔ mɔdɛŋ aloo mɛi ni wooo yibii yɛ wɔNuŋtsɔ Yesu Kristo he nilee lɛ gbɛfaŋ.