Marko 10:23 - ŊMALƐ KRƆŊKRƆŊ LƐ

²³ Ni Yesu kwɛ ehewɔ kɛkpe, ni ekɛɛ ekaselɔi lɛ akɛ, “Nyɛna bɔ ni ewa hã niiatsɛmɛi akɛ amɛaabote Nyɔŋmɔ Maŋtsɛyeli lɛ mli!”

Ṅmãle̱ Kroṅkroṅ Le̱

²³ Ni Iesu kwe̱ ehewe̱ ke̱-kpe ni ekē̱ ekasele̱i le̱ ake̱: Nto nyena bo̱ni ewa hã niiatše̱mei ake̱ ame̱abote Nyoṅmo̱ maṅtše̱yeli le̱ mli!

Marko 10:23 ပူးပေါင်းရင်းမြစ်များ

Hiob 31:24

Kɛji miŋɔ shika mifee mihiɛnɔkãmɔ, aloo mitsɛ shika ŋmiiŋmi mihiɛnɔkãmɔ,

Mateo 18:3

ni ekɛɛ, “Anɔkwale mikɛɔ nyɛ akɛ kɛji nyɛtsakeee ni nyɛtsɔ̃mɔ tamɔ gbekɛbii bibii lɛ, nyɛboteŋ ŋwɛi maŋtsɛyeli lɛ mli kwraa.

Marko 10:15

Miikɛɛ nyɛ anɔkwale mli akɛ mɔ fɛɛ mɔ ni heee Nyɔŋmɔ Maŋtsɛyeli lɛ tamɔ gbekɛ bibioo lɛ, eboteŋ mli kwraa.”

Marko 10:22

Shi nuu lɛ hiɛ tsake yɛ wiemɔ nɛɛ hewɔ, ni eyiŋ etee kɛ dɔlɛ, ejaakɛ eyɛ nii babaoo.

Marko 3:5

Ni ekwɛ amɛhiɛiaŋ kɛkpe kɛ mlifu, ejaakɛ edɔ lɛ akɛ amɛtsui wa nɛkɛ; ni ekɛɛ nuu lɛ akɛ, “Kpã onine lɛ mli!” Ekpã mli, ni atsa enine lɛ ni eye emuu.

Marko 5:32

Shi Yesu kwɛ ehe koni ena mɔ ni fee nakai lɛ.

Luka 18:24

Agbɛnɛ be ni Yesu na akɛ ewerɛ eho ehe lɛ ekɛɛ, “Kwɛ bɔ ni ewa hã mɛi ni yɔɔ nii akɛ amɛaabote Nyɔŋmɔ maŋtsɛyeli lɛ mli!

Yohane 3:5

Yesu here nɔ akɛ, “Miikɛɛ bo anɔkwale akɛ, kɛji ajɛɛɛ nu kɛ Mumɔ mli afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ mli ebote.

1 Korintobii 1:26

Shi anyɛmimɛi, nyɛkwɛa nyɛtsɛmɔ lɛ, jeee heloo gbɛfaŋ nilelɔi pii, jeee hewalɔi pii, jeee abladei pii atsɛ;

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Yakobo 4:4

Gbãlãfitelɔi! Nyɛleee akɛ naanyo ni akɛ je lɛ bɔɔ lɛ Nyɔŋmɔ nyɛɛ ni lo? No hewɔ lɛ, mɔ fɛɛ mɔ ni sumɔɔ akɛ ekɛ je lɛ abɔ naanyo lɛ etsɔ̃ Nyɔŋmɔ henyɛlɔ.

2 Petro 1:11

Ejaakɛ nakai ni aaaŋmɛ nyɛ wɔNuŋtsɔ kɛ yiwalaherelɔ Yesu Kristo naanɔ maŋtsɛyeli lɛ mlibotemɔ gbɛ aahu tsɔ̃.