Luka 9:1 - ŊMALƐ KRƆŊKRƆŊ LƐ

¹ Agbɛnɛ Yesu tsɛ ekaselɔi nyɔŋma kɛ enyɔ lɛ kɛkpe, ni ehã amɛ hewalɛ kɛ hegbɛ yɛ mumɔi fɔ̃ji fɛɛ anɔ ni amɛtsa helai hu.

Ṅmãle̱ Kroṅkroṅ Le̱

¹ Ke̱ke̱ ni etšé̱ ekaselo̱i nyoṅma ke̱ enyo̱ le̱ ke̱-kpe, ni ehãame̱ hewale̱ ke̱ hegbe̱ ye̱ daimonioi le̱ fẽ no̱, ní ame̱tšá helai hũ.

Luka 9:1 ပူးပေါင်းရင်းမြစ်များ

Mateo 16:19

Ni maŋɔ ŋwɛi maŋtsɛyeli lɛ naa samfei lɛ mahã bo; nɔ fɛɛ nɔ ni ooofi yɛ shikpɔŋ lɛ nɔ lɛ, aaafi yɛ ŋwɛi; ni nɔ fɛɛ nɔ ni ooofɛne yɛ shikpɔŋ lɛ nɔ lɛ, aaafɛne yɛ ŋwɛi.

Mateo 4:24

Ni ehe sane gbɛ shwã Siria fɛɛ, ni akɛ mɛi fɛɛ ni bɛ hewalɛ ni helai kɛ piŋmɔi srɔtoi hiɛ amɛ kɛ mɛi ni mumɔi fɔ̃ji yɔɔ amɛmli kɛ mɛi ni yeɔ gbligbli kɛ mɛi ni yeɔ kuumɔhela ba eŋɔɔ, ni etsa amɛ.

Mateo 8:9

Ejaakɛ mi po ni mi ji gbɔmɔ ni yɔɔ nɔyeli shishi lɛ, miyɛ asraafoi yɛ mishishi, ni mikɛɔ mɔ kome akɛ, ‘Yaa!’ Ni eyaa; kɛ mɔ kroko hu akɛ, ‘Ba!’ Ni ebaa; ni mikɛɔ mitsulɔ akɛ, ‘Feemɔ enɛ!’ Ni efeɔ.”

Luka 10:1

Enɛ sɛɛ lɛ, Nuŋtsɔ lɛ famɔ mɛi krokomɛi nyɔŋmai kpawo hu, ni etsu amɛ enyɔnyɔɔnyɔ kɛtsɔ̃ ehiɛ kɛtee maŋ fɛɛ maŋ nɔ kɛ he fɛɛ he ni lɛ diɛŋtsɛ ebaaya lɛ.

Luka 10:19

Naa, mihã nyɛ hegbɛ ni nyɛnaanaa onufui kɛ nyɔŋmɔŋkrakroi kɛ henyɛlɔ lɛ hewalɛ lɛ fɛɛ nɔ; ni nɔ ko nɔ ko efeŋ nyɛ efɔ̃ŋ ko.

Yohane 14:12

Anɔkwale mikɛɔ nyɛ akɛ, mɔ ni heɔ minɔ eyeɔ lɛ, nitsumɔi ni mitsuɔ lɛ, lɛ hu eeetsu, ni eeetsu nii ni fe nomɛi tete, ejaakɛ miiya Tsɛ lɛ ŋɔɔ.

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 3:16

Ni egbɛi lɛ nɔ hemɔkɛyeli naa, ni egbɛi lɛ tsa nuu nɛɛ ni nyɛnaa ni nyɛle lɛ; ni enɔ hemɔkɛyeli lɛ ehã efee kpiŋtiŋkpliŋŋ yɛ nyɛ fɛɛ nyɛhiɛ nɛɛ.

Bɔfoi 4:30

ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

Bɔfoi 9:34

Ni Petro kɛɛ lɛ akɛ, “Ainea, Yesu Kristo miitsa bo; tee shi ni bo diɛŋtsɛ oŋmɛ osaa lɛ!” Ni amrɔ lɛ ete shi.