Marko 1:10 - ŊMALƐ KRƆŊKRƆŊ LƐ

¹⁰ Yesu je kpo kɛjɛ nu lɛ mli nɔŋŋ pɛ kɛkɛ ni ena ni ŋwɛi naa miigbele ni Mumɔ Krɔŋkrɔŋ lɛ miikpeleke shi tamɔ okpo kɛmiiba enɔ.

Ṅmãle̱ Kroṅkroṅ Le̱

¹⁰ Ni amrõ ni edšeo̱ kpo ye̱ nu le̱ mli le̱, ena ake̱ ṅwei nā egble haṅṅ, ni Mumo̱ le̱ mikpleke ši tamo̱ okpo ke̱-mība eno̱.

Marko 1:10 ပူးပေါင်းရင်းမြစ်များ

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 64:1

Ao, kulɛ otserɛ ŋwɛi mli, ni okpeleke shi koni gɔji lɛ ana bo ni amɛhe akpokpo yɛ ohiɛ,

Ezekiel 1:1

Yɛ afi ni ji nyɔŋmai etɛ̃ lɛ nɔ, nyɔŋ ni ji ejwɛ lɛ nɔ, gbi ni ji enumɔ lɛ nɔ lɛ, be ni miyɔɔ nomii lɛ ateŋ yɛ Kebar Faa lɛ naa lɛ, agbele ŋwɛi naa, ni mina Nyɔŋmɔ he ninai.

Mateo 3:16

Ni be ni abaptisi Yesu lɛ, ejɛ nu lɛ mli amrɔ eje kpo; ni naa, agbele ŋwɛi naa ahã lɛ, ni ena Nyɔŋmɔ Mumɔ lɛ miikpeleke shi tamɔ okpo kɛmiiba enɔ.

Marko 1:11

Ni gbee ko jɛ ŋwɛi kɛɛ, “Bo ji misuɔmɔ Bi lɛ. Bo ohe tsui minaa!”

Marko 1:9

Nakai bei lɛ amli lɛ eba mli akɛ Yesu jɛ Nazaret yɛ Galilea shikpɔŋ lɛ nɔ eba ni Yohane baptisi lɛ yɛ Yordan mli.

Luka 3:22

ni Mumɔ Krɔŋkrɔŋ lɛ kpeleke shi kɛ su ni tamɔ okpo su kɛba enɔ; ni gbee ko jɛ ŋwɛi kɛɛ, “Bo ji miSuɔmɔ Bi lɛ, bo ohe tsui minaa!”