Luka 6:25 - ŊMALƐ KRƆŊKRƆŊ LƐ

²⁵ “Kpoo hã nyɛ mɛi ni nyɛtɔrɔ amrɔ nɛɛ! Ejaakɛ hɔ̃mɔ aaaye nyɛ. “Kpoo hã nyɛ mɛi ni nyɛŋmɔɔ amrɔ nɛɛ! Ejaakɛ nyɛaaye ŋkɔmɔ ni nyɛaafofoi.

Ṅmãle̱ Kroṅkroṅ Le̱

²⁵ Kpṍo hã nye, mei ni nyetō̱ro̱ le̱! edšake̱ hõmo̱ aayenye. Kpóo hã nye, mei ní nyeṅmõo̱ agbe̱ne̱ ne̱! edšake̱ nyeaye ṅko̱mo̱ ni nyeafófói. Ies. 5,22.

Luka 6:25 ပူးပေါင်းရင်းမြစ်များ

Lalai 49:19

shi kɛ̃lɛ, eeetee etsɛmɛi lɛ aŋɔɔ yɛ gbohiiaje; mɛi ni enaŋ la kɔkɔɔkɔ dɔŋŋ lɛ.

Abe̱i 14:13

Ŋmɔlɔ mli tete lɛ, tsui werɛ hoɔ ehe; ni miishɛɛ naagbee lɛ ŋkɔmɔyeli baa.

Abe̱i 30:9

koni mikatɔ tsɔ̃, ni mikwa bo, ni mikɛɛ akɛ, “Namɔ ji Yehowa”. Ni kaahã miye ohia, ni miyaju, ni mikɛgbe miNyɔŋmɔ lɛ gbɛi he guɔ.

Jajelɔ 2:2

Mikɛɛ yɛ ŋmɔlɔ he akɛ, “Sɛkɛyeli ni”; ni mikɛɛ yɛ miishɛɛ hu he akɛ, “Mɛɛ sɛɛnamɔ yɔɔ he?”

Jajelɔ 7:3

Awerɛho hi fe ŋmɔlɔ; ejaakɛ awerɛho baahã ohiɛ afee mɔbɔmɔbɔ moŋ nɛ, shi ehãa jwɛŋmɔ mli gbeleɔ.

Jajelɔ 7:6

Ejaakɛ kwashiai aŋmɔlɔ lɛ, etamɔ ŋmei fɛlɛmɔ yɛ kukwɛi shishi la mli. No hu yakanii ni.

Yesaia 28:7

Wain ehã osɔfoi lɛ kɛ gbalɔi lɛ ahiɛ miidĩ amɛ; dãa ni wa ehã amɛmiididã. Osɔfoi lɛ kɛ gbalɔi lɛ miididã kɛ dãa ni wa. Wain ehã amɛlului, ni amɛmiididãa kɛ dãa ni wa. Amɛnãaa ninaa kpakpa koni amɛgba pɛpɛɛpɛ; dãa hãaa amɛnyɛ amɛbua sane he jogbaŋŋ.

Yesaia 65:13

No hewɔ lɛ, bɔ ni Nuŋtsɔ Nyɔŋmɔ kɛɔ nɛ. Naa, mitsuji lɛ aaaye nii atɔ, shi nyɛ lɛ hɔmɔ baaye nyɛ. Naa, mitsuji lɛ aaana nu amɛnu, shi nyɛ lɛ kumai aaaye nyɛ Naa mitsuji lɛ aaanya, shi nyɛ lɛ nyɛhiɛ aaagboi.

Yesaia 8:21

Amɛaakpa shikpɔŋ lɛ nɔ kɛ hejaramɔ kɛ hɔmɔ ni naa wa, ni amɛbaalomɔ amɛmaŋtsɛ lɛ kɛ amɛNyɔŋmɔ lɛ. Amɛaawo amɛhiɛ nɔ amɛkwɛ ŋwɛi,

Yesaia 9:20

Amɛaashara nii amɛye yɛ ninejurɔgbɛ, shi hɔmɔ aaaye amɛ kɛ̃, ni amɛaaye nii yɛ amɛbɛkugbɛ hu, shi amɛtɔrɔŋ. Mɔ fɛɛ mɔ aaaye enaanyo loo.

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Nahum 1:10

Abaashã amɛ wɛɛ tamɔ ŋmei ni eloloo, loo gbetseli gbiŋ.

Luka 12:20

Shi Nyɔŋmɔ kɛɛ lɛ akɛ, ‘Kwashia, nyɔɔŋ nɛɛŋ nɔŋŋ lɛ abaabi osusuma shi yɛ odɛ̃ŋ; ni nibii ni osaa oto lɛ, namɔ nɔ eeetsɔ̃?’

Luka 13:28

Jɛi yaafo kɛ nyanyɔji ashishikpemɔ aaahi, be ni nyɛaana Abraham kɛ Isak kɛ Yakob kɛ gbalɔi lɛ fɛɛ yɛ Nyɔŋmɔ Maŋtsɛyeli lɛ mli, ni nyɛ diɛŋtsɛ lɛ, ashwie nyɛ kɛje kpo lɛ.

Luka 6:24

“Shi nyɛ niiatsɛmɛi lɛ, kpoo hã nyɛ! Ejaakɛ nyɛna nyɛmiishɛjemɔ momo.

Luka 6:26

“Kpoo hã nyɛ, kɛji mɛi fɛɛ aaawie nyɛhe ekpakpa lɛ! Ejaakɛ nakai nɔŋŋ amɛtsɛmɛi lɛ fee amale gbalɔi lɛ.

Luka 8:53

Ni amɛŋmɔ lɛ, ejaakɛ amɛle akɛ egbo.

Efesobii 5:4

Nakai nɔŋŋ akatsĩ hiɛgbejianitsumɔ kɛ kwashiai awiemɔ kɛ fɛoyeli ni ji nibii ni esaaa lɛ tã yɛ nyɛteŋ, shi moŋ nyɛ daa Nyɔŋmɔ shi.

1 Tesalonikabii 5:3

Ejaakɛ be mli ni amɛaakɛɛ akɛ, “Wɔyɛ hejɔlɛ ni wɔyɛ shweshweeshwe!” lɛ, no mli nɔŋŋ hiɛkpãtãmɔ aaabatua amɛ trukaa, tamɔ kɔ̃ɔmɔ tuaa yoo ni hiɛ musu lɛ, ni amɛjeŋ mli kɔkɔɔkɔ.

Yakobo 4:9

Nyɛwerɛ ahoa nyɛhe ni nyɛyea ŋkɔmɔ ni nyɛfoa. Nyɛŋmɔlɔ lɛ atsɔ̃ ŋkɔmɔyeli, ni nyɛmiishɛɛ hu atsɔ̃ gbliniifeemɔ.

Kpojiemɔ 3:17

Ejaakɛ okɛɔ akɛ, ‘Niiatsɛ ji mi ni miyɛ nii, ni nɔ ko nɔ ko he ehĩaaa mi.’ Ni oleee akɛ ohao ni onii hu yɛ mɔbɔ ni ohiafo kɛ shwilafo kɛ heyayaitsɛ ji bo.

1 Samuel 2:5

Mɛi ni kulɛ amɛyeɔ nii amɛtɔrɔɔ lɛ, amɛmiiye apaa yɛ daaŋ ŋmãa hewɔ, ni mɛi ni kulɛ amɛwɔɔ hɔmɔ lɛ, amɛwɔɔɔ hɔmɔ dɔŋŋ. Naa, kene lɛ efɔ kpawo, ni biianyɛ lɛ moŋ etsɔ̃ mɔ kome mɔ.