Marko 2:13 - ŊMALƐ KRƆŊKRƆŊ LƐ

¹³ Ni Yesu je kpo ekoŋŋ kɛtee ŋshɔ lɛ naa. Asafo lɛ fɛɛ ba eŋɔɔ, ni ebɔ̃i amɛ nitsɔɔmɔ.

Ṅmãle̱ Kroṅkroṅ Le̱

¹³ Ni edše kpo ekoṅ ke̱-te ṅšo̱ le̱ nā; ni asafo le̱ fẽ ba eṅõ, ni ewie etšõame̱.

Marko 2:13 ပူးပေါင်းရင်းမြစ်များ

Mateo 13:1

Nakai gbi lɛ nɔ nɔŋŋ lɛ Yesu je shĩa lɛ eyata ŋshɔ lɛ naa.

Mateo 9:9

Ni be ni Yesu je jɛi eyaa lɛ ena nuu ko ni atsɛɔ lɛ Mateo ta toohemɔhe lɛ, ni ekɛɛ lɛ akɛ, “Nyiɛmɔ misɛɛ!” Ni ete shi enyiɛ esɛɛ.

Marko 1:45

Shi lɛ lɛ, be ni eje kpo lɛ, ebɔ̃i sane lɛ shiɛmɔ. Enɛ hã sane lɛ gbɛ shwã bɔ ni Yesu nyɛɛɛ aje faŋŋ abote maŋ ko mli dɔŋŋ; shi ehi ŋa lɛ nɔ hei komɛi, ni mɛi jɛɔ he fɛɛ he baa eŋɔɔ.

Marko 10:1

Ni Yesu je jɛi ni eyiŋ etee Yudea niiaŋ kɛ Yordan sɛɛgbɛ. Ni mɛi pii babua amɛhe naa ekoŋŋ yɛ ehe, ni etsɔ̃ɔ amɛ nii ekoŋŋ tamɔ bɔ ni efɔɔ feemɔ lɛ.

Marko 2:2

Mɛi babaoo babua amɛhe naa bɔ ni anaaa gbɛ yɛ agbo lɛ naa tete. Be ni eshiɛɔ etsɔ̃ɔ mɛi lɛ,

Marko 4:1

Yesu bɔ̃i nitsɔɔmɔ ekoŋŋ yɛ Galilea Ŋshɔ lɛ naa. Mɛi babaoo babua amɛhe naa yɛ ehe, no hewɔ lɛ, ebote lɛlɛ ko mli ni eyata shi. Lɛlɛ lɛ ma nu lɛ hiɛ, ni asafo lɛ fɛɛ bua shi yɛ ŋshɔ lɛ naa.

Luka 19:48

shi amɛnaaa bɔ ni amɛaafee, ejaakɛ maŋ muu lɛ fɛɛ kpɛtɛ lɛ ni amɛboɔ lɛ toi.

Luka 21:38

Ni maŋ muu lɛ fɛɛ teɔ shi leebi maaŋkpa kɛbaa eŋɔɔ amɛbaboɔ lɛ toi yɛ Sɔlemɔ we lɛ.