Luka 7:39 - ŊMALƐ KRƆŊKRƆŊ LƐ

³⁹ Shi be ni Farisifonyo ni kpee Yesu niyeli lɛ na lɛ, ekɛɛ yɛ emli akɛ, “Gbɔmɔ nɛɛ, gbalɔ ji lɛ jikulɛ, eeele nɔ gbɔmɔ kɛ nɔ yoo ni taa ehe nɛɛ akɛ eshafeelɔ ji lɛ.”

Ṅmãle̱ Kroṅkroṅ Le̱

³⁹ Ši beni Farisifonyo ní kpēle̱ niyeli le̱ na le̱, ekē̱ ye̱ emli ake̱: Gbomo ne̱, gbalo̱ dšile̱ dšikũle̱, eele nõ mo ke̱ nõ yō ní taä ehe ne̱ ake̱ ešafelo̱ dšile̱.

Luka 7:39 ပူးပေါင်းရင်းမြစ်များ

2 Maŋtsɛmɛi 5:20

Naaman shɛko he ko shɔŋŋ ko kɛkɛ ni Gehazi, Elisha Nyɔŋmɔ gbɔmɔ lɛ tsulɔ lɛ kɛɛ ehe akɛ, “Naa, minuŋtsɔ eŋɔ Naaman, Sirianyo nɛɛ, he eke lɛ, ni eheee nɔ ni ekɛba lɛ yɛ edɛŋ. Akɛni Yehowa hiɛ kã nɛɛ lɛ, masha foi kɛnyiɛ esɛɛ koni mayahe nɔ ko yɛ edɛŋ.”

Abe̱i 23:7

Ejaakɛ etamɔ mɔ ko ni buɔ nɔ fɛɛ nɔ he akɔntaa yɛ eyitsoŋ. Ekɛɔ bo akɛ, “Ye ni onu!” Shi jeee kɛ etsui mli fɛɛ.

Yesaia 65:5

Amɛkɛɔ akɛ, ‘Tsi ohe kɛya sɛɛ. Kaabɛŋkɛ mi ejaakɛ mihe tse fe bo.’ Mɛnɛɛmɛi lɛ amɛsukɔɔ mi, amɛtamɔ la ni tsoɔ gbi muu fɛɛ.

Mateo 20:16

Nɛkɛ ni sɛɛkpeebii aaatsɔ̃mɔ klɛŋklɛŋbii, ni klɛŋklɛŋbii aaatsɔ̃mɔ sɛɛkpeebii; [ejaakɛ atsɛ mɛi pii, shi mɛi fioo ahala.]”

Mateo 21:11

Shi asafoi lɛ kɛɛ, “Mɔ nɛ ji Yesu, gbalɔ lɛ ni jɛ Nazaret yɛ Galilea lɛ.”

Marko 7:21

Ejaakɛ mligbɛ ni ji gbɔmɛi atsuii amli lɛ, jɛi jwɛŋmɔi fɔ̃ji jɛɔ: ajwamãŋbɔɔ, juu, awuyeli,

Luka 12:17

Ni esusu he ni ekɛɛ yɛ eyiŋ akɛ, ‘Te mafee tɛŋŋ, akɛni mibɛ he ni mikɛ minibanii lɛ baato nɛɛ?’

Luka 15:2

Shi Farisifoi kɛ mlatsɔɔlɔi lɛ wie huhuuhu amɛkɛɛ, “Nuu nɛɛ hereɔ eshafeelɔi atuu ni ekɛ amɛ yeɔ nii.”

Luka 16:3

Ni tsulɔnukpa lɛ kɛɛ yɛ eyiŋ akɛ, ‘Akɛni minuŋtsɔ shɔ̃ɔ onukpayeli lɛ yɛ midɛŋ nɛɛ, te mafee tɛŋŋ? Minyɛŋ shi matsa, ni sisɛ̃mɔ hu miifee mi hiɛgbele.

Luka 18:4

Ni ekpɛlɛ̃ɛɛ aahu. Shi fee sɛɛ lɛ ekɛɛ yɛ eyiŋ akɛ, ‘Yɛŋ akɛ misheee Nyɔŋmɔ gbeyei, ni mibuuu gbɔmɔ hu moŋ nɛ,

Luka 3:8

Belɛ nyɛwoa yibii ni sa tsuitsakemɔ; ni nyɛkabɔia kɛɛmɔ yɛ nyɛyiŋ akɛ, ‘Wɔtsɛ ji Abraham;’ ejaakɛ miikɛɛ nyɛ akɛ, Nyɔŋmɔ aaanyɛ atee bii ashi kɛjɛ tɛi nɛɛ amli ehã Abraham.

Luka 7:16

Ni gbeyei mɔmɔ amɛ fɛɛ, ni amɛwo Nyɔŋmɔ hiɛ nyam amɛkɛɛ, “Gbalɔ kpeteŋkple ete shi yɛ wɔteŋ, ni Nyɔŋmɔ ebasara emaŋ lɛ.”

Luka 7:37

Ni naa, be ni yoo ko ni yɔɔ maŋ lɛ mli ni ji eshafeelɔ lɛ na ele akɛ Yesu miiye nii yɛ Farisifonyo lɛ we lɛ, ekɛ alabastro tɔ kɛ emli mukɛŋma ba;

Luka 7:38

ni ebadamɔ enajiaŋshi yɛ esɛɛgbɛ, ni efo ni ekɛ eyaafonu lɛ bɔ̃i enaji ahe fɔɔ ni ekɛ eyitsɔi tsumɔ, ni eshwɔ enaji ahe, ni ekɛ mukɛŋma lɛ kpa he.

Luka 7:40

Ni Yesu wo enaa nɔ ni ekɛɛ lɛ akɛ, “Simon, miyɛ sane ko ni mibakɛɛ bo.” Ni ekɛɛ, “Tsɔɔlɔ, kɛɛmɔ!”

Yohane 4:19

Yoo lɛ kɛɛ lɛ akɛ, “Nuŋtsɔ, mina akɛ gbalɔ ji bo.

Yohane 7:12

Ni huhuhuhu wiemɔi pii ete shi yɛ mɛi lɛ ateŋ yɛ ehe. Mɛi komɛi kɛɛ akɛ, “Gbɔmɔ kpakpa ji lɛ;” ni mɛi komɛi hu kɛɛ akɛ, “Dabi, hã moŋ ehãa asafo lɛ duduɔ.”

Yohane 9:24

Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”