Luka 7:12 - ŊMALƐ KRƆŊKRƆŊ LƐ

¹² Shi be ni eshɛ maŋ lɛ agbo lɛ naa etã lɛ, naa, awo gbonyo ko kɛmiije kpo, ni enyɛ bi kome ji lɛ; ni okulafo ji yoo lɛ, ni maŋ lɛ mli bii pii kɛ lɛ nyiɛ.

Ṅmãle̱ Kroṅkroṅ Le̱

¹² Ši beni eše̱ maṅ le̱ agbó le̱ nā etã le̱, na, awó gbonyo ko ke̱-mīdše kpo, ni *enye bi kome dšile̱, ni okũlafo dši yō le̱; ni mã le̱ṅ bii pī fata ehe. *1 Maṅ. 17,17.

Luka 7:12 ပူးပေါင်းရင်းမြစ်များ

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

1 Mose 22:2

Nyɔŋmɔ kɛɛ lɛ akɛ, “Ŋɔɔ obi Isak ni ji obi koome ni odɔɔ ehe lɛ, ni oyiŋ oya Moria Shikpɔŋ lɛ nɔ, ni okɛ lɛ ayashã afɔle yɛ jɛi, yɛ gɔji lɛ ateŋ ekome ni matsɔ̃ɔ bo lɛ nɔ.”

2 Samuel 14:7

Amrɔ nɛɛ mli lɛ weku lɛ fɛɛ tswɛm ete shi ewo mi. Amɛkɛɛ mijie binuu ni tswa enyɛmi lɛ nɔ ni egbe lɛ lɛ mihã amɛ, koni amɛgbe lɛ kɛtɔ enyɛmi ni egbe lɛ he owele. Be lɛ amɛbaakpãtã mibiiatsɛ lɛ niyelɔ lɛ hu hiɛ. Ni kɛji eba lɛ nakai lɛ, amɛbaahã mihiɛnɔkãmɔ ni eshwɛ lɛ atã, ni miwu lɛ hu gbɛi loo eseshi baalaaje yɛ shikpɔŋ lɛ nɔ.”

1 Maŋtsɛmɛi 17:12

Yoo okulafo lɛ to he akɛ, “Mina Yehowa hiɛkãalɔ, oNyɔŋmɔ lɛ, akɛ mibɛ aboloo kuku nɛkɛ. Nɔ pɛ ni miyɔɔ ji mamu dɛ̃ kɔkɔ obɔ̃ kome pɛ yɛ gbɛ mli, kɛ mu fioo yɛ tɔ mli. Miilɛ lai ŋmɛŋmlɛbii enyɔ oo ko koni mikɛyashã aboloo mahã mi kɛ mibi lɛ koni wɔye; no sɛɛ lɛ wɔɔgboi kɛ hɔmɔ.”

1 Maŋtsɛmɛi 17:18

Kɛkɛ ni yoo lɛ kɛɛ Elia akɛ, “Ao Nyɔŋmɔ gbɔmɔ, mɛni mifee bo! Obato mi koni akai efɔŋ ni mifee, koni agbe mibinuu lɛ lo?”

1 Maŋtsɛmɛi 17:23

Agbɛnɛ Elia wo gbekɛ lɛ, ni ekɛ lɛ kpeleke shi kɛjɛ ŋwɛi tsu lɛ mli kɛba shĩa lɛ, ni ekɛ lɛ bahã enyɛ lɛ; ni Elia kɛɛ lɛ akɛ, “Naa obi lɛ; eyi ena wala.”

1 Maŋtsɛmɛi 17:9

“Agbɛnɛ yaa Zarefat, Sidonbii amaŋ lɛ mli, koni oyahi jɛi. Mifã yoo okulafo ko koni elɛ bo yɛ jɛi.”

2 Maŋtsɛmɛi 4:16

Elisha kɛɛ yoo lɛ akɛ, “Wɔsɛɛ afi naakplɔ benɛ lɛ, ooohiɛ binuu yɛ okpɔkɔiaŋ.” Yoo lɛ kɛɛ Elisha akɛ, “Dabida minuŋtsɔ, Nyɔŋmɔ gbɔmɔ ji bo, kaalaka mi.”

2 Maŋtsɛmɛi 4:20

Ni ewo lɛ eyahã enyɛ. Gbekɛ lɛ ta enyɛ shuɔ nɔ kɛyashi shwane, ni egbo.

Hiob 29:13

Mɔ ni hiɛ heɔ akpãtã lɛ jɔɔmɔ baninaa mi, ni mihãa okulafo tsui nyɔɔ emli kɛ nyamɔ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Luka 7:11

Jetsɛre nɔ lɛ, eyiŋ kɛtee maŋ ko ni atsɛɔ lɛ Nain lɛ mli; ni ekaselɔi lɛ ateŋ mɛi pii kɛ asafo yuu kɛ lɛ nyiɛ.

Luka 7:13

Ni be ni Nuŋtsɔ lɛ na lɛ lɛ, emusuŋ tsɔ̃ lɛ yɛ ehe, ni ekɛɛ lɛ akɛ, “Kaafo!”

Luka 8:42

Ejaakɛ eyɛ biyoo kome pɛ ni eye aaafee afii nyɔŋma kɛ enyɔ, ni eehe egbo. Shi be ni Yesu yaa lɛ, asafoi lɛ mia lɛ.

Luka 8:52

Ni mɛi lɛ fɛɛ miifo ni amɛmiiye gbekɛ lɛ he ŋkɔmɔ. Shi ekɛɛ, “Nyɛkafoa; egboko, shi wɔ ewɔ.”

Yohane 11:19

Ni Yudafoi lɛ ateŋ mɛi pii eba Marta kɛ Mariamɛi aŋɔɔ, koni amɛbaye amɛ ŋkɔmɔ yɛ amɛnyɛmi nuu lɛ hewɔ.

Bɔfoi 9:39

Ni Petro te shi ni ekɛ amɛ tee. Ni be ni eshɛ jɛi lɛ, amɛkɛ lɛ tee ŋwɛitsu lɛ mli, ni yei okulafoi lɛ fɛɛ badamɔdamɔɔ emasɛi amɛmiifofoi, ni amɛkɛ flakai kɛ atadei ni Dorka fee be ni ekɛ amɛ yɔɔ lolo lɛ miitsɔ̃ɔ lɛ.

Bɔfoi 9:41

Ni Petro mɔ enine mli, ni ewo enɔ; ni etsɛ mɛi krɔŋkrɔŋi lɛ kɛ okulafoi lɛ kɛba, ni ekɛ lɛ damɔ amɛhiɛ hiɛkãalɔ.

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.