Luka 6:30 - ŊMALƐ KRƆŊKRƆŊ LƐ

³⁰ Shi mɔ fɛɛ mɔ ni baa bo nii lɛ, hã lɛ, ni mɔ ni aaashɔ̃ onii lɛ, kaabi lɛ dɔŋŋ.

Ṅmãle̱ Kroṅkroṅ Le̱

³⁰ Ši mofẽmo ní baäo nii le̱, hãle̱, ni moni aašõ onii le̱, kābile̱ doṅṅ.

Luka 6:30 ပူးပေါင်းရင်းမြစ်များ

Lalai 112:9

Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Lalai 41:1

Ajɔɔ mɔ ni jwɛŋɔ ohiafo he; gbi fɔŋ nɔ lɛ, Yehowa aaahere lɛ.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Abe̱i 21:26

Daa gbi lɛ, mɔ fɔŋ hiɛ miikɔ̃ nii nɔ; shi jalɔ lɛ ehãa, ni ekãmãaa.

Abe̱i 22:9

Mɔ ni mli jɔ lɛ aaajɔɔ lɛ, ejaakɛ ekɛ eniyenii lɛ eko kumaa ohiafo.

Jajelɔ 11:2

Feemɔ mɛi kpawo loo kpaanyɔ ejurɔ, ejaakɛ oleee sane gbonyo ni nyiɛ gbɛ baa yɛ jeŋ.

Jajelɔ 8:16

Be ni mikɛ mijwɛŋmɔ fɔ̃ nɔ akɛ matao male nii koni manu nii ni yaa nɔ, yɛ je nɛɛŋ shishi, hewɔ ni nyɔɔŋnyɔɔŋ kɛ shwaneshwane fɛɛ lɛ gbɔmɔ naaa wɔ ewɔ lɛ,

Mateo 18:35

Nakai nɔŋŋ miTsɛ ni yɔɔ ŋwɛi lɛ hu aaafee nyɛ, kɛji nyɛteŋ mɔ fɛɛ mɔ kɛ enyɛmi tɔ̃mɔ ekeee lɛ kɛjɛɛɛ etsuiŋ lɛ.”

Mateo 5:39

Shi mi lɛ, miikɛɛ nyɛ akɛ, nyɛkatsia mɔ fɔŋ lɛ gbɛ, shi moŋ mɔ fɛɛ mɔ ni aaagba oninejurɔ toiŋ lɛ, tsɔ̃ ekome lɛ hu ohã lɛ.

Mateo 6:12

ni okɛ wɔnyɔji lɛ ake wɔ, tamɔ bɔ ni wɔ hu wɔkɛkeɔ mɛi ni hiɛ wɔ nyɔji lɛ.

Luka 11:41

Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

Luka 12:33

Nyɛhɔ̃a nii ni nyɛyɔɔ lɛ ni nyɛkɛfea ejurɔ; nyɛfea fotroi ni tsɔ̃mɔɔɔ ememeji nyɛhãa nyɛhe, nyɛtoa jwetri ni etãaa yɛ ŋwɛi, he ni julɔ ko bɛŋkɛɛɛ ni omlɛgɛ kpeee nii yɛ lɛ.

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 6:29

Mɔ ni aaagba otoi kome mli lɛ, tsɔ̃ ekome lɛ hu ohã lɛ, ni mɔ ni aaashɔ̃ ohebo lɛ, kaakãmã lɛ oflaka lɛ hu.

Luka 6:31

Ni bɔ ni nyɛtaoɔ akɛ mɛi afee ahã nyɛ lɛ, nyɛ hu nyɛfea nakai nɔŋŋ nyɛhãa amɛ.

Luka 6:38

Nyɛhãa ni aaahã nyɛ; nii ni asusu jogbaŋŋ ni ahoso ni anyɛmɔ nɔ ni eyi obɔ̃ kɛteke nɔ mɛi kɛaashãkã nyɛtsitsi, ejaakɛ nɔ susumɔnɔ ni nyɛkɛsusuɔ lɛ, no nɔŋŋ aaaku sɛɛ akɛsusu ahã nyɛ.”

Bɔfoi 20:35

Mikɛ fɛɛ tsɔ̃ɔ nyɛ akɛ nakai sa akɛ atsu nii ni akɛye abua mɛi ni bɛ hewalɛ, ni akai Nuŋtsɔ Yesu wiemɔi ni lɛ diɛŋtsɛ ewie lɛ akɛ, ‘Nɔhãmɔ mli yɛ jɔɔmɔ fe hemɔ.’ ”

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

Efesobii 4:28

Mɔ ni juɔ lɛ ekaju dɔŋŋ, shi ebɔ mɔdɛŋ ni ekɛ lɛ diɛŋtsɛ eniji atsu nitsumɔ kpakpa, koni ena nɔ ko ni ekɛhã mɔ ni ehia lɛ lɛ.