Marko 1:13 - ŊMALƐ KRƆŊKRƆŊ LƐ

¹³ Eye gbii nyɔŋmai ejwɛ yɛ jɛi, ni Satan ka lɛ, ni ekɛ ŋaŋ kooloi hi shi; ni ŋwɛi bɔfoi basɔ̃mɔ lɛ.

Ṅmãle̱ Kroṅkroṅ Le̱

¹³ Ni eye gbĩĩ nyoṅmai-edſe̱ ye̱ ṅã le̱ no̱, ni satan kale̱, ni eke̱ ṅãṅ koloi le̱ hĩ ši, ni ṅweibo̱foi basúmo̱le̱.

Marko 1:13 ပူးပေါင်းရင်းမြစ်များ

2 Mose 24:18

Mose kwɔ gɔŋ lɛ, ni ebote atatu lɛ mli. Eye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ gɔŋ lɛ nɔ.

2 Mose 34:28

Mose ye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ Yehowa ŋɔɔ, ni eŋma kpãŋmɔ lɛ mli wiemɔi lɛ, ni ji Kitãi Nyɔŋma lɛ ewo tɛi tɛtɛrɛbii lɛ anɔ, eyeee nii lɛ enuuu nu hu.

Mateo 26:53

Aloo osusuɔ akɛ minyɛŋ miTsɛ fai makpa ni amrɔ nɛɛ nɔŋŋ eeehã mi ŋwɛi bɔfoi fe asafoi nyɔŋma kɛ enyɔ?

Mateo 4:1

Kɛkɛ ni Mumɔ lɛ ŋɔ Yesu kɛtee ŋa nɔ, koni abonsam ayaka lɛ.

Luka 4:1

Yesu ni Mumɔ Krɔŋkrɔŋ eyi lɛ obɔ̃ lɛ ku esɛɛ kɛjɛ Yordan he, ni Mumɔ lɛ kpala lɛ kɛtee ŋa lɛ nɔ;

5 Mose 9:11

Shwaneshwane kɛ nyɔɔŋnyɔɔŋ gbii nyɔŋmai ejwɛ lɛ anaagbee lɛ, Yehowa kɛ tɛi tɛtɛrɛbii enyɔ lɛ, nɔ nɔ ni aŋma kpãŋmɔ lɛ yɛ lɛ, hã mi.

5 Mose 9:18

Kɛkɛ ni mitee ekoŋŋ, ni miyagbee shi yɛ Yehowa hiɛ, tamɔ tsuutsu lɛ. Miye nyɔɔŋnyɔɔŋ kɛ shwaneshwane gbii nyɔŋmai ejwɛ ni miyeee nii lɛ, minuuu nu hu, yɛ nyɛtoigbele kɛ efɔŋ ni nyɛfee Yehowa ni nyɛkɛwo emli la lɛ hewɔ.

5 Mose 9:25

“Miho mikã shi yɛ Yehowa hiɛ nyɔɔŋnyɔɔŋ kɛ shwaneshwane gbii nyɔŋmai ejwɛ, ejaakɛ Yehowa ekɛɛ akɛ ebaakpãtã nyɛhiɛ.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.