Marko 1:5 - ŊMALƐ KRƆŊKRƆŊ LƐ

⁵ Mɛi fɛɛ ni yɔɔ Yudea shikpɔŋ lɛ nɔ kɛ Yerusalɛm lɛ tee eŋɔɔ. Amɛjaje amɛhe eshai, ni abaptisi amɛ yɛ Yordan Faa lɛ mli.

Ṅmãle̱ Kroṅkroṅ Le̱

⁵ Ni adše̱ Iudea šikpoṅ le̱ fẽ no̱ ke̱ Ierusalem aba eṅõ, ni ebaptisĩ ame̱fẽ ye̱ Iordan fā le̱ mli, beni ame̱dšadšeo̱ amehe ešai le̱.

Marko 1:5 ပူးပေါင်းရင်းမြစ်များ

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Mateo 4:25

Ni asafoi pii jɛ Galilea kɛ Dekapoli kɛ Yerusalɛm kɛ Yudea kɛ Yordan sɛɛ nyiɛ esɛɛ.

Marko 1:4

No hewɔ lɛ, Yohane ba ni ebaptisi yɛ ŋa lɛ nɔ; ni eshiɛ etsɔ̃ɔ mɛi akɛ amɛtsake amɛtsui ni abaptisi amɛ, koni akɛ amɛhe eshai afa amɛ.

Marko 1:6

Yohane lɛ yooma hetsɔi atade ewoɔ, ni wolokpãa ekɛfiɔ emliteŋ; ni eyeɔ baalabii kɛ ŋa nɔ wo.

Yohane 1:28

Afee nii nɛɛ yɛ Betania, yɛ Yordan sɛɛ, he ni Yohane baptisiɔ yɛ lɛ.

Yohane 3:23

Ni Yohane hu miibaptisi yɛ Ainon yɛ Salim masɛi, ejaakɛ nu pii yɛ jɛi, ni mɛi baa ni abaptisiɔ amɛ;

Yohane 5:35

Yohane ji kane ni tsoɔ ni ekpɛɔ lɛ, shi nyɛ lɛ, nyɛsumɔ akɛ nyɛmli afili nyɛ be kukuoo kɛkɛ yɛ elá lɛ mli.

Bɔfoi 19:18

Ni mɛi ni ehe eye lɛ ateŋ mɛi pii hu ba ni amɛbajaje amɛnifeemɔnii lɛ faŋŋ amɛtsɔ̃ɔ.

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”