Luka 6:38 - ŊMALƐ KRƆŊKRƆŊ LƐ

³⁸ Nyɛhãa ni aaahã nyɛ; nii ni asusu jogbaŋŋ ni ahoso ni anyɛmɔ nɔ ni eyi obɔ̃ kɛteke nɔ mɛi kɛaashãkã nyɛtsitsi, ejaakɛ nɔ susumɔnɔ ni nyɛkɛsusuɔ lɛ, no nɔŋŋ aaaku sɛɛ akɛsusu ahã nyɛ.”

Ṅmãle̱ Kroṅkroṅ Le̱

³⁸ Nyehãa, ni aahãnye; susumo̱nõ kpakpa ní anyẽ no̱ ni ahoso ni eyi eteke no̱ mei aaṅõ-sākã nyetšitši; edšake̱ nõ susumo̱nõ ní nyeke̱-susuo̱ le̱, no noṅṅ aakũ se̱ aṅō-susu ahãnye. Mar. 4,24.

Luka 6:38 ပူးပေါင်းရင်းမြစ်များ

2 Samuel 19:36

Miyiŋtoo kɛkɛ ji akɛ miiba mibakwɛ minuŋtsɔ yisɛɛ koni efo Yordan lɛ koni mi kɛ lɛ aya hiɛ fioo kɛkɛ. Mɛɛba ni maŋtsɛ aaato mi najiaŋ?

Ester 7:10

No hewɔ lɛ, atee ni ayasɛŋ Haman moŋ yɛ tso ni ekala akɛ ebaasɛŋ Mɔdekai yɛ nɔ lɛ nɔ. Kɛkɛ ni maŋtsɛ lɛ mlila lɛ jɔ.

Ester 9:25

Shi Ester yana maŋtsɛ lɛ, ni maŋtsɛ lɛ ŋmã wolo, ni naagbee mli lɛ ehã Yudafoi lɛ ayinɔ ŋaa fɔŋ ni Haman etsɔ̃ lɛ babua lɛ moŋ eyiteŋ, ni asɛŋ lɛ kɛ ebihii lɛ fɛɛ yɛ tso nɔ yɛ maŋ jara nɔ.

Hiob 42:11

Kɛkɛ ni Hiob nyɛmimɛi hii lɛ kɛ enyɛmimɛi yei lɛ fɛɛ kɛ mɛi fɛɛ ni le lɛ sa lɛ ba eŋɔɔ; ni amɛ kɛ lɛ ye nii, ni amɛye lɛ ŋkɔmɔ, ni amɛshɛje emii yɛ sane fɔŋ ni Yehowa hã ye lɛ lɛ hewɔ. Amɛteŋ mɔ fɛɛ mɔ ke Hiob jwiɛtɛi kuku kɛ shika ga.

Lalai 79:12

Oo Nuŋtsɔ, ahora ni maji ni yɔɔ wɔmasɛi ebɔ bo lɛ, bɔɔ he nakai toi kpawo oshãkã amɛtsitsi.

2 Mose 21:24

ni akɛ hiŋmɛi atse hiŋmɛi, ni akɛ nyanyɔŋ atse nyanyɔŋ, akɛ nane atse nane,

Abe̱i 10:22

Yehowa jɔɔmɔ lɛ, no feɔ mɔ niiatsɛ; shi odeŋmegbomɔ nyɛŋ ekɛ nɔ ko afata he.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Abe̱i 22:9

Mɔ ni mli jɔ lɛ aaajɔɔ lɛ, ejaakɛ ekɛ eniyenii lɛ eko kumaa ohiafo.

Yeremia 32:18

Osuɔmɔ lɛ sɛɛ efooo hã mɛi akpeiakpei abɔ; shi okɛ tsɛmɛi anishaianii lɛ ahe toigbalamɔ hãa amɛbii ni baa yɛ amɛsɛɛ. Ao! Nyɔŋmɔ hewalɔ kpele, bo ni ogbɛi ji Yehowa Taiatsɛ,

Mateo 10:42

Ni mɔ fɛɛ mɔ ni aaahã mɛi bibii nɛɛ ateŋ mɔ kome nuhɔ̃ɔ kpulu kome pɛ enu yɛ kaselɔ gbɛi mli lɛ, miikɛɛ nyɛ anɔkwale mli akɛ enyɔmɔwoo eŋmɛŋ lɛ kɔkɔɔkɔ.”

Mateo 7:2

Shi nɔ kojomɔ ni nyɛkɛkojoɔ lɛ, akɛaakojo nyɛ; ni nɔ susumɔnɔ ni nyɛkɛsusuɔ lɛ, akɛasusu ahã nyɛ.

Marko 4:24

Ni esaa ekɛɛ amɛ akɛ, “Nyɛjwɛŋa nɔ ni nyɛnuɔ nɛɛ he jogbaŋŋ! Nɔ susumɔ nɔ ni nyɛkɛsusuɔ lɛ, no akɛaasusu ahã nyɛ, ni aaafata he ahã nyɛ.

Luka 6:30

Shi mɔ fɛɛ mɔ ni baa bo nii lɛ, hã lɛ, ni mɔ ni aaashɔ̃ onii lɛ, kaabi lɛ dɔŋŋ.

5 Mose 15:10

Shi moŋ hã lɛ nii lɛ yɛ tsuijurɔ naa, ni Yehowa, oNyɔŋmɔ lɛ, aaajɔɔ onitsumɔi fɛɛ kɛ nɔ fɛɛ nɔ ni okɛ onine aaata he lɛ.

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

Kojolɔi 1:7

Adonibezek kɛɛ: “Maŋtsɛmɛi nyɔŋmai kpawo ni afolɔ amɛnine gɔntii lɛ kɛ amɛnane gɔntii lɛ kɔlɔ niyenii fufuji yɛ mikpɔlɔ̃ lɛ shishi. Bɔ ni mifee lɛ, nakai pɛ Nyɔŋmɔ efee mi eto najiaŋ nɛɛ.” Amɛkɛ Adonibezek ba Yerusalɛm, ni ebagbo yɛ jɛi.