Marko 11:18 - ŊMALƐ KRƆŊKRƆŊ LƐ

¹⁸ Ni osɔfonukpai lɛ kɛ mlatsɔɔlɔi lɛ nu, ni amɛtao bɔ ni amɛaafee ni amɛkpãtã ehiɛ; shi amɛmiishe lɛ gbeyei ejaakɛ asafo lɛ fɛɛ naa kpɛɔ amɛhe yɛ enitsɔ̃ɔmɔ lɛ he.

Ṅmãle̱ Kroṅkroṅ Le̱

¹⁸ Ni oso̱fonukpai le̱ ke̱ woloṅmãlo̱i le̱ nu, ní ame̱tao bo̱ni ame̱afe ní ame̱kpãtã ehĩe; ši ame̱mīšele̱ gbeyei, edšake̱ asafo le̱ fẽ nā kpe̱o̱ ame̱he ye̱ enitšõmo̱ le̱ hewo̱.

Marko 11:18 ပူးပေါင်းရင်းမြစ်များ

1 Maŋtsɛmɛi 21:20

Be ni Ahab na Elia lɛ, ekɛɛ, “Ei mihenyɛlɔ, bo onine egbe mi nɛɛ.” Elia here lɛ nɔ ekɛɛ, “Minine egbe bo lɛɛlɛŋ, ejaakɛ ohã efɔŋfeemɔ eŋɔ bo nom yɛ Yehowa hiɛ.

1 Maŋtsɛmɛi 22:18

Kɛkɛ ni Ahab kɛɛ Yehoshafat akɛ, “Ani mikɛɛɛ bo akɛ egbaŋ gbalɛ jurɔ kɔkɔɔkɔ yɛ mihe, fe efɔŋ pɛ?”

1 Maŋtsɛmɛi 22:8

Israel Maŋtsɛ Ahab kɛɛ Yehoshafat akɛ, “Mɔ kome ko yɛ, ni kulɛ wɔɔnyɛ wɔyabi Yehowa daaŋ gbee yɛ eŋɔɔ. Lɛ ji Imla bi Mikaia lɛ; shi moŋ misumɔɔɔ esane, ejaakɛ egbako gbalɛ kpakpa ko yɛ mihe dã, fe akɛ be fɛɛ be lɛ gbalɛ gbonyo.” Shi Yehoshafat kɛɛ akɛ, “Nii akakɛɛ nakai!”

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Mateo 21:15

Shi be ni osɔfonukpai lɛ kɛ mlatsɔɔlɔi lɛ na naakpɛɛnii ni efee kɛ gbekɛbii lɛ ni bolɔɔ yɛ Sɔlemɔ we lɛ akɛ, “Hosiana David Bi!” lɛ, amɛmli wo la,

Mateo 7:28

Ni be ni Yesu egbe wiemɔi nɛɛ anaa lɛ, asafoi lɛ ahe jɔ̃ amɛhe yɛ enitsɔ̃ɔmɔ lɛ he;

Marko 1:22

Amɛnaa kpɛ amɛhe yɛ enitsɔ̃ɔmɔ lɛ hewɔ, ejaakɛ etsɔ̃ɔ amɛ nii akɛ mɔ ni yɔɔ hegbɛ; shi jeee tamɔ mlatsɔɔlɔi lɛ.

Marko 11:32

Ni kɛji wɔkɛɛ akɛ ejɛ gbɔmɛi adɛŋ lɛ,” amɛmiishe maŋ lɛ gbeyei, ejaakɛ mɛi fɛɛ buɔ Yohane gbalɔ lɛɛlɛŋ.

Marko 12:12

Ni amɛmiitao lɛ amɛmɔ, ejaakɛ amɛle akɛ amɛhewɔ ebu nɛkɛ abɛ nɛɛ, shi amɛmiishe asafo lɛ gbeyei. Ni amɛshi lɛ amɛtee.

Marko 3:6

Farisifoi lɛ je kpo, ni amrɔ lɛ amɛkɛ Herodebii lɛ to eyinɔ apam bɔ ni amɛaafee ni amɛkpãtã ehiɛ.

Marko 6:20

ejaakɛ Herode miishe Yohane gbeyei, akɛni ele akɛ jalɔ kɛ mɔ krɔŋkrɔŋ ji lɛ lɛ, ni eto lɛ shweshweeshwe. Kɛ ebo ewiemɔ toi lɛ, ehe jaraa lɛ pii, shi kɛ̃lɛ esumɔɔ akɛ ebo lɛ toi.

Luka 19:47

Ni etsɔ̃ɔ nii daa nɛɛ yɛ Sɔlemɔ we lɛ; shi osɔfonukpai lɛ kɛ mlatsɔɔlɔi lɛ kɛ maŋ lɛ mli hiɛnaanɔbii lɛ miitao ehiɛ amɛkpãtã;

Luka 2:47

ni mɛi fɛɛ ni boɔ lɛ toi lɛ naa kpɛ amɛhe yɛ enilee kɛ hetoi ni ehãa lɛ ahewɔ.

Luka 20:19

Ni osɔfonukpai lɛ kɛ mlatsɔɔlɔi lɛ miitao lɛ amɔ yɛ nakai ŋmɛlɛtswaa lɛ nɔ nɔŋŋ, ejaakɛ amɛyoo akɛ amɛhewɔ ebu nɛkɛ abɛ nɛɛ; shi amɛmiishe maŋ lɛ gbeyei.

Luka 4:22

Ni mɛi fɛɛ ye ehe odase, ni amɛnaa kpɛ amɛhe yɛ dromɔ wiemɔi ni jɛ enaa lɛ hewɔ, ni amɛkɛɛ, “Ani jeee Yosef bi lɛ nɛ?”

Yohane 7:1

Enɛ sɛɛ lɛ, Yesu kpa shi yɛ Galilea. Esumɔɔɔ akɛ eyakpaa shi yɛ Yudea, ejaakɛ Yudafoi lɛ miitao lɛ agbe.

Yohane 7:19

Ani jeee Mose hã nyɛ Mla lɛ? Ni nyɛteŋ mɔ ko mɔ ko yeee Mla lɛ nɔ. Mɛni hewɔ nyɛtaoɔ mi nyɛgbe lɛ?”

Yohane 7:46

Tsuji lɛ here nɔ akɛ, “Bɔ ni gbɔmɔ nɛɛ wieɔ lɛ, mɔ ko ewieko nakai dã.”

Bɔfoi 24:25

Shi be ni ewieɔ jalɛ kɛ henɔkwɛmɔ kɛ kojomɔ ni baaba lɛ he lɛ, Felike she gbeyei pam, ni ekɛɛ lɛ akɛ, “Agbɛnɛ yaa fɛɛ da; shi kɛ mina mihe dekã jiŋŋ, matsɛ bo ekoŋŋ.”