Luka 5:22 - ŊMALƐ KRƆŊKRƆŊ LƐ

²² Shi be ni Yesu yoo amɛsusumɔi lɛ, ehere nɔ ekɛɛ amɛ akɛ, “Mɛni nyɛsusuɔ yɛ nyɛtsuii amli lɛ?

Ṅmãle̱ Kroṅkroṅ Le̱

²² Ši beni Iesu yo ame̱susumo̱i le̱, efã enā ekē̱ame̱ ake̱: Meni nyesusuo̱ ye̱ nyetšui amli le̱?

Luka 5:22 ပူးပေါင်းရင်းမြစ်များ

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

Lalai 139:2

Ole mishitamɔ kɛ mishitee mli fɛɛ; oyoɔ miyiŋtoo yɛ shɔŋŋ beebe.

Abe̱i 15:26

Mɛi fɔ̃ji ayiŋtoi lɛ, Yehowa miihi; shi wiemɔi ni he tse lɛ, enaa he miishɛɛ.

Yesaia 66:18

Ejaakɛ mile amɛnitsumɔi kɛ amɛsusumɔi, ni miiba koni mibabua jeŋ maji fɛɛ anaa, ni amɛaaba, ni amɛaabana minunyam lɛ;

Ezekiel 38:10

Bɔ ni Nuŋtsɔ Yehowa kɛɔ nɛ, “Nakai gbi lɛ nɔ lɛ susumɔi pii baaba oyiŋ, ni obajwɛŋ efɔŋfeemɔ he.

Mateo 12:15

Shi be ni Yesu kpa enɛ shi lɛ, egbala ehe shi kɛje jɛi. Ni mɛi babaoo nyiɛ esɛɛ, ni etsa amɛ fɛɛ,

Mateo 12:25

Shi akɛni Yesu yoo amɛjwɛŋmɔi lɛ, ekɛɛ amɛ akɛ, “Maŋtsɛyeli fɛɛ maŋtsɛyeli ni gbaa woɔ lɛ diɛŋtsɛ ehe lɛ, ejwaa; ni maŋ fɛɛ maŋ loo shĩa fɛɛ shĩa ni gbaa woɔ lɛ diɛŋtsɛ ehe lɛ edamɔɔɔ shi.

Mateo 9:4

Ni be ni Yesu na amɛjwɛŋmɔi lɛ, ekɛɛ, “Mɛɛ hewɔ ni nyɛjwɛŋɔ nii fɔ̃ji yɛ nyɛtsuii amli nɛɛ?

Marko 8:17

Ni be ni Yesu na le lɛ, ebi amɛ akɛ, “Mɛɛba nyɛsusuɔ akɛ aboloo ni nyɛhiɛɛɛ lɛ hewɔŋ? Ani nyɛyooko sɛɛ ni asaŋ nyɛnako nii anaa lolo? Ani nɛkɛ nyɛjwɛŋmɔ naa eŋa?

Luka 24:38

Ni ekɛɛ amɛ akɛ, “Mɛɛba nyɛjijaa, ni mɛɛ hewɔ hu ni ŋwanejee teɔ shi yɛ nyɛtsuii amli?

Luka 5:21

Ni mlatsɔɔlɔi lɛ kɛ Farisifoi lɛ bɔ̃i susumɔ akɛ, “Namɔ ji mɔ nɛ ni wieɔ musubɔɔ wiemɔ nɛɛ? Namɔ aaanyɛ ekɛ eshai afa akɛ ja Nyɔŋmɔ koome pɛ.”

Luka 5:23

Te nɔ ni kɛɛmɔ jaraaa hu, ‘Akɛ ohe eshai efa bo’ aloo ‘Tee shi ni onyiɛ’ lɛ?

Bɔfoi 5:3

Shi Petro kɛɛ, “Anania, mɛɛba Satan yi otsuiŋ obɔ̃, ni omale otsɔ̃ɔ Mumɔ Krɔŋkrɔŋ lɛ, ni okɛ shikpɔŋ lɛ yinii lɛ eko to sɛɛ?

Hebribii 4:12

Ejaakɛ Nyɔŋmɔ wiemɔ hiɛ kã ni eyɛ hewalɛ ni enaa ba fe klante kɛ enaa nta, ni egbuɔ kɛboteɔ mli aahu kɛyashɛɔ susuma kɛ mumɔ lɛ, kɛ talɔi kɛ wuiaŋfɔi lɛ akpeehei lɛ ni eji tsuiiaŋ susumɔi kɛ jwɛŋmɔi lɛ akojolɔ.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.