Luka 7:38 - ŊMALƐ KRƆŊKRƆŊ LƐ

³⁸ ni ebadamɔ enajiaŋshi yɛ esɛɛgbɛ, ni efo ni ekɛ eyaafonu lɛ bɔ̃i enaji ahe fɔɔ ni ekɛ eyitsɔi tsumɔ, ni eshwɔ enaji ahe, ni ekɛ mukɛŋma lɛ kpa he.

Ṅmãle̱ Kroṅkroṅ Le̱

³⁸ ni ebadamo̱ enãdši aši ye̱ ese̱gbe̱, ni efó, ni eke̱ yāfónui le̱ bõi enãdši ahe fó̱mo̱, ni eke̱ eyitšo̱i tšumo̱, ni eſo̱ enãdši ahe, ni eke̱ tšofã-ke̱-ṅma le̱ kpá he.

Luka 7:38 ပူးပေါင်းရင်းမြစ်များ

1 Mose 18:4

Hã ni ayɛ nu fioo kɛba ni nyɛkɛfɔ nyɛnaji ahe, ni nyɛjɔɔ nyɛhe yɛ tso lɛ shishi

Ezra 10:1

Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

Lalai 38:18

Miijaje mitɔ̃mɔ lɛ; mihe esha lɛ miidɔ mi naakpa.

Lalai 51:17

Afɔle ni sa ohiɛ ji mumɔ ni werɛ eho ehe. Oo Nyɔŋmɔ, tsui ni tswiaa shi kɛ dɔlɛ lɛ, okpooŋ.

Jajelɔ 9:8

Hã otadei ahiɛ ayɛ be fɛɛ be; wo oyiteŋ mu be fɛɛ be hu.

Salomo Lalai 1:3

Omui ni okpaa jeɔ ŋma naakpa, ogbɛi jeɔ ŋma tamɔ muŋma ni afɔse ashwie shi. No hewɔ ni oblayei lɛ sumɔɔ bo lɛ.

Yesaia 57:9

Nyɛwoɔ ojeŋmai, ni nyɛkpaa muŋma kɛyaa, ni nyɛyajaa wɔŋ Molek. Otsuɔ obɔfoi kɛyaa shɔŋŋ, kɛyaa gbohiiaje tete.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yeremia 31:9

Amɛbaaba kɛ yaafo kɛ faikpamɔ ni mibakpala amɛ kɛku sɛɛ kɛba. Mibahã amɛnyiɛ fai atoii kɛ gbɛ trɔmɔɔ nɔ, he ni amɛtɛrɛŋ yɛ. Ejaakɛ Israel Tsɛ ji mi, ni mikromɔbi ji Efraim.

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Mateo 5:4

“Ajɔɔ mɛi ni yeɔ ŋkɔmɔ lɛ; shi aaashɛje amɛmii.”

Luka 22:62

Ni Petro je kpo ni eyafo kɛ dɔlɛ.

Luka 6:21

“Ajɔɔ nyɛ mɛi ni hɔ̃mɔ yeɔ nyɛ amrɔ nɛɛ; ejaakɛ nyɛaatɔrɔ. Ajɔɔ nyɛ mɛi ni nyɛfoɔ amrɔ nɛɛ; ejaakɛ nyɛaaŋmɔ.

Luka 7:37

Ni naa, be ni yoo ko ni yɔɔ maŋ lɛ mli ni ji eshafeelɔ lɛ na ele akɛ Yesu miiye nii yɛ Farisifonyo lɛ we lɛ, ekɛ alabastro tɔ kɛ emli mukɛŋma ba;

Luka 7:39

Shi be ni Farisifonyo ni kpee Yesu niyeli lɛ na lɛ, ekɛɛ yɛ emli akɛ, “Gbɔmɔ nɛɛ, gbalɔ ji lɛ jikulɛ, eeele nɔ gbɔmɔ kɛ nɔ yoo ni taa ehe nɛɛ akɛ eshafeelɔ ji lɛ.”

Yohane 11:2

Maria ni kɛ mukɛŋma kpa Nuŋtsɔ lɛ ni ekɛ eyitsɔi tsumɔ lɛ nyɛmi Lazaro he yeɔ nɛɛ.]

Yakobo 4:9

Nyɛwerɛ ahoa nyɛhe ni nyɛyea ŋkɔmɔ ni nyɛfoa. Nyɛŋmɔlɔ lɛ atsɔ̃ ŋkɔmɔyeli, ni nyɛmiishɛɛ hu atsɔ̃ gbliniifeemɔ.