Marko 13:6 - ŊMALƐ KRƆŊKRƆŊ LƐ

⁶ Ejaakɛ mɛi pii aaaba yɛ migbɛi mli, ni amɛaakɛɛ akɛ, ‘Mi ji lɛ!’ Ni amɛaalaka mɛi pii.

Ṅmãle̱ Kroṅkroṅ Le̱

⁶ Edšake̱ mei pī aaba ye̱ migbe̱i ano̱, ni ame̱akē̱ ake̱: Miṅ! ni ame̱alaka mei pī.

Marko 13:6 ပူးပေါင်းရင်းမြစ်များ

Yeremia 14:14

Kɛkɛ ni Yehowa kɛɛ mi akɛ, “Gbalɔi lɛ miigba amale gbalɛi yɛ migbɛi mli. Jeee mi mitsu amɛ lɛ, jeee mi mifã amɛ lɛ, jeee mi, mikɛ amɛ ewie hu. Amɛmiigba amale ninai kɛ yaka klamɔi kɛ amɛ diɛŋtsɛ amɛyiŋ lakamɔi amɛmiitsɔ̃ɔ nyɛ.

Mateo 24:11

Ni amale gbalɔi pii aaate shi, ni amɛaalaka mɛi pii.

Mateo 24:5

Ejaakɛ mɛi pii kɛ migbɛi aaabakɛɛ akɛ, ‘Mi ji Kristo lɛ!’ Ni amɛaalaka mɛi pii.

Marko 13:22

ejaakɛ amale kristoi kɛ amale gbalɔi aaate shi ni amɛaafee okadii kɛ naakpɛɛnii koni kɛ aaaho lɛ, amɛlaka mɛi ni ahala lɛ tete.

Marko 13:5

Ni Yesu here nɔ ni ebɔ̃i amɛ kɛɛmɔ akɛ, “Nyɛkwɛa jogbaŋŋ koni mɔ ko akalaka nyɛ.

Marko 13:7

Shi kɛ nyɛnu tai kɛ tai asaji ahe lɛ, nyɛkahaoa, ejaakɛ ja nɛkɛ nibii nɛɛ ba mli, shi asaŋ naagbee lɛ shɛko.

Yohane 5:43

Mi lɛ miba yɛ miTsɛ gbɛi mli, ni nyɛhereee mi; kɛji mɔ kroko ba yɛ lɛ diɛŋtsɛ egbɛi mli lɛ, lɛ lɛ nyɛaahere lɛ.

Yohane 8:24

No hewɔ ni mikɛɛ nyɛ akɛ nyɛaagboi yɛ nyɛhe eshai lɛ amli lɛ; ejaakɛ kɛ nyɛheee nyɛyeee akɛ mi nɛɛ ji lɛ lɛ, nyɛaagboi yɛ nyɛhe eshai lɛ amli.”

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.