Luka 8:28 - ŊMALƐ KRƆŊKRƆŊ LƐ

²⁸ Ni be ni ena Yesu lɛ ebo waa ni ebagbee enaji anaa, ni ekɛ gbee ni wa kɛɛ, “Mɛɛ sane mikɛ bo yɔɔ, bo Yesu, Nyɔŋmɔ ni yɔɔ ŋwɛi shɔŋŋ lɛ, Bi? Miikpa bo fai, kaapiŋ mi!” (Ekɛɛ enɛ),

Ṅmãle̱ Kroṅkroṅ Le̱

²⁸ Ni beni ena Iesu le̱, ebo wā ni ebakūla ši ye̱ ehĩe, ni eke̱ gbē wale̱ kē̱ ake̱: Mẽ sane mike̱o yo̱, bo Iesu, Nyoṅmo ní yo̱ ṅwei šoṅṅ le̱, bi? Mikpao fai, kāpīmi!

Luka 8:28 ပူးပေါင်းရင်းမြစ်များ

Yesaia 27:1

Nakai gbi lɛ nɔ lɛ, Yehowa kɛ klante agbo ni naa ba ni wa hu baabamɔ Leviatan, onufu lɔgɔligi lɛ, ni eeegbe ogboole ni yɔɔ ŋshɔ lɛ mli lɛ.

Mateo 8:29

Ni naa, amɛbolɔ amɛkɛɛ, “Mɛɛ sane wɔkɛ bo yɔɔ, bo Yesu Nyɔŋmɔ Bi lɛ? Ani oba biɛ ni obawo wɔ hejaramɔ dani be lɛ ashɛ?”

Luka 8:27

Ni be ni ebakpeleke lɛ, nuu ko jɛ maŋ lɛ mli kɛ lɛ bakpe ni mumɔi fɔ̃ji yɔɔ emli kɛjɛ jeeŋmɔ ni ewooo atade ni ehiii shĩa akɛ ja gbohii abui amli kɛkɛ.

Luka 8:29

ejaakɛ Yesu fã mumɔ fɔŋ lɛ akɛ eje emli. Shi emɔɔ lɛ kpitiokpitioo; ni awoɔ lɛ kɔsɔŋkɔsɔi kɛ gboklɛi ni abuɔ ehe; shi etsereɔ nii ni akɛfimɔɔ lɛ lɛ amli, ni mumɔ fɔ̃ŋ lɛ kpalaa lɛ kɛyaa ŋa lɛ mli.

Yakobo 2:19

Bo lɛ oheɔ oyeɔ akɛ Nyɔŋmɔ lɛ mɔ kome ni? Ofee jogbaŋŋ; mumɔi fɔ̃ji hu heɔ yeɔ ni amɛhe kpokpoɔ.

2 Petro 2:4

Ejaakɛ kɛji Nyɔŋmɔ kɛ bɔfoi ni fee esha lɛ ahe ekeee amɛ, shi moŋ etsi amɛ ewo gbohiiaje bu kɛ emli duŋ lɛ mli, ni eŋɔ amɛ ehã akɛ akɛ amɛ ato ahã kojomɔ,

1 Yohane 3:8

Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.