Luka 9:5 - ŊMALƐ KRƆŊKRƆŊ LƐ

⁵ He fɛɛ he ni mɛi lɛ hereee nyɛ yɛ lɛ, kɛ nyɛmiije nakai maŋ lɛ mli lɛ, nyɛkpokpoa nyɛnajiashi mlu lɛ nyɛkɛyea odase nyɛshia amɛ.”

Ṅmãle̱ Kroṅkroṅ Le̱

⁵ Ni mei abo̱ ní hereenye le̱, no le̱ nyedšea nakai mã le̱ṅ ni *nyekpokpoa nyenãdšiaši mlu le̱ nyeke̱-yeame̱ odase. *10,11.

Luka 9:5 ပူးပေါင်းရင်းမြစ်များ

Nehemia 5:13

Asaŋ mitswa mimlifiinɔ lɛ mli, ni mikɛɛ, “Mɔ fɛɛ mɔ ni yeee nɛkɛ shiwoo nɛɛ nɔ lɛ, bɔ ni Nyɔŋmɔ aaatswa emli kɛjie lɛ kɛjɛ ewe kɛ enitsumɔ mli nɛ; bɔ nɔŋŋ ni aaatswa emli ni afee lɛ shwɛm nɛ.” Asafo muu lɛ fɛɛ here nɔ amɛkɛɛ, “Amen!” Ni amɛ jie Yehowa yi. Maŋ lɛ ye amɛshiwoo nɛɛ nɔ.

Mateo 10:18

Ni amɛkɛ nyɛ aaatee maŋtsɛmɛi kɛ lumɛi ahiɛ yɛ mihewɔ, koni no afee odase ahã amɛ kɛ jeŋmaji lɛ.

Marko 6:11

He fɛɛ he ni mɛi lɛ hereee nyɛ ni amɛbooo nyɛ toi yɛ lɛ, kɛ nyɛmiije jɛi lɛ, nyɛkpokpoa nyɛnane shi mlu nyɛshwiea shi nyɛkɛyea odase nyɛshia amɛ.”

Marko 9:37

“Mɔ fɛɛ mɔ ni hereɔ gbekɛbii ni tamɔ mɛnɛɛmɛi ateŋ mɔ kome yɛ migbɛi mli lɛ, ehereɔ mi; ni mɔ ni hereɔ mi lɛ, jeee mi ehereɔ, shi moŋ mɔ ni tsu mi lɛ!”

Luka 10:16

“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

Luka 5:14

Ni etswa enaa ma akɛ, “Kaakɛɛ mɔ ko, shi moŋ yaa ni okɛ ohe ayatsɔ̃ɔ osɔfo lɛ, ni oyashã afɔle yɛ ohetsemɔ lɛ hewɔ tamɔ bɔ ni Mose to lɛ, koni no afee odase ahã amɛ.”

Luka 9:4

Ni shĩa fɛɛ shĩa ni nyɛaabote mli lɛ, nyɛhia jɛi kɛyashi nyɛaaje jɛi.

Luka 9:48

ni ekɛɛ amɛ akɛ, “Mɔ fɛɛ mɔ ni hereɔ gbekɛ fioo nɛɛ yɛ migbɛi mli lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ; ejaakɛ mɔ ni ji bibioo yɛ nyɛ fɛɛ nyɛteŋ lɛ, lɛ ji agbo fe fɛɛ.”

Bɔfoi 13:51

Shi amɛ lɛ amɛkpokpo amɛnajiashi mlu amɛshwie amɛnɔ, ni amɛyiŋ kɛtee Ikonium.

Bɔfoi 18:6

Shi akɛni amɛkuɔ enaa ni amɛwieɔ musubɔɔ wiemɔi hewɔ lɛ, ekpala ehe eshwie amɛnɔ ni ekɛɛ amɛ akɛ, “Nyɛlá abua nyɛyiteŋ; mi lɛ sɔ̃ ko wulaaa mi. Kɛjɛ be nɛ nɔ kɛyaa nɛɛ, matee jeŋmajiaŋbii lɛ aŋɔɔ.”