Luka 9:51 - ŊMALƐ KRƆŊKRƆŊ LƐ

⁵¹ Be ni gbii ni abaaŋɔ Yesu lɛ kɛya ŋwɛi lɛ eshɛ etã lɛ, eŋmɔ eyiŋ kpɔ akɛ eeya Yerusalɛm.

Ṅmãle̱ Kroṅkroṅ Le̱

⁵¹ Ši eba mli ake̱, beni gbĩĩ ní abaṅõle̱ ke̱-ya ṅwei le̱ eše̱ etã le̱, edšie ehĩe eka Ierusalem ní ēya dše̱i. Mar. 10,32.

Luka 9:51 ပူးပေါင်းရင်းမြစ်များ

2 Maŋtsɛmɛi 2:11

Be ni amɛnyiɛ gbɛ kɛyaa ni amɛwieɔ lolo lɛ, naa, la shwiili kɛ la okpɔŋɔi ba, ni amɛbagbala Elia kɛ Elisha teŋ. Ni Elia tsɔ̃ lasuogbele lɛ mli kɛtee ŋwɛi.

Marko 16:19

Kɛkɛ ni be ni Nuŋtsɔ Yesu kɛ amɛ ewie sɛɛ lɛ, aŋɔ lɛ kɛtee ŋwɛi, ni eyata Nyɔŋmɔ ninejurɔ nɔ.

Luka 12:50

Shi miyɛ baptisimɔ ko ni akɛbaabaptisi mi, ni kwɛ bɔ ni mihe hiaa mi kɛyashi beyinɔ ni aaagbe naa!

Luka 13:22

Ni eyakpa maji kɛ akrowai amli etsɔ̃ɔ nii, ni etse mli kɛmiiya Yerusalɛm.

Luka 17:11

Ni eba mli akɛ, be ni enyiɛ gbɛ kɛyaa Yerusalɛm lɛ, eyatsɔ̃ Samaria kɛ Galilea teŋ.

Luka 18:31

Agbɛnɛ etsɛ mɛi nyɔŋma kɛ enyɔ lɛ kɛba emasɛi ni ekɛɛ amɛ akɛ, “Naa, wɔmiiya Yerusalɛm, ni aaagbe nibii fɛɛ ni gbalɔi lɛ eŋma yɛ Gbɔmɔ Bi lɛ he lɛ naa.

Luka 19:11

Shi be ni amɛboɔ nii nɛɛ toi lɛ, ebu abɛ ko eshi nɔ, ejaakɛ ebɛŋkɛ Yerusalɛm ni amɛsusu akɛ amrɔ lɛ nɔŋŋ Nyɔŋmɔ Maŋtsɛyeli lɛ baapue.

Luka 19:28

Ni be ni ewie nɛkɛ lɛ, eho eyi hiɛ kɛmiiya Yerusalɛm.

Luka 24:51

Ni eba mli akɛ, be ni ejɔɔ amɛ lɛ, ekɛ amɛ gbala mli, ni awo lɛ kɛtee ŋwɛi.

Luka 9:57

Be ni amɛnyiɛ gbɛ lɛ nɔ kɛyaa lɛ mɔ ko bakɛɛ lɛ akɛ, “Nuŋtsɔ, manyiɛ osɛɛ kɛaatee he fɛɛ he ni oyaa.”

Yohane 13:1

Dani Hehoo Gbijurɔ lɛ aaashɛ lɛ, akɛni Yesu le akɛ eŋmɛlɛtswaa ni ekɛbaaje je nɛɛ mli kɛya Tsɛ lɛ ŋɔɔ lɛ eshɛ hewɔ lɛ, bɔ ni esumɔɔ lɛ diɛŋtsɛ emɛi ni yɔɔ je lɛ mli lɛ, nakai esumɔ amɛ kɛyashi naagbee.

Yohane 16:28

Tsɛ lɛ ŋɔɔ mijɛ miba je lɛ mli, ni miije je lɛ mli maya Tsɛ lɛ ŋɔɔ ekoŋŋ.”

Yohane 16:5

“Shi agbɛnɛ lɛ, miiya mɔ ni tsu mi lɛ ŋɔɔ, ni nyɛteŋ mɔ ko biii mi akɛ, ‘Nɛgbɛ oyaa?’

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 6:62

Shi kɛji nyɛna Gbɔmɔ Bi lɛ miiya ŋwɛi he ni eyɔɔ sa lɛ, no hu?

Bɔfoi 1:2

kɛyashi gbi nɔ ni aŋɔ lɛ kɛtee ŋwɛi, be ni etsɔ̃ Mumɔ Krɔŋkrɔŋ lɛ nɔ ewo ebɔfoi ni ehala lɛ akitãi sɛɛ lɛ.

Bɔfoi 1:9

Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee.

Efesobii 1:20

Hewalɛ nitsumɔ nɛɛ etsu yɛ Kristo mli, be ni etee lɛ shi kɛjɛ gbohii ateŋ, ni ekɛ lɛ ta eninejurɔ nɔ yɛ ŋwɛiniiaŋ,

Filipibii 3:14

ni miitiu oti lɛ kɛyashɛ Nyɔŋmɔ tsɛmɔ ni jɛ ŋwɛi yɛ Kristo Yesu mli lɛ he juromɔ nɔ lɛ he.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

Hebribii 6:20

he ni hiɛnyiɛlɔ lɛ ni ji Yesu, mɔ ni tsɔ̃ naanɔ osɔfonukpa yɛ Melkizedek gbɛjianɔtoo lɛ naa lɛ, bote hã wɔ lɛ.

1 Petro 3:22

mɔ ni etee ŋwɛi ni eyata Nyɔŋmɔ ninejurɔ nɔ, ni akɛ ŋwɛi bɔfoi kɛ hegbɛi kɛ hewalɛi fɛɛ ewo eshishi lɛ.