Luka 8:13 - ŊMALƐ KRƆŊKRƆŊ LƐ

¹³ Tɛsaa nɔ bii lɛ ji mɛi ni nuɔ ni amɛheɔ amɛyeɔ be kuku kɛkɛ, ni kaa be mli lɛ amɛkwaa amɛhemɔkɛyeli lɛ.

Ṅmãle̱ Kroṅkroṅ Le̱

¹³ Ni mei ni yo̱ te̱sā no̱ le̱ dši mei ní beni amenu le̱ ame̱heo̱ wiemo̱ le̱ ke̱ mīše̱; ši ake̱-ní ame̱be̱ šišifã hewo̱ le̱, ame̱heo̱ ame̱yeo̱ be kuku ke̱ke̱, ni kābe mli le̱ ame̱kwaä.

Luka 8:13 ပူးပေါင်းရင်းမြစ်များ

Hiob 19:28

Kɛji nyɛmiikɛɛ akɛ, “Bɔ ni wɔɔtsɔ̃ wɔwa lɛ yi!” Kɛ “Sane tso muu fɛɛ lɛ jɛ lɛ” lɛ,

Abe̱i 12:12

Mɔ fɔŋ mɔɔ ni wa lɛ hiɛ kpãtãa; shi jalɔ shishifã maa shi shiŋŋ.

Abe̱i 12:3

Efɔŋfeemɔ hãaa mɔ afi shi; shi jalɔi ashishi fã lɛ, anyɛŋ afã kɔkɔɔkɔ.

Yesaia 58:2

Tsɛbelɛ gbi fɛɛ gbi lɛ amɛtaoɔ misɛɛgbɛ, ni amɛshweɔ akɛ amɛle migbɛi lɛ tamɔ maŋ ni yeɔ jalɛ sane, ni amɛkwako amɛNyɔŋmɔ lɛ mlai lɛ. Amɛtaoɔ akɛ mabu amɛ bem akɛ jalɔi, ni amɛsumɔɔ akɛ amɛtsi amɛbɛŋkɛ Nyɔŋmɔ.”

Ezekiel 33:32

Shi, naa, bo lɛ otamɔ mɔ ko kɛkɛ ni kɛ gbee ni ŋɔɔ laa suɔmɔ lalai, ni etswaa saŋku jogbaŋŋ ohã amɛ. Ejaakɛ amɛnuɔ owiemɔ lɛ nɛ, shi amɛyeŋ nɔ.

Hosea 6:4

Shi Yehowa kɛɔ akɛ, “Ao! Israel, mɛni mafee ohe? Ao! Yuda, te mafee bo tɛŋŋ? Ejaakɛ osuɔmɔ lɛ etamɔ leebi atatu; etamɔ leebi bɔ ni kpalaa oya.

Marko 6:20

ejaakɛ Herode miishe Yohane gbeyei, akɛni ele akɛ jalɔ kɛ mɔ krɔŋkrɔŋ ji lɛ lɛ, ni eto lɛ shweshweeshwe. Kɛ ebo ewiemɔ toi lɛ, ehe jaraa lɛ pii, shi kɛ̃lɛ esumɔɔ akɛ ebo lɛ toi.

Luka 8:12

Gbɛ toi bii lɛ ji mɛi ni nuɔ, shi abonsam baa ni ebashaa wiemɔ lɛ yɛ amɛtsuiiaŋ, koni amɛkahe amɛye ni ahere amɛyiwala.

Luka 8:14

Ŋmei ateŋ bii lɛ ji mɛi ni nuɔ ni amɛyaa, ni je nɛɛŋ henaagbamɔi kɛ ninamɔ kɛ ŋɔɔmɔyeli gbeɔ wiemɔ lɛ yɛ amɛmli; ni amɛwooo yibii ni hiɔ shi ni saa kɛgbeɔ naa.

Yohane 15:2

Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Yohane 15:6

Kɛji mɔ ko ehiii mimli lɛ, ashɛɔ lɛ afɔ̃ɔ tamɔ tso nine, ni egbiɔ, ni abuaa naa awoɔ la mli, ni ashãa.

Yohane 5:35

Yohane ji kane ni tsoɔ ni ekpɛɔ lɛ, shi nyɛ lɛ, nyɛsumɔ akɛ nyɛmli afili nyɛ be kukuoo kɛkɛ yɛ elá lɛ mli.

