Luka 5:21 - ŊMALƐ KRƆŊKRƆŊ LƐ

²¹ Ni mlatsɔɔlɔi lɛ kɛ Farisifoi lɛ bɔ̃i susumɔ akɛ, “Namɔ ji mɔ nɛ ni wieɔ musubɔɔ wiemɔ nɛɛ? Namɔ aaanyɛ ekɛ eshai afa akɛ ja Nyɔŋmɔ koome pɛ.”

Ṅmãle̱ Kroṅkroṅ Le̱

²¹ Ni woloṅmãlo̱i le̱ ke̱ Farisifoi le̱ bõi susumo̱ ame̱kē̱: Namo dši mone̱ ní wieo̱ musubō̱ wiemo ne̱? Namo aanyẽ aṅõ ešai afa ake̱ dša Nyoṅmo̱ ke̱ke̱? Ies. 43,25.

Luka 5:21 ပူးပေါင်းရင်းမြစ်များ

Lalai