Luka 6:49 - ŊMALƐ KRƆŊKRƆŊ LƐ

⁴⁹ Shi mɔ ni nuɔ miwiemɔ ni eyeee nɔ lɛ, etamɔ nuu ko ni ma tsu yɛ shikpɔŋ hiɛ ni etswaaa shishitoo jogbaŋŋ; ni faa ba ni eshimɔ tsu lɛ, ni amrɔ lɛ ewule, ni nakai tsu lɛ wulemɔ lɛ da.”

Ṅmãle̱ Kroṅkroṅ Le̱

⁴⁹ Ši moni nuo̱ ni eyee no̱ le̱, etamo̱ nū ko ní mã tšŭ ye̱ šikpoṅ hĩe ní etoo šiši; ni fā le̱ šimo̱le̱, ni amrõ le̱ ewule, ni nakai tšũ le̱ wulemo̱ le̱ da.

Luka 6:49 ပူးပေါင်းရင်းမြစ်များ

Abe̱i 28:18

Mɔ ni baa ejeŋ jogbaŋŋ lɛ, aaahere eyiwala; shi mɔ ni bɛ jeŋba lɛ, eeegbee bu mli.

Ezekiel 33:31

Ni amɛbuaa amɛhenaa kɛbaa oŋɔɔ akɛ maŋ, ni amɛbataraa ohiɛ akɛ mimaŋbii, ni amɛboɔ owiemɔ lɛ toi, shi amɛyeee nɔ. Ejaakɛ amɛsumɔɔ gbɔmɔ kɛ amɛnaabu, shi amɛkɛ amɛtsui fɔɔ amɛsɛɛnamɔ nɔ.

Hosea 4:14

Shi kɛji nyɛbiyei lɛ bɔ ajwamãŋ lɛ migbalaŋ amɛtoi, ni kɛji nyɛbihii aŋamɛi lɛ hu fite gbãlã lɛ migbalaŋ amɛtoi, ejaakɛ nyɛ, hii lɛ diɛŋtsɛ tete lɛ nyɛ kɛ ajwamãŋi ni yɔɔ jamɔhe lɛ yabɔɔ ajwamãŋ, ni nyɛ kɛ amɛ fɛɛ shãa wɔŋjamɔ afɔlei lɛ. Naa, maŋ ni bɛ jwɛŋmɔ lɛ ehiɛ kpãtãa.

Mateo 23:3

No hewɔ lɛ, nɔ fɛɛ nɔ ni amɛaakɛɛ nyɛ akɛ nyɛye nɔ lɛ nyɛyea nɔ ni nyɛfea; shi nyɛkafea nibii ni amɛfeɔ lɛ; ejaakɛ amɛkɛɔ moŋ shi amɛfeee.

Mateo 24:10

Ni nakai be lɛ mli lɛ mɛi pii anane aaatɔ̃tɔ̃ ni amɛaatsɔ̃ɔtsɔ̃ɔ amɛnanemɛi asɛɛgbɛ, ni amɛaanyɛnyɛɛ amɛhe.

Marko 4:17

shi amɛbɛ shishifã yɛ amɛ diɛŋtsɛ amɛmli hewɔ lɛ be fioo kɛkɛ amɛhiɔ shi, ni kɛ amanehulu loo yiwaa te shi yɛ wiemɔ lɛ hewɔ lɛ, amrɔ nɔŋŋ ni amɛnane tɔ̃tɔ̃ɔ.

Luka 12:47

“Shi nakai tsulɔ lɛ ni le enuŋtsɔ suɔmɔnaanii ni esaaa ehe etooo ni esaa efeee esuɔmɔnaanii lɛ aaayi lɛ kpãi pii;

Luka 19:14

Shi emaŋbii lɛ nyɛ lɛ, ni amɛtsu bɔfoi kɛnyiɛ esɛɛ ni amɛyakɛɛ akɛ, ‘Wɔsumɔɔɔ ni mɔ nɛ abaye wɔnɔ maŋtsɛ.’

Luka 19:27

“Shi nakai mihenyɛlɔi lɛ ni sumɔɔɔ akɛ miye amɛnɔ maŋtsɛ lɛ, nyɛkɛ amɛ abaa biɛ ni nyɛbagbea amɛ yɛ mihiɛ nɛɛ!”

Luka 6:46

“Shi mɛni hewɔ nyɛtsɛɔ mi akɛ, ‘Nuŋtsɔ, Nuŋtsɔ!’ Ni nyɛfeee nii ni mikɛɔ lɛ?

Luka 6:48

etamɔ nuu ko ni be ni emaa tsu lɛ etsa shi kwɔŋkwɔŋ ni eto shishi yɛ tɛsaa nɔ; ni nu afua ba, ni eshimɔ nakai tsu lɛ, ni enyɛɛɛ lɛ ehoso, ejaakɛ ato shishi jogbaŋŋ.

Luka 7:1

Agbɛnɛ be ni Yesu ewie wiemɔi lɛ fɛɛ yɛ maŋ lɛ toiiaŋ lɛ, ebote Kapernaum.

Yohane 15:2

Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Bɔfoi 20:29

Ejaakɛ mile akɛ, kɛ mikpa mihe lɛ, klãji fulɔi baabote nyɛteŋ, ni amɛbaŋ toiku lɛ yi.

Bɔfoi 26:11

ni mifɔɔ amɛ yiwaa yɛ kpeehei lɛ fɛɛ, ni minyɛɔ amɛnɔ akɛ amɛwie musubɔɔ wiemɔi, ni miye amɛhe sɛkɛ ko ni wa, ni miwaa amɛyi kɛyaa majiasɛɛ.”

1 Tesalonikabii 3:5

Enɛ hewɔ ni mi hu, be ni minyɛɛɛ dɔŋŋ lɛ, mitsu Timoteo ni mikɛle nyɛhemɔkɛyeli lɛ, akɛ aleenɔ kalɔ lɛ ebaka nyɛ, ni ehã wɔdeŋme ni wɔgbo lɛ efee yaka lo.

2 Petro 2:20

Ejaakɛ kɛ amɛtsɔ̃ Nuŋtsɔ kɛ yiwalaherelɔ Yesu Kristo he nilee lɛ nɔ amɛjo je nɛɛ mli mujinii lɛ anaa foi ni asaa adu amɛ yɛ nomɛi amli ni aye amɛnɔ lɛ, amɛnaagbee shihilɛ etsɔ̃ efɔŋ fe amɛtsutsu shihilɛ lɛ.

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.