Luka 8:24 - ŊMALƐ KRƆŊKRƆŊ LƐ

²⁴ Ni amɛba eŋɔɔ amɛbatsiɛ̃ lɛ amɛkɛɛ, “Nuŋtsɔ, Nuŋtsɔ, wɔhiɛ miikpãtã!” Ni ete shi ni efã kɔɔyɔɔ lɛ kɛ nu ni efee hamahama lɛ yi, ni amɛfee diŋŋ, ni ŋshɔ lɛ ŋmɛ.

Ṅmãle̱ Kroṅkroṅ Le̱

²⁴ Ni ameba eṅõ ame̱batšĩele̱ ame̱kē̱: Nuṅtšo̱, Nuṅtšo̱, wo̱mīladše! Ni ete ši ni efã́ kō̱yo̱ le̱ ke̱ nu ní efe hãmãhãmã le̱ yi, ní ame̱fe diṅṅ, ni ṅšo̱ le̱ ṅmē̃.

Luka 8:24 ပူးပေါင်းရင်းမြစ်များ

Lalai 65:7

Bo ji mɔ ni ojɔɔ ŋshɔhũumɔ he, kɛ ŋshɔkei ahũumɔ he, ni ojɔɔ adesai ahoofeemɔ hu he.

Yesaia 50:2

“Mɛɛba miba, ni mɔ ko mɔ ko bɛ? Mɛɛba mibo mitsɛ, ni mɔ ko mɔ ko hereee mi nɔ lɛ? Ani minine efo kuku bɔ ni minyɛɛɛ mɔ yiwala mahere? Aloo mibɛ hewalɛ ni mikɛaakpɔ̃ mɔ? Naa, mifãa, ni ŋshɔ miiɔ. Mihãa fai gbiɔ ni amɛtsɔmɔɔ tamɔ shiaŋa, ni amɛmli loi gboiɔ ni amɛshaa, ejaakɛ amɛnaaa nu.

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Nahum 1:4

Eŋãa ŋshɔ yi, ni emiɔ; ehãa fai fɛɛ miɔ. Bashan kɛ Karmel gɔji lɛ anɔ ŋãlãa, ni Lebanon ŋã floŋŋ lɛ hu ŋãlãa.

Mateo 14:30

Shi be ni ena akɛ kɔɔyɔɔ lɛ miitswa waa lɛ, eshe gbeyei ni ebɔ̃i shiumɔ, ni ebo ekɛɛ, “Nuŋtsɔ, heremɔ mi!”

Mateo 8:25

Ni ekaselɔi lɛ ba eŋɔɔ ni amɛbatsiɛ̃ lɛ amɛkɛɛ, “Nuŋtsɔ, heremɔ wɔyiwala, wɔhiɛ miikpãtã!”

Marko 4:39

Ni ete shi ni efã kɔɔyɔɔ lɛ yi, ni ekɛɛ ŋshɔ lɛ akɛ, “Bu onaa ni ofee diŋŋ!” Kɔɔyɔɔ lɛ fɔ̃ɔ tswaa, ni ŋshɔ lɛ ŋmɛ dɛmm.

Luka 4:35

Ni Yesu fã eyi ni ekɛɛ, “Muamɔ onaa ni oje emli!” Ni mumɔ fɔŋ lɛ tsi lɛ etswa shi yɛ mɛi lɛ ahiɛ ni eje emli, ni eyeee lɛ awui ko.

Luka 4:39

Ni eyadamɔ emasɛi, ni efã atridii lɛ yi, ni etse yɛ enɔ. Ni amrɔ lɛ ete shi ni esɔ̃mɔ amɛ.

Luka 5:5

Ni Simon here nɔ ni ekɛɛ lɛ akɛ, “Onukpa, wɔtsu nii waa nyɔɔŋ nɛɛŋ fɛɛ ni wɔnaaa nɔ ko; shi kɛ̃lɛ owiemɔ lɛ naa lɛ maŋmɛ yai lɛ.”

Luka 8:25

Ni ekɛɛ amɛ akɛ, “Nɛgbɛ nyɛhemɔkɛyeli yɔɔ?” Ni amɛshe gbeyei ni amɛhiɛ fee amɛ yaa ni amɛkɛɛkɛɛ amɛhe akɛ, “Mɛɛ gbɔmɔ srɔto po nɛ ni efãa kɔɔyɔi kɛ nui tete yi ni amɛboɔ lɛ toi nɛɛ?”