Marko 2:20 - ŊMALƐ KRƆŊKRƆŊ LƐ

²⁰ Shi be aaaba ni aaaŋɔ ayɛmforowu lɛ kɛaajɛ amɛŋɔɔ; ni nakai gbi lɛ dani amɛaahi ŋmaa.

Ṅmãle̱ Kroṅkroṅ Le̱

²⁰ Ši gbĩĩ aaba ní aaṅõ ayemforowu le̱ ke̱-adše̱ ame̱nō; ni no dãni ame̱ahĩ ṅmā̃, ye̱ no gbĩ le̱ no̱.

Marko 2:20 ပူးပေါင်းရင်းမြစ်များ

Lalai 45:11

Ni maŋtsɛ lɛ hiɛ aaakɔ̃ ohefɛo lɛ nɔ. Akɛni lɛ ji onuŋtsɔ lɛ, kotomɔ lɛ.

Salomo Lalai 3:11

Nyɛ Zion biyei, nyɛjea kpo nyɛbakwɛa Maŋtsɛ Solomon, kɛ akekre ni enyɛ kɛfi lɛ yɛ eyookpeemɔ gbi kɛ emliflimɔ gbi lɛ nɔ lɛ.

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 62:5

Ejaakɛ bɔ ni oblanyo kpeɔ oblayoo lɛ, nakai nɔŋŋ mɔ ni bɔ bo lɛ aaakpee bo; ni bɔ ni ayɛmforo wu nyaa ayɛmforo he lɛ, nakai oNyɔŋmɔ lɛ aaanya ohe.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 26:31

Kɛkɛ ni Yesu kɛɛ amɛ akɛ, “Nyɔɔŋ nɛɛŋ lɛ nyɛ fɛɛ nyɛnane aaatɔ̃tɔ̃ yɛ mihewɔ; ejaakɛ aŋma akɛ, ‘Matswa tookwɛlɔ lɛ nɔ, ni tooku lɛ aaagbɛ ashwã.’

Mateo 9:15

Ni Yesu kɛɛ amɛ akɛ, “Ani yookpeemɔ he bialɔi lɛ aaanyɛ aye ŋkɔmɔ gbii abɔ ni ayɛmforowu lɛ kɛ amɛ yɔɔ lɛ? Shi gbii aaaba momo ni aaaŋɔ ayɛmforowu lɛ kɛaaje amɛteŋ kɛaatee, ni no dani amɛaahi ŋmaa.

Marko 2:19

Yesu to he ekɛɛ, “Ani ayɛmforowu lɛ bialɔi lɛ aaanyɛ ŋmaa ahi be mli ni ayɛmforowu lɛ kɛ amɛ yɔɔ lɛ? Gbii abɔ ni ayɛmforowu lɛ kɛ amɛ yɔɔ lɛ, amɛnyɛŋ ŋmaa amɛhi.

Marko 2:21

Mɔ ko kɛ mamanaa hee taaa atade momo; ejaakɛ mamanaa hee lɛ ni akɛta lɛ tserɛɔ emomo lɛ, ni fɔlɔ lɛ lɛɔ.

Luka 17:22

Ni Yesu kɛɛ ekaselɔi lɛ akɛ, “Gbii aaaba ni nyɛaashwe ni nyɛna Gbɔmɔ Bi lɛ gbii lɛ ekome, ni nyɛnaŋ.

Luka 5:35

Shi gbii aaaba ni aaaŋɔ ayɛmforowu lɛ kɛaajɛ amɛŋɔɔ, ni no mli dani amɛaahi ŋmaa.”

Yohane 12:8

Ejaakɛ ohiafoi lɛ, nyɛkɛ amɛ yɛ daa; shi mi lɛ, jeee daa nyɛkɛ mi aaahi shi.”

Yohane 13:33

Bii bibii, be fioo kɛkɛ eshwɛ ni mikɛ nyɛ baahi shi; nyɛaatao mi, ni bɔ ni mikɛɛ Yudafoi lɛ akɛ, ‘He ni miyaa lɛ, nyɛ lɛ nyɛnyɛŋ jɛi nyɛba’ lɛ, nakai nɔŋŋ mikɛɔ nyɛ hu agbɛnɛ nɛɛ.

Yohane 16:28

Tsɛ lɛ ŋɔɔ mijɛ miba je lɛ mli, ni miije je lɛ mli maya Tsɛ lɛ ŋɔɔ ekoŋŋ.”

Yohane 16:7

Kɛ̃lɛ miikɛɛ nyɛ anɔkwale, ehi hã nyɛ akɛ matee; ejaakɛ kɛji miyaaa lɛ, Hefatalɔ lɛ baŋ nyɛŋɔɔ; shi kɛji mitee lɛ, matsu lɛ kɛba nyɛŋɔɔ.

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 17:13

Ni agbɛnɛ miiba oŋɔɔ, ni miiwie nii nɛɛ yɛ je lɛ mli, koni amɛna mimiishɛɛ lɛ ni eye emuu yɛ amɛmli.

Yohane 3:29

Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

Bɔfoi 1:9

Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee.

Bɔfoi 14:23

Ni amɛfãmɔ onukpai amɛto asafo fɛɛ asafo nɔ, ni amɛkɛ sɔlemɔ kɛ ŋmaahilɛ tu amɛ amɛwo Nuŋtsɔ, mɔ nɔ ni amɛhe amɛye lɛ dɛŋ.

Bɔfoi 3:21

mɔ ni sa akɛ ŋwɛi aŋɔ lɛ kɛyashi be ni aaato nibii fɛɛ ni Nyɔŋmɔ ewie he yɛ egbalɔi krɔŋkrɔŋi lɛ anaa kɛjɛ teteete lɛ gbɛjianɔ.

1 Korintobii 7:5

Nyɛkɛ nyɛhe akakãmaa nyɛhe, akɛ ja nyɛyi enyɔ lɛ fɛɛ nyɛkpãa gbee akɛ nyɛaafee nakai kɛyashi be ko koni nyɛna dekã nyɛsɔle; ni nyɛfee ekome ekoŋŋ, koni Satan akatsɔ̃ nyɛnaa yɛ nyɛhe nɔ ni nyɛnyɛɛɛ nyɛye hewɔ.

2 Korintobii 11:2

Ejaakɛ nyɛhe awuŋã ni miyeɔ lɛ, miiye lɛ bɔ ni Nyɔŋmɔ baaye; ejaakɛ mitsɛ nyɛhe baa mihã nuu kome ni mikɛ oblayoo foro ni he tse ayahã Kristo.

2 Korintobii 11:27

Mitsu nii kɛ tɔlɛ, yɛ kpeshii amli kpitiokpitio, yɛ hɔ̃mɔ kɛ kumai mli, yɛ ŋmaahilɛi amli kpitiokpitio, yɛ fɛ̃i kɛ yayainyiɛmɔ mli.

2 Korintobii 6:5

Ayiɔ wɔ ni awoɔ wɔ tsuŋ kpitiokpitio. Afeɔ wɔ soisoi. Wɔtsuɔ nii kɛ kpeshii kɛ deŋmegbomɔ pii. Wɔhiɔ ŋmãa,

Kpojiemɔ 19:7

“Nyɛhãa wɔmii ashɛa ni wɔmli afilia wɔ ni wɔwo ehiɛ nyam! Ejaakɛ Toobi lɛ yookpeemɔ lɛ eshɛ, ni eŋa lɛ esaa ehe eto.

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”