Luka 6:13 - ŊMALƐ KRƆŊKRƆŊ LƐ

¹³ Ni be ni je tsɛre lɛ, etsɛ ekaselɔi lɛ kɛba eŋɔɔ ni ehala amɛteŋ mɛi nyɔŋma kɛ enyɔ, mɛi hu ni etsɛ amɛ bɔfoi lɛ.

Ṅmãle̱ Kroṅkroṅ Le̱

¹³ Ni beni dše tše̱re le̱, etšé̱ ekaselo̱i le̱ ke̱-ba eṅõ ni ehala ame̱teṅ mei nyoṅma ke̱ enyo, mei ní etšé̱ame̱ bo̱foi hũ le̱: Mat. 10,2-4. Bo̱f. 1,13.

Luka 6:13 ပူးပေါင်းရင်းမြစ်များ

Mateo 10:2

Shi bɔfoi nyɔŋma kɛ enyɔ lɛ agbɛii nɛ: Klɛŋklɛŋ mɔ ji Simon ni atsɛɔ lɛ Petro hu lɛ, kɛ enyɛmi Andrea; Yakobo, Zebedeo bi lɛ, kɛ enyɛmi Yohane;

Mateo 19:28

Shi Yesu kɛɛ amɛ akɛ, “Anɔkwale mikɛɔ nyɛ akɛ, nyɛ mɛi ni nyɛnyiɛ misɛɛ nɛɛ, be ni Gbɔmɔ Bi lɛ aaata enunyam sɛ̃i lɛ nɔ yɛ jeŋ hee lɛ mli lɛ, nyɛ hu nyɛaatara sɛ̃ii nyɔŋma kɛ enyɔ nɔ, ni nyɛaakojo Israel akutsei nyɔŋma kɛ enyɔ lɛ.

Mateo 9:36

Shi be ni ena mɛi babaoo lɛ, emusuŋ tsɔ̃ lɛ yɛ amɛhewɔ, ejaakɛ etɔ amɛ ni amɛfee yuuyaa tamɔ toi ni bɛ kwɛlɔ.

Marko 6:30

Bɔfoi lɛ bua amɛhe naa kɛba Yesu ŋɔɔ, ni amɛbagba lɛ nii ni amɛyafee kɛ nii ni amɛyatsɔ̃ɔ lɛ fɛɛ.

Marko 6:7

Ni Yesu tsɛ kaselɔi nyɔŋma kɛ enyɔ lɛ kɛba eŋɔɔ ni ebɔ̃i amɛ tsumɔ enyɔnyɔɔnyɔ ni ehã amɛ hewalɛ yɛ mumɔi fɔ̃ji lɛ anɔ.

Luka 11:49

Enɛ hewɔ nɔŋŋ ni Nyɔŋmɔ nilee lɛ kɛɛ, ‘Mibatsu gbalɔi kɛ bɔfoi kɛya amɛŋɔɔ, ni amɛaagbe amɛteŋ mɛi komɛi ni amɛaawa mɛi komɛi ayi,’

Luka 22:30

koni nyɛye nii ni nyɛnu yɛ mikpɔlɔ̃ lɛ he yɛ mimaŋtsɛyeli lɛ mli; ni nyɛaatara sɛii anɔ ni nyɛkojo Israel akutsei nyɔŋma kɛ enyɔ lɛ.”

Luka 6:14

Simon, mɔ ni ewo lɛ Petro hu lɛ, kɛ enyɛmi Andrea; Yakobo kɛ Yohane, Filipo kɛ Bartolomeo;

Yohane 4:33

No hewɔ lɛ, ekaselɔi lɛ kɛɛkɛɛ amɛhe akɛ, “Ani mɔ ko ebahã lɛ nɔ ko eye?”

Bɔfoi 1:13

Ni be ni amɛshɛ jɛi lɛ, amɛtee ŋwɛitsu ko mli, he ni Petro kɛ Yakobo kɛ Yohane kɛ Andrea kɛ Filipo kɛ Toma kɛ Bartolomeo kɛ Mateo kɛ Alfeo bi Yakobo kɛ Simon, maŋ he hiɛdɔlɔ lɛ, kɛ Yakobo bi Yuda hiɔ lɛ.

Efesobii 2:20

ni atswa nyɛ ama bɔfoi lɛ kɛ gbalɔi lɛ shishitoo lɛ ni ekoŋtɛ ji Yesu Kristo lɛ nɔ.

Efesobii 4:11

Ni lɛ nɔŋŋ ehã mɛi komɛi tsɔ̃mɔ bɔfoi, mɛi komɛi lɛ gbalɔi, mɛi komɛi hu Sanekpakpashiɛlɔi, ni mɛi komɛi hu nɔkwɛlɔi kɛ tsɔɔlɔi.

Hebribii 3:1

Enɛ hewɔ lɛ, anyɛmimɛi krɔŋkrɔŋi ni ena ŋwɛi tsɛmɔ lɛ eko, nyɛjwɛŋa wɔhemɔkɛyeli jajemɔ lɛ he bɔfo kɛ osɔfonukpa ni ji Kristo Yesu lɛ he,

2 Petro 3:2

ni nyɛkai gbalɔi krɔŋkrɔŋi lɛ awiemɔi ni amɛwie sa kɛ Nuŋtsɔ kɛ yiwalaherelɔ lɛ kitã ni bɔfoi ni atsu nyɛŋɔɔ lɛ kɛhã nyɛ lɛ.

Kpojiemɔ 12:1

Ni ana naakpɛɛ okadi kpeteŋkple ko yɛ ŋwɛi: yoo ko ni hulu ha ehe, ni nyɔɔŋtsere yɛ enajiaŋshi, ni ŋulamii nyɔŋma kɛ enyɔ akekre fi eyitso.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 21:14

Ni maŋ lɛ gbogbo lɛ yɛ shishitoi nyɔŋma kɛ enyɔ, ni Toobi lɛ bɔfoi nyɔŋma kɛ enyɔ lɛ agbɛii yɛ amɛnɔ.