Luka 7:22 - ŊMALƐ KRƆŊKRƆŊ LƐ

²² Ni Yesu to he ni ekɛɛ amɛ akɛ, “Nyɛyaa ni nyɛyagbaa Yohane nibii ni nyɛna ni nyɛnu lɛ, akɛ shwilafoi miina nii, obubuafoi miinyiɛ, kpitiyelɔi ahe miitse, toimulɔi miinu nii, gbohii miite shi, ni aajaje Sanekpakpa lɛ aatsɔ̃ɔ ohiafoi.

Ṅmãle̱ Kroṅkroṅ Le̱

²² Ni Iesu to he ni ekē̱ame̱ ake̱: Nyeyaä ní nyeyagbaä Iohane nibii ní nyena ni nyenu le̱, ake̱ ſilafoi mīna nii, obubuafoi minyie, kpitiyelo̱i ahe mītše, toimũlo̱i mina nii, gbohĩi mīte ši, ãdšadše sanekpakpa le̱ ātšõ ohĩafoi;

Luka 7:22 ပူးပေါင်းရင်းမြစ်များ

Hiob 29:15

Mitsɔ̃ hiŋmɛi mihã shwilafo, ni mitsɔ̃ naji mihã obubuafo.

Lalai 146:8

Yehowa gbeleɔ shwilafoi ahiŋmɛii; Yehowa holeɔ mɛi ni edɔrɔ kɔmɔɔ lɛ anɔ; Yehowa sumɔɔ jalɔi.

Yesaia 42:16

Ni makpala shwilafoi kɛtsɔ̃ tɛmpɔŋi ni amɛtsɔ̃ko nɔ dã nɔ; mabu amɛhe kɛtsɔ̃ nanegbɛ ni aleee nɔ. Mahã amɛhiɛ duŋ lɛ atsɔ̃ la, ni hei ni yɔɔ dokoidokoi lɛ afee trɛnɛɛ. Nii nɛɛ mafee mahã amɛ, ni mikwaŋ amɛ.

Yesaia 43:8

Nyɔŋmɔ kɛɛ, “Tsɛ mimaŋbii lɛ kɛba kojomɔ. Amɛyɛ hiŋmɛii shi amɛnaaa nii; amɛyɛ toii, shi amɛnuuu nii.

Yeremia 31:8

Naa, mibakpala amɛ kɛjɛ kooyigbɛ shikpɔŋ lɛ nɔ, kɛjɛ shikpɔŋ lɛ naagbeehei tɔ̃ɔ. Mikɛ asafo yuu ni shwilafoi kɛ akpaketsɛmɛi kɛ yeihɔlɔi kɛ yeifɔyei fɛɛ tswɛm futu mli aaaku sɛɛ aba biɛ nɛɛ ekoŋŋ.

Zefania 3:12

ejaakɛ mibashi gbɔmɛi omlɛfoi kɛ humii pɛ yɛ nyɛteŋ. Amɛbaatao abobaahe yɛ Yehowa gbɛi mli,

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 21:14

Ni shwilafoi kɛ obubuafoi ba eŋɔɔ yɛ Sɔlemɔ we lɛ, ni etsa amɛ.

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Luka 7:21

Shi nakai ŋmɛlɛtswaa lɛ nɔ nɔŋŋ lɛ Yesu tsa mɛi pii ahelai kɛ amɛhejaramɔi kɛ mɛi ni mumɔi fɔ̃ji yɔɔ amɛmli, ni mɛi pii hu ni eshwila lɛ, ehã amɛna nii.

Luka 7:23

Ni ajɔɔ mɔ ni mihe sane etɔ̃tɔ̃ŋ enane.”

Yohane 1:46

Ni Natanael kɛɛ lɛ akɛ, “Ani nɔ ko kpakpa ko aaanyɛ ajɛ Nazaret?” Filipo kɛɛ lɛ akɛ, “Ba ni obakwɛ.”

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Bɔfoi 8:7

Ejaakɛ mɛi pii ni mumɔi fɔ̃ji yɔɔ amɛmli lɛ amumɔi lɛ bolɔ kɛ gbee ni wa ni amɛje amɛmli, ni atsa mɛi ni ekumɔ kɛ obubuafoi pii hu.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?