Luka 6:20 - ŊMALƐ KRƆŊKRƆŊ LƐ

²⁰ Ni ehole ehiŋmɛi anɔ ekwɛ ekaselɔi lɛ ni ekɛɛ, “Ajɔɔ nyɛ ohiafoi lɛ; ejaakɛ nyɛnɔ ji Nyɔŋmɔ Maŋtsɛyeli lɛ.

Ṅmãle̱ Kroṅkroṅ Le̱

²⁰ Ni ehole ehĩṅme̱ii ano̱ ekwe̱ ekaselo̱i le̱ ni ekē̱: Adšō̱nye, ohĩafoi le̱: edšake̱ nyenõ dši Nyoṅmo̱ maṅtše̱yeli le̱.

Luka 6:20 ပူးပေါင်းရင်းမြစ်များ

Lalai 37:16

Nii fioo ni jalɔ yɔɔ lɛ hi fe mɛi fɔ̃ji babaoo anii.

Abe̱i 16:19

Ehi akɛ ohi shi akɛ humi yɛ ohiafoi ateŋ, fe nɔ ni okɛ hewolɔi aaaja nomŋɔɔnii.

Abe̱i 19:1

Ohiafo anɔkwafo lɛ, ehi fe kwashia kutumpɔfo.

Yesaia 29:19

Humii baana miishɛɛ hee yɛ Yehowa hewɔ, ni ohiafoi amli aaafli amɛ yɛ Israel Mɔ Krɔŋkrɔŋ lɛ hewɔ.

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Zefania 3:12

ejaakɛ mibashi gbɔmɛi omlɛfoi kɛ humii pɛ yɛ nyɛteŋ. Amɛbaatao abobaahe yɛ Yehowa gbɛi mli,

Zakaria 11:11

Hewɔ lɛ aku kpãŋmɔ lɛ mli nakai gbi lɛ nɔŋŋ. Ni too jarayelɔi lɛ ni kwɛɔ mi lɛ nu shishi akɛ Yehowa wiemɔ naanii ni.

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Mateo 5:1

Shi be ni ena mɛi pii lɛ, ekwɔ kɛtee gɔŋ lɛ nɔ. Eho eta shi ni ekaselɔi lɛ ba eŋɔɔ.

Luka 12:32

“Kaashe gbeyei, kuu bibioo; ejaakɛ nyɛTsɛ lɛ yɛ he tsuijurɔ akɛ eeeŋɔ maŋtsɛyeli lɛ ehã nyɛ.

Luka 13:28

Jɛi yaafo kɛ nyanyɔji ashishikpemɔ aaahi, be ni nyɛaana Abraham kɛ Isak kɛ Yakob kɛ gbalɔi lɛ fɛɛ yɛ Nyɔŋmɔ Maŋtsɛyeli lɛ mli, ni nyɛ diɛŋtsɛ lɛ, ashwie nyɛ kɛje kpo lɛ.

Luka 14:15

Ni be ni mɛi ni kɛ lɛ tara niyenii ashi lɛ ateŋ mɔ kome nu nii nɛɛ lɛ, ekɛɛ lɛ akɛ, “Ajɔɔ mɔ ni yeɔ aboloo yɛ Nyɔŋmɔ Maŋtsɛyeli lɛ mli!”

Luka 16:25

Shi Abraham kɛɛ, ‘Mibi, kaimɔ akɛ bo lɛ oye ejurɔ yɛ owalabe mli, shi Lazaro na nɔ; shi agbɛnɛ aashɛje emii yɛ biɛ, ni bo lɛ, aapiŋ bo.

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

2 Korintobii 6:10

Wɔ tamɔ ŋkɔmɔyelɔi, shi wɔmii shɛɔ daa. Wɔ tamɔ ohiafoi, shi wɔfeɔ mɛi pii niiatsɛmɛi, ni wɔ tamɔ mɛi ni bɛ nɔ ko, ni kɛ̃lɛ wɔyɛ nii fiaa.

2 Korintobii 8:2

akɛ aka amɛ yɛ amanehulu babaoo mli, shi kɛ̃lɛ amɛmiishɛɛ lɛ tɛke nɔ, ni amɛhĩa katekate lɛ mli po, amɛ jie mlihilɛ falɛ kpo;

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

1 Tesalonikabii 1:6

Ni nyɛ lɛ, nyɛtsɔ̃mɔ mɛi ni kaseɔ wɔ kɛ Nuŋtsɔ lɛ, akɛni nyɛkɛ Mumɔ Krɔŋkrɔŋ mli miishɛɛ mɔ wiemɔ lɛ mli yɛ amanehulu babaoo mli lɛ.

2 Tesalonikabii 1:5

Eji Nyɔŋmɔ kojomɔ ni ja gbɛ lɛ he okadi, koni abu nyɛ akɛ nyɛsa Nyɔŋmɔ maŋtsɛyeli ni nyɛnaa he nɔ lɛ,

Yakobo 1:12

Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

1 Samuel 2:8

Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ yɛ tumo nɔ, koni amɛ kɛ abladei atara shi, ni amɛna sɛii ni yɔɔ nyam anɔ amɛtara, ejaakɛ je lɛ shishitoo lɛ enɔ ni, ni lɛ etswa je lɛ ema nɔ.