Luka 9:48 - ŊMALƐ KRƆŊKRƆŊ LƐ

⁴⁸ ni ekɛɛ amɛ akɛ, “Mɔ fɛɛ mɔ ni hereɔ gbekɛ fioo nɛɛ yɛ migbɛi mli lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ; ejaakɛ mɔ ni ji bibioo yɛ nyɛ fɛɛ nyɛteŋ lɛ, lɛ ji agbo fe fɛɛ.”

Ṅmãle̱ Kroṅkroṅ Le̱

⁴⁸ ni ekē̱ame̱ ake̱: Mofẽmo ní aaṅõ gbekẽ fiō ne̱ ye̱ migbei ano̱ le̱, eṅõo̱mi; ni moni aaṅõmi le̱, eṅõo̱ moni tšũmi le̱; edšake̱ moni dši bibiō ye̱ nyefẽ nyeteṅ le̱, le̱ noṅṅ dši agbo. Mat. 10,40.

Luka 9:48 ပူးပေါင်းရင်းမြစ်များ

Abe̱i 18:12

Henɔwomɔ tsɔ̃ɔ hiɛkpãtãmɔ hiɛ; shi heshibaa tsɔ̃ɔ hiɛnyam hiɛ.

Mateo 18:10

“Nyɛkwɛa jogbaŋŋ koni nyɛkabu mɛi bibii nɛɛ ateŋ mɔ ko mɔ ko akɛ ejeee mɔ ko; ejaakɛ miikɛɛ nyɛ akɛ, amɛbɔfoi ni yɔɔ ŋwɛi lɛ kwɛɔ miTsɛ ni yɔɔ ŋwɛi lɛ hiɛ daa. [

Mateo 18:14

Nakai nɔŋŋ nyɛTsɛ ni yɔɔ ŋwɛi lɛ sumɔɔɔ akɛ bibii nɛɛ ateŋ mɔ kome laajeɔ.”

Mateo 19:28

Shi Yesu kɛɛ amɛ akɛ, “Anɔkwale mikɛɔ nyɛ akɛ, nyɛ mɛi ni nyɛnyiɛ misɛɛ nɛɛ, be ni Gbɔmɔ Bi lɛ aaata enunyam sɛ̃i lɛ nɔ yɛ jeŋ hee lɛ mli lɛ, nyɛ hu nyɛaatara sɛ̃ii nyɔŋma kɛ enyɔ nɔ, ni nyɛaakojo Israel akutsei nyɔŋma kɛ enyɔ lɛ.

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Mateo 25:45

Kɛkɛ lɛ eeehere amɛ nɔ eeekɛɛ akɛ, ‘Anɔkwale mikɛɔ nyɛ akɛ, gbii abɔ ni nyɛfeee nyɛhãaa mɛi bibii kwraa nɛɛ ateŋ mɔ kome lɛ, nyɛfeee nyɛhãaa mi hu!’

Marko 9:37

“Mɔ fɛɛ mɔ ni hereɔ gbekɛbii ni tamɔ mɛnɛɛmɛi ateŋ mɔ kome yɛ migbɛi mli lɛ, ehereɔ mi; ni mɔ ni hereɔ mi lɛ, jeee mi ehereɔ, shi moŋ mɔ ni tsu mi lɛ!”

Luka 10:16

“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Luka 22:26

Shi nyɛ lɛ ebɛ nyɛ nakai; shi moŋ mɔ ni ji agbo yɛ nyɛteŋ lɛ, etsɔ tamɔ gbekɛ, ni mɔ ni ji onukpa hu tamɔ mɔ ni sɔmɔɔ.

Luka 22:30

koni nyɛye nii ni nyɛnu yɛ mikpɔlɔ̃ lɛ he yɛ mimaŋtsɛyeli lɛ mli; ni nyɛaatara sɛii anɔ ni nyɛkojo Israel akutsei nyɔŋma kɛ enyɔ lɛ.”

Luka 7:28

Ejaakɛ miikɛɛ nyɛ akɛ, mɛi ni yei fɔ amɛ lɛ ateŋ lɛ mɔ ko bɛ ni fe Yohane Baptisilɔ lɛ; shi mɔ ni ji bibioo yɛ Nyɔŋmɔ Maŋtsɛyeli lɛ mli lɛ fe lɛ.”

Yohane 13:20

Anɔkwale mikɛɔ nyɛ akɛ, mɔ ni hereɔ mɔ ni mitsuɔ lɛ, mi nɔŋŋ ehereɔ lɛ; ni mɔ ni hereɔ mi lɛ, ehereɔ mɔ ni tsu mi lɛ.”

Yohane 14:21

Mɔ ni ŋɔɔ mikitãi lɛ ni eyeɔ nɔ lɛ, lɛ ji mɔ ni sumɔɔ mi; ni mɔ ni sumɔɔ mi lɛ, miTsɛ aaasumɔ lɛ, ni mi hu masumɔ lɛ, ni majie mihe shi matsɔ̃ɔ lɛ.”

1 Tesalonikabii 4:8

Hewɔ lɛ agbɛnɛ, mɔ ni kwaa tsɔ̃ɔmɔ nɛɛ lɛ, jeee gbɔmɔ ko ekwaa, shi moŋ Nyɔŋmɔ ni kɛ eMumɔ Krɔŋkrɔŋ lɛ hãa nyɛ lɛ.

1 Petro 5:6

Hewɔ lɛ nyɛbaa nyɛhe shi yɛ Nyɔŋmɔ nine ni wa lɛ shishi, koni ewo nyɛnɔ yɛ be ni sa mli.

Kpojiemɔ 21:14

Ni maŋ lɛ gbogbo lɛ yɛ shishitoi nyɔŋma kɛ enyɔ, ni Toobi lɛ bɔfoi nyɔŋma kɛ enyɔ lɛ agbɛii yɛ amɛnɔ.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.