Luka 5:32 - ŊMALƐ KRƆŊKRƆŊ LƐ

³² Mibaaa jalɔi atsɛmɔ, shi moŋ miba eshafeelɔi atsɛmɔ koni amɛtsake amɛtsui.”

Ṅmãle̱ Kroṅkroṅ Le̱

³² Mibaa dšalo̱i atšé̱mo̱, ši moṅ ešafelo̱i hã tšuitšakemo̱.

Luka 5:32 ပူးပေါင်းရင်းမြစ်များ

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Mateo 18:10

“Nyɛkwɛa jogbaŋŋ koni nyɛkabu mɛi bibii nɛɛ ateŋ mɔ ko mɔ ko akɛ ejeee mɔ ko; ejaakɛ miikɛɛ nyɛ akɛ, amɛbɔfoi ni yɔɔ ŋwɛi lɛ kwɛɔ miTsɛ ni yɔɔ ŋwɛi lɛ hiɛ daa. [

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Marko 15:10

Ejaakɛ ele akɛ hetsɛ̃ naa ni osɔfonukpai lɛ mɔ lɛ hã lɛ.

Marko 15:7

Shi mɔ ko yɛ ni atsɛɔ lɛ Baraba ni awo lɛ niiaŋ kɛ atuatselɔi ni gbe gbɔmɔ yɛ atuatsemɔ lɛ mli.

Marko 2:17

Shi be ni Yesu nu lɛ, ekɛɛ amɛ akɛ, “Mɛi ni yɔɔ hewalɛ lɛ tsofatsɛ he ehiaaa amɛ, shi mɛi ni he yeɔ lɛ moŋ. Mibaaa jalɔi atsɛmɔ, shi eshafeelɔi moŋ.”

Luka 15:10

Nakai nɔŋŋ, miikɛɛ nyɛ akɛ, Nyɔŋmɔ bɔfoi lɛ naa miishɛɛ yɛ eshafeelɔ kome ni tsakeɔ etsui lɛ hewɔ.”

Luka 15:7

Miikɛɛ nyɛ akɛ nakai nɔŋŋ miishɛɛ aaaba ŋwɛi yɛ eshafeelɔ kome ni tsakeɔ etsui lɛ hewɔ fe jalɔi nyɔŋmai nɛɛhu kɛ nɛɛhu ni tsuitsakemɔ he ehiaaa amɛ lɛ.”

Luka 19:10

Ejaakɛ Gbɔmɔ Bi lɛ ba nɔ ni elaaje lɛ taomɔ kɛ eyiwalaheremɔ.”

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Luka 5:31

Ni Yesu to he ni ekɛɛ amɛ akɛ, “Mɛi ni yɔɔ kpiŋtiŋkpliŋŋ lɛ ehiaaa amɛ tsofatsɛ, shi mɛi ni he yeɔ lɛ moŋ ehia.

Luka 5:33

Ni amɛkɛɛ lɛ akɛ, “Yohane kaselɔi lɛ fɔɔ ŋmaahilɛ kɛ sɔlemɔ, ni Farisifoi lɛ akaselɔi lɛ hu feɔ nakai nɔŋŋ, ni bo lɛ okaselɔi lɛ yeɔ nii ni amɛnuɔ nii.”

Bɔfoi 17:30

No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Bɔfoi 3:26

Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”

Bɔfoi 5:31

lɛ enɔ Nyɔŋmɔ wo kɛtee eninejurɔ nɔ, ni ewo lɛ lumɔ kɛ yiwalaherelɔ, koni ehã Israel ana tsuitsakemɔ kɛ eshaifaa.

2 Petro 3:9

Jeee tsɛ Nuŋtsɔ lɛ hãa eshiwoo lɛ sɛɛ tsɛɔ, tamɔ bɔ ni mɛi komɛi susuɔ akɛ esɛɛ etsɛ lɛ, shi moŋ etsui shi etoɔ ehãa wɔ, ejaakɛ esumɔ̃ɔɔ akɛ mɛi komɛi alaaje, shi moŋ akɛ mɛi fɛɛ atsake amɛtsui.