Luka 5:30 - ŊMALƐ KRƆŊKRƆŊ LƐ

³⁰ Ni Farisifoi lɛ kɛ amɛmlatsɔ̃ɔlɔi lɛ wie ekaselɔi lɛ ahe huhuuhu ni amɛkɛɛ, “Mɛni hewɔ nyɛkɛ toohelɔi kɛ eshafeelɔi yeɔ nii ni nyɛkɛ amɛ nuɔ nii nɛɛ?”

Ṅmãle̱ Kroṅkroṅ Le̱

³⁰ Ni Farisifoi le̱ ke̱ ame̱woloṅmãlo̱i le̱ wie hũhũhũ wo ekaselo̱i le̱ ame̱kē̱: Menihewo̱ nyeke̱ ntōhelo̱i ke̱ ešafelo̱i yeo̱ nii ni nyeke̱ame̱ nuo̱ ne̱?

Luka 5:30 ပူးပေါင်းရင်းမြစ်များ

Yesaia 65:5

Amɛkɛɔ akɛ, ‘Tsi ohe kɛya sɛɛ. Kaabɛŋkɛ mi ejaakɛ mihe tse fe bo.’ Mɛnɛɛmɛi lɛ amɛsukɔɔ mi, amɛtamɔ la ni tsoɔ gbi muu fɛɛ.

Mateo 5:46

Shi kɛji nyɛsumɔɔ mɛi ni sumɔɔ nyɛ lɛ, mɛɛ nyɔmɔwoo nyɛyɔɔ? Ani toohelɔi lɛ tete efeee nakai nɔŋŋ?

Mateo 9:11

Ni be ni Farisifoi lɛ na lɛ, amɛbi ekaselɔi lɛ akɛ, “Mɛɛ hewɔ nyɛtsɔ̃ɔlɔ lɛ kɛ toohelɔi kɛ eshafeelɔi yeɔ nii nɛɛ?”

Marko 2:16

Be ni Farisifoi lɛ ateŋ mlatsɔɔlɔi lɛ na akɛ Yesu kɛ eshafeelɔi kɛ toohelɔi nɛɛ miiye nii lɛ, amɛbi ekaselɔi lɛ akɛ, “Mɛɛba ni ekɛ toohelɔi kɛ eshafeelɔi yeɔ nii ni ekɛ amɛ nuɔ nɛɛ?”

Marko 7:3

Ejaakɛ Farisifoi lɛ kɛ Yudafoi lɛ fɛɛ lɛ, ja amɛkɛ nu efɔ amɛdɛ̃ jogbaŋŋ dani amɛyeɔ nii; amɛfeɔ enɛ amɛkɛyeɔ onukpai lɛ ablema tsɔ̃ɔmɔi lɛ anɔ.

Marko 9:16

Ni ebi amɛ akɛ, “Mɛni nyɛbibiɔ amɛ lɛ?”

Luka 18:11

Farisifonyo lɛ yadamɔ shi, ni esɔle nɛkɛ, ‘Nyɔŋmɔ, miida bo shi akɛ mitamɔ̃ɔɔ mɛi krokomɛi lɛ, ojotswalɔi, kutumpɔfoi, gbãlãfitelɔi, loo tamɔ nɛkɛ toohelɔ nɛɛ po;

Luka 19:7

Ni be ni mɛi na lɛ, amɛ fɛɛ amɛwie huhuuhu amɛkɛɛ, “Eyato nuu eshafeelɔ ŋɔɔ.”

Luka 5:17

Agbɛnɛ gbi lɛ eko be ni etsɔ̃ɔ nii lɛ, Farisifoi kɛ mlatsɔɔlɔi ni jɛ Galilea kɛ Yudea maji lɛ fɛɛ nɔ kɛ Yerusalɛm ba lɛ tara jɛi; ni ajie Nuŋtsɔ lɛ hewalɛ ni ekɛtsáa mɔ lɛ kpo yɛ jɛi.

Luka 5:21

Ni mlatsɔɔlɔi lɛ kɛ Farisifoi lɛ bɔ̃i susumɔ akɛ, “Namɔ ji mɔ nɛ ni wieɔ musubɔɔ wiemɔ nɛɛ? Namɔ aaanyɛ ekɛ eshai afa akɛ ja Nyɔŋmɔ koome pɛ.”

Luka 7:34

Gbɔmɔ Bi lɛ ba ni eyeɔ nii ni enuɔ nɔ ko, ni nyɛkɛɛ, ‘Naa nuu ŋmaayelɔ kɛ dãanulɔ, toohelɔi kɛ eshafeelɔi ashieŋtsɛ!’

Luka 7:39

Shi be ni Farisifonyo ni kpee Yesu niyeli lɛ na lɛ, ekɛɛ yɛ emli akɛ, “Gbɔmɔ nɛɛ, gbalɔ ji lɛ jikulɛ, eeele nɔ gbɔmɔ kɛ nɔ yoo ni taa ehe nɛɛ akɛ eshafeelɔ ji lɛ.”

Bɔfoi 23:9

Ni blɔmɔ babaoo bate shi, ni mlatsɔɔlɔi lɛ ni yɔɔ Farisifoi lɛ agbɛfaŋ lɛ te shi ni amɛbe amɛkɛɛ, “Wɔnaaa nɔ ko fɔŋ ko yɛ nɛkɛ gbɔmɔ nɛɛ he; shi kɛji aleenɔ mumɔ ko loo ŋwɛi bɔfo ko kɛ lɛ ewie lɛ, no lɛ (nyɛkahãa wɔkɛ Nyɔŋmɔ miinɔa.)”