1 Korintobii 13:2

Ni kɛji miyɛ gbalɛ dromɔ keenii, ni minaa teemɔŋnii fɛɛ naa, ni mile nii fɛɛ, ni kɛji miyɛ hemɔkɛyeli fɛɛ hu, bɔ ni manyɛ gɔji mafãmɔ, shi mibɛ suɔmɔ lɛ, no lɛ mijeee nɔ ko.

1 Korintobii 15:2

no akɛhereɔ nyɛyiwala hu, kɛ nyɛmɔ mli bɔ ni mijaje mitsɔ̃ɔ nyɛ lɛ; kɛjeee nakai lɛ nyɛhe nyɛye yakatswaa.

Galatabii 3:1

O Galatiabii ni bɛ yitsoŋ! Namɔ kpɛ nyɛ ayɛ, nyɛ ni atɛŋ Yesu Kristo yɛ nyɛhiɛ akɛ mɔ ni asɛŋ lɛ lɛ?

Galatabii 3:4

Nɔ babaoo ni nyɛna nɛɛ, yakatswaa nyɛna lo (kɛ eyɛ mli akɛ yakatswaa nyɛna lɛ)?

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 2:7

Ni nyɛshishifã amɔ̃ shi ni atswa nyɛ ama enɔ ni nyɛfi shi yɛ hemɔkɛyeli lɛ mli, tamɔ bɔ ni atsɔ̃ɔ nyɛ lɛ ni nyɛteke nɔ kɛ shidaa.

1 Tesalonikabii 3:5

Enɛ hewɔ ni mi hu, be ni minyɛɛɛ dɔŋŋ lɛ, mitsu Timoteo ni mikɛle nyɛhemɔkɛyeli lɛ, akɛ aleenɔ kalɔ lɛ ebaka nyɛ, ni ehã wɔdeŋme ni wɔgbo lɛ efee yaka lo.

1 Timoteo 1:19

ni ohiɛ hemɔkɛyeli kɛ henilee kpakpa. Nɔ ni mɛi komɛi shɛrɛ shwie ni amɛyasha shi yɛ hemɔkɛyeli lɛ gbɛfaŋ lɛ.

Hebribii 10:39

Shi wɔ lɛ, jeee mɛi ni kpaleɔ kɛyaa hiɛkpãtãmɔ mli lɛ ateŋ mɛi komɛi ji wɔ, shi moŋ wɔji mɛi ni kɛ hemɔkɛyeli naa amɛsusuma yiwalaheremɔ lɛ ateŋ mɛi komɛi.

Yakobo 2:26

Ejaakɛ tamɔ bɔ ni gbɔmɔtso ni mumɔ bɛ mli lɛ ji gbonyo lɛ, nakai nɔŋŋ hemɔkɛyeli ni nitsumɔi bɛ he lɛ hu ji hemɔkɛyeli ni egbo.

2 Petro 2:20

Ejaakɛ kɛ amɛtsɔ̃ Nuŋtsɔ kɛ yiwalaherelɔ Yesu Kristo he nilee lɛ nɔ amɛjo je nɛɛ mli mujinii lɛ anaa foi ni asaa adu amɛ yɛ nomɛi amli ni aye amɛnɔ lɛ, amɛnaagbee shihilɛ etsɔ̃ efɔŋ fe amɛtsutsu shihilɛ lɛ.

2 Petro 2:22

Shi anɔkwa abɛ lɛ eba mli yɛ amɛhe akɛ, “Gbee kuɔ esɛɛ kɛyaa lɛ diɛŋtsɛ eshwee he, ni kplotoo ni aju ehe lɛ yakokloɔ ŋmɔtɔ mli.”

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

Yuda 1:12

Mɛnɛɛmɛi ji mɛi ni woɔ nyɛsuɔmɔ niyenii lɛ ahe muji, ejaakɛ amɛkɛ nyɛ yeɔ nii ni amɛsheee gbeyei. Ni amɛ diɛŋtsɛ amɛhe amɛlɛlɛɔ. Atatui ni nu bɛ amɛmli ni kɔɔyɔɔ kpalaa amɛ kɛbɔleɔ shi ji amɛ. Tsei ni yibiiwoo be mli lɛ amɛwooo yibii, shi amɛgboi shii enyɔ ni afãmɔ amɛ kɛ amɛshishifãi.