Luka 7:25 - ŊMALƐ KRƆŊKRƆŊ LƐ

²⁵ Aloo mɛni kwɛmɔ nyɛtee? Gbɔmɔ ni woɔ atade bɔdɔɔ? Naa, mɛi ni woɔ atade fɛɛfɛo ni amɛyeɔ nii kpakpai lɛ, maŋtsɛmɛi awei amɛyɔɔ.

Ṅmãle̱ Kroṅkroṅ Le̱

²⁵ Alo meni kwe̱mo̱ nyete? gbomo ní woo atade bo̱dō̱? Na, mei ni woo̱ atade fe̱fe̱o ni ame̱yeo̱ nii kpakpai le̱, maṅtše̱meĩ awei ame̱yo̱.

Luka 7:25 ပူးပေါင်းရင်းမြစ်များ

2 Samuel 19:35

Afii nyɔŋmai kpaanyɔ miye nɛɛ, ni amrɔ nɛɛ nɔ ko efeee mi akɔnɔ dɔŋŋ. Nii diɛŋtsɛ po ni miyeɔ jio aloo nii ni minuɔ jio, minuuu ŋɔɔmɔ ko he dɔŋŋ; ni kɛji nuu loo yoo miila po, minuuu kwraa. Jatsu moŋ miyatsɔ̃ mahã minuŋtsɔ maŋtsɛ.

1 Maŋtsɛmɛi 10:5

kɛ ekpɔlɔ̃ nɔ niyenii kɛ elumɛi ashitaramɔ kɛ bɔ ni etsuji ni wo atadei fɛɛfɛji sɔmɔɔ yɛ niyeniiashi, kɛ shãa afɔlei ni eshãa yɛ Yehowa we lɛ, ehe jɔ̃ ehe naakpa.

2 Maŋtsɛmɛi 1:8

Amɛhã lɛ hetoo akɛ, “Gbɔmɔ lɛ tsɔiatsɛ ni. Ewo atade wuyaa, ni ekɛ kooloo hewolo efi emliteŋ.” Kɛkɛ ni maŋtsɛ lɛ kɛɛ akɛ, “Elia, Tishbinyo lɛ ni”.

Ester 1:11

Kɛkɛ ni efã amɛ akɛ amɛya koni amɛyaŋɔ Maŋnyɛ Vashti kɛba ehiɛ; ebu emaŋnyɛ fai lɛ kɛba. Anɔkwa emaŋnyɛ lɛ he yɛ fɛo jogbaŋŋ, ni Maŋtsɛ Ahashwerosh miitao akɛ egbɔi lɛ ana emaŋnyɛ lɛ he fɛo lɛ.

Ester 1:3

Emaŋtsɛyeli afi ni ji etɛ̃ lɛ nɔ lɛ, Maŋtsɛ Ahashwerosh ŋmɛ okplɔ̃ ehã elumɛi kɛ etsuji fɛɛ yɛ maŋtsɛ we lɛ mli. Mɛi okplɔ̃ ni eŋmɛ lɛ ji Persia kɛ Media shikpɔji lɛ anɔ tatsɛmɛi lɛ kɛ amralofoi lɛ.

Ester 4:2

Etee eyawa maŋtsɛ we lɛ agbo lɛ naa; ejaakɛ mɔ ko mɔ ko bɛ hegbɛ akɛ ebuɔ kpekpe kɛboteɔ maŋtsɛ agbo lɛ mli.

Ester 5:1

Be ni Ester ehi ŋmãa gbii etɛ̃ lɛ ekɔlɔ emaŋnyɛ atadei lɛ ewo, kɛkɛ ni ebote maŋtsɛ we lɛ mli, ni etee eyadamɔ maŋtsɛ we lɛ mligbɛ kpo lɛ nɔ yɛ maŋtsɛ lɛ asa lɛ ŋlɛnɔ. Nakai be mli lɛ maŋtsɛ lɛ yɛ asa lɛ nɔ. Eta emaŋtsɛ sɛi lɛ nɔ, ni ehiɛ miikwɛ asa lɛ shinaa lɛ naagbɛ.

Ester 8:15

Mɔdekai je maŋtsɛ lɛ hiɛ etee, ni ewo maŋtsɛ atade ni akɛ mama bluu kɛ mama yɛŋ ekpɛ, kɛ enɔ atade wuyaa ni akɛ klala yɛŋ kɛ kuŋtu tsuru faa kpɛ. Shika akekre agbo fi eyitso. Susa maŋ lɛ nya ni amɛna miishɛɛ.

Yesaia 59:17

Jalɛ aaatsɔ dama ni eeewo, ni yiwalaheremɔ aaatsɔ dade fai ni eeebu, ni oweletɔɔ aaatsɔ bo ni eeeha, ni hiɛdɔɔ ni naa wa ekɛaafee emama.

Mateo 11:8

Aloo mɛni kwɛmɔ nyɛtee? Gbɔmɔ ni woɔ atade bɔdɔɔ? Naa, mɛi ni woɔ atade bɔdɔɔ lɛ, maŋtsɛmɛi awei amɛyɔɔ.

Mateo 3:4

Shi lɛ Yohane lɛ, yooma hetsɔi akɛlo etade, ni wolo kpãa fĩ emliteŋ, ni eniyenii ji baalabii kɛ ŋa nɔ wo.

Mateo 6:29

Shi miikɛɛ nyɛ akɛ, Solomon kɛ enunyam lɛ fɛɛ tete ewulaaa tamɔ enɛɛmɛi ateŋ ekome.

Luka 16:19

“Nuu niiatsɛ ko ni yɔɔ, ni ewoɔ atade tsuru kɛ atade yɛŋ fɛɛfɛo, ni ekɛ ŋɔɔmɔnii kpakpai ayeli naa tsuijurɔ daa gbi.

Luka 7:24

Shi be ni Yohane bɔfoi lɛ yiŋ amɛtee lɛ, Yesu bɔ̃i asafoi lɛ kɛɛmɔ yɛ Yohane he akɛ, “Mɛni nyɛje kpo nyɛtee ŋa lɛ nɔ ni nyɛyakwɛ? Glã ni kɔɔyɔɔ hosoɔ lɛ?

Luka 7:26

Aloo mɛni kwɛmɔ nyɛtee? Gbalɔ? Hɛɛ, miikɛɛ nyɛ akɛ mɔ ni fe gbalɔ tete.