Luka 8:15 - ŊMALƐ KRƆŊKRƆŊ LƐ

¹⁵ Shi shikpɔŋ kpakpa nɔ bii lɛ ji mɛi ni kɛji amɛnu wiemɔ lɛ amɛkɛtoɔ tsui ni hi ni yɔɔ krɔŋŋ mli, ni amɛkɛ tsuishiŋmɛɛ woɔ yibii.”

Ṅmãle̱ Kroṅkroṅ Le̱

¹⁵ Ši šikpoṅ kpakpa mli nõ le̱ dši mei ní beni ame̱nu wiemo̱ le̱ ame̱ke̱-too̱ *tšui kro̱ṅṅ ní hĩ mli, ni ame̱ke̱ †tšuišiṅmē̃ woo̱ yibii. *Bo̱f. 16,14. †Heb. 10,36.

Luka 8:15 ပူးပေါင်းရင်းမြစ်များ

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 51:10

Oo Nyɔŋmɔ, bɔɔ tsui ni mli tse ohã mi; dromɔ mi mumɔ hee ni gbugbãaa.

Abe̱i 3:1

Mibi, ohiɛ akakpa mimlai lɛ anɔ, shi moŋ okɛ mikitãi lɛ ato otsui mli,

Yeremia 15:16

Ao! Yehowa, Taiatsɛ, be ni minu owiemɔi lɛ mimɔ mli, ni ehã mina miishɛɛ, ni mimli fili mi, ejaakɛ akɛ ogbɛi ewo mi.

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:29

Babilonbii ni ebatua maŋ lɛ baana abote maŋ lɛ mli, ni amɛbaama maŋ lɛ naa la koni amɛshã. Amɛbaashã shĩai ni maŋbii lɛ shã tsofakɛŋma yɛ amɛyiteiaŋ amɛkɛhã Baal, asaŋ ni amɛfɔse wain hu amɛshwie shi akɛ afɔle yɛ jɛi amɛhã nyɔŋmɔi krokomɛi, ni amɛkɛ nakai feemɔ wo mimli la lɛ.

Mateo 24:13

Shi mɔ ni hiɛɔ mli kɛyawulaa shi lɛ, lɛ eyiwala aaahere.

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Luka 6:45

Gbɔmɔ kpakpa jieɔ nɔ kpakpa kɛjɛɔ etsui mli jwetri kpakpa lɛ mli, ni gbɔmɔ fɔ̃ŋ jieɔ nɔ fɔ̃ŋ kɛjɛɔ etsui mli jwetri fɔ̃ŋ lɛ mli, ejaakɛ nɔ ni eyi tsui obɔ̃ lɛ, no naabu wieɔ.”

Luka 8:14

Ŋmei ateŋ bii lɛ ji mɛi ni nuɔ ni amɛyaa, ni je nɛɛŋ henaagbamɔi kɛ ninamɔ kɛ ŋɔɔmɔyeli gbeɔ wiemɔ lɛ yɛ amɛmli; ni amɛwooo yibii ni hiɔ shi ni saa kɛgbeɔ naa.

Luka 8:16

“Mɔ ko esuuu kane ni ekɛ nɔ ha nɔ aloo ni ekɛma saatso shishi; shi moŋ kanetso nɔ ekɛmaa, koni mɛi ni boteɔ shĩa lɛ mli ana la lɛ.

Yohane 14:15

“Kɛji nyɛmiisumɔ mi lɛ nyɛaaye mikitãi lɛ anɔ.

Yohane 15:10

Kɛji nyɛye mikitãi lɛ anɔ lɛ, nyɛaahi misuɔmɔ lɛ mli, tamɔ bɔ ni miye miTsɛ kitãi lɛ anɔ ni mihiɔ esuɔmɔ lɛ mli lɛ.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 7:18

Ejaakɛ mile akɛ mimli, no ji migbɔmɔ su lɛ mli lɛ, nɔ ko kpakpa ko bɛ jɛi; ejaakɛ suɔmɔ lɛ miyɛ eko moŋ, shi ekpakpafeemɔ ni ebɔ mi.

Romabii 7:4

Minyɛmimɛi, nakai nɔŋŋ nyɛ hu atsɔ̃ Kristo gbɔmɔtso lɛ nɔ ahã nyɛgboi yɛ Mla lɛ gbɛfaŋ, ni nyɛtsɔ̃mɔ mɔ kroko ni ji mɔ ni atee lɛ shi kɛjɛ gbohii ateŋ lɛ nii, koni wɔwo yibii wɔhã Nyɔŋmɔ.

Romabii 8:25

Shi kɛ nɔ ni wɔnaaa lɛ nɔ wɔhiɛ kã lɛ, belɛ wɔkɛ tsuishiŋmɛɛ kwɛɔ lɛ gbɛ.

1 Korintobii 7:19

Ketiafoo jeee nɔ ko, ni foo hu jeee nɔ ko, shi Nyɔŋmɔ kitãi lɛ anɔyeli moŋ ji nɔ ko.

Efesobii 2:8

Ejaakɛ dromɔ akɛhere nyɛyiwala kɛtsɔ hemɔkɛyeli nɔ, ni enɛ lɛ, jeee nyɛmli ejɛ, Nyɔŋmɔ nɔkeenɔ ni,

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

Hebribii 10:36

Ejaakɛ tsuishitoo he ehĩa nyɛ, koni, be ni nyɛfee Nyɔŋmɔ suɔmɔnaanii lɛ, nyɛnine ashɛ shiwoo lɛ nɔ.

Hebribii 2:1

No hewɔ lɛ, esa akɛ wɔjwɛŋmɔ ahi nii ni wɔnu lɛ anɔ jogbaŋŋ, koni wɔkakplaŋ kɛje he be ko.

Yakobo 1:4

Ni nyɛhãa hiɛmiamɔ lɛ agbea enitsumɔ naa kɛwulaa shi, koni nyɛhi kɛwula shi ni nyɛye emuu ni nɔ ko akashwɛ nyɛ.

1 Yohane 2:3

Ni kɛ wɔyeɔ Nyɔŋmɔ kitãi lɛ anɔ lɛ, no wɔkɛnaa akɛ wɔle lɛ.