Marko 2:8 - ŊMALƐ KRƆŊKRƆŊ LƐ

⁸ Amrɔ nɔŋŋ ni Yesu yoo yɛ emumɔ mli akɛ amɛmiisusu nɛkɛ yɛ amɛtsuiiaŋ lɛ, ebi amɛ akɛ, “Mɛɛba nyɛsusuɔ nɛkɛ nii nɛɛ yɛ nyɛtsuiiaŋ?

Ṅmãle̱ Kroṅkroṅ Le̱

⁸ Ni amrõ ni Iesu yo ye̱ emumo̱ le̱ mli ake̱ ame̱mīsusu ne̱ke̱ ye̱ ame̱mli le̱ ekē̱ame̱ ake̱: Mẽba nyesusuo̱ ne̱ke̱ nii ye̱ nyetšuiiaṅ?

Marko 2:8 ပူးပေါင်းရင်းမြစ်များ

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

Lalai 139:2

Ole mishitamɔ kɛ mishitee mli fɛɛ; oyoɔ miyiŋtoo yɛ shɔŋŋ beebe.

Abe̱i 15:26

Mɛi fɔ̃ji ayiŋtoi lɛ, Yehowa miihi; shi wiemɔi ni he tse lɛ, enaa he miishɛɛ.

Abe̱i 24:9

Mɔ buulufeemɔ he ŋaatoo lɛ esha ni; ni hefɛoyelɔ hu gbɔmɛi miihi.

Yesaia 55:7

Ha mɔ fɔŋ lɛ akwa ejeŋba fɔŋ lɛ; ni nɔshafeelɔ atsake ejwɛŋmɔ. Ha eku esɛɛ kɛba Yehowa ŋɔɔ ni emusuŋ aaatsɔ lɛ yɛ ehewɔ. Ekpale kɛba wɔNyɔŋmɔ lɛ ŋɔɔ, ni ekɛaafa lɛ aahu.

Ezekiel 38:10

Bɔ ni Nuŋtsɔ Yehowa kɛɔ nɛ, “Nakai gbi lɛ nɔ lɛ susumɔi pii baaba oyiŋ, ni obajwɛŋ efɔŋfeemɔ he.

Mateo 12:15

Shi be ni Yesu kpa enɛ shi lɛ, egbala ehe shi kɛje jɛi. Ni mɛi babaoo nyiɛ esɛɛ, ni etsa amɛ fɛɛ,

Mateo 16:7

Shi amɛwiewie he yɛ amɛteŋ amɛkɛɛ, “Aboloo ni wɔhiɛɛɛ lɛ hewɔŋ!”

Mateo 9:4

Ni be ni Yesu na amɛjwɛŋmɔi lɛ, ekɛɛ, “Mɛɛ hewɔ ni nyɛjwɛŋɔ nii fɔ̃ji yɛ nyɛtsuii amli nɛɛ?

Marko 2:7

“Mɛɛ hewɔ mɔ nɛ wieɔ wiemɔ ni tamɔ enɛ? Eebɔ musu! Namɔ aaanyɛ ekɛ eshai afa, akɛ ja Nyɔŋmɔ kome kɛkɛ?”

Marko 2:9

Te emli nɔ ni kɛɛmɔ jaraaa hu, akɛ aaakɛɛ mɔ ni ekumɔ lɛ akɛ, ‘Akɛ ohe eshai lɛ efa bo’, aloo ‘Tee shi, wo osaa lɛ ni onyiɛ’ lɛ?

Marko 7:21

Ejaakɛ mligbɛ ni ji gbɔmɛi atsuii amli lɛ, jɛi jwɛŋmɔi fɔ̃ji jɛɔ: ajwamãŋbɔɔ, juu, awuyeli,

Luka 24:38

Ni ekɛɛ amɛ akɛ, “Mɛɛba nyɛjijaa, ni mɛɛ hewɔ hu ni ŋwanejee teɔ shi yɛ nyɛtsuii amli?

Luka 5:22

Shi be ni Yesu yoo amɛsusumɔi lɛ, ehere nɔ ekɛɛ amɛ akɛ, “Mɛni nyɛsusuɔ yɛ nyɛtsuii amli lɛ?

Luka 6:8

Shi Yesu le amɛsusumɔi lɛ, ni ekɛɛ nuu ni nine egbo lɛ akɛ, “Tee shi obadamɔ teŋ!” Ni ete shi ebadamɔ shi.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Yohane 6:64

Shi nyɛteŋ mɛi komɛi yɛ ni heee yeee.” Ejaakɛ kɛjɛ shishijee lɛ Yesu le mɛi ni heee yeee lɛ kɛ mɔ hu ni baatsɔ̃ɔ esɛɛgbɛ lɛ.

Bɔfoi 5:3

Shi Petro kɛɛ, “Anania, mɛɛba Satan yi otsuiŋ obɔ̃, ni omale otsɔ̃ɔ Mumɔ Krɔŋkrɔŋ lɛ, ni okɛ shikpɔŋ lɛ yinii lɛ eko to sɛɛ?

Bɔfoi 8:22

No hewɔ lɛ, agbɛnɛ shwa ohe yɛ onɔsha nɛɛ hewɔ, ni okpa Nyɔŋmɔ fai, akɛ aleenɔ akɛ otsuiŋ jwɛŋmɔ lɛ aaafa bo lo.

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.