Luka 6:8 - ŊMALƐ KRƆŊKRƆŊ LƐ

⁸ Shi Yesu le amɛsusumɔi lɛ, ni ekɛɛ nuu ni nine egbo lɛ akɛ, “Tee shi obadamɔ teŋ!” Ni ete shi ebadamɔ shi.

Ṅmãle̱ Kroṅkroṅ Le̱

⁸ Ši le̱ le̱, ní ele ame̱susumo̱i le̱, ekē̱ nū ní nine egbo le̱ ake̱: Te ši obadamo̱ teṅ! Ni ete ši edamo̱ ši.

Luka 6:8 ပူးပေါင်းရင်းမြစ်များ

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

Hiob 42:2

“Yehowa, mile akɛ onyɛɔ nɔ fɛɛ nɔ ofeɔ, ni oyiŋtoo ko bɛ ni aaanyɛ naa aku.

Lalai 44:21

ani bo Nyɔŋmɔ oleŋ lo? Ejaakɛ ole tsuiiaŋ teemɔŋnii.

Yesaia 42:4

Enitsumɔ naa baŋ shi, ni enijiaŋ ejeŋ wui kɛyaashi beyinɔ ni eeehã jalɛ saneyeli amã shi yɛ shikpɔŋ lɛ nɔ. Ŋshɔnaa maji lɛ miikwɛ emla gbɛ.”

Mateo 9:4

Ni be ni Yesu na amɛjwɛŋmɔi lɛ, ekɛɛ, “Mɛɛ hewɔ ni nyɛjwɛŋɔ nii fɔ̃ji yɛ nyɛtsuii amli nɛɛ?

Marko 3:3

Yesu kɛɛ mɔ ni nine egbo lɛ akɛ, “Tee shi ni obadamɔ wɔteŋ!”

Luka 13:12

Be ni Yesu na lɛ lɛ, etsɛ lɛ ni ekɛɛ lɛ akɛ, “Yoo, afɛne bo kɛjɛ ohela lɛ mli!”

Luka 5:22

Shi be ni Yesu yoo amɛsusumɔi lɛ, ehere nɔ ekɛɛ amɛ akɛ, “Mɛni nyɛsusuɔ yɛ nyɛtsuii amli lɛ?

Luka 6:9

Kɛkɛ ni Yesu kɛɛ amɛ akɛ, “Mibabi nyɛ nɔ ko: ani eja gbɛ akɛ afeɔ ekpakpa loo efɔ̃ŋ yɛ hejɔɔmɔ gbi lɛ nɔ, akɛ ahereɔ susuma yiwala aloo akpãtãa ehiɛ?”

Yohane 2:25

Ni ehe ehĩaaa akɛ mɔ ko aye gbɔmɔ he odase ahã lɛ, ejaakɛ lɛ diɛŋtsɛ ele nɔ ni yɔɔ gbɔmɔ tsui mli.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Yohane 9:4

Mi lɛ, ni je etsɛre nɛɛ, ja mitsu mɔ ni tsu mi lɛ nitsumɔi lɛ, je baana, be ni mɔ ko nyɛŋ nii atsu.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 26:26

ejaakɛ maŋtsɛ lɛ ni miwieɔ kɛ ekãa mitsɔ̃ɔ lɛ nɛɛ lɛ le saji nɛɛ amli; ni mikpaaa shi akɛ nibii nɛɛ eko yɛ ni akɛtee lɛ; ejaakɛ jeee teemɔ he ko afee enɛ yɛ.

Filipibii 1:28

ni nyɛkahãa henyɛlɔi lɛ miiwoa nyɛhe gbeyei yɛ nɔ ko nɔ ko mli; nyɛgbeyei ni nyɛsheŋ lɛ ji hiɛkpãtãmɔ okadi hã amɛ; shi nyɛ lɛ, eji yiwalaheremɔ okadi hã nyɛ, ni enɛ jɛ Nyɔŋmɔ dɛŋ.

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

1 Petro 4:1

Agbɛnɛ akɛni Kristo na amanehulu ehã wɔ yɛ heloo mli hewɔ lɛ, nyɛ hu nyɛkɛ nakai jwɛŋmɔ lɛ nɔŋŋ amiaa akɛ tawuunii, ejaakɛ mɔ fɛɛ mɔ ni ena amanehulu yɛ heloo mli lɛ, ekpa eshafeemɔ.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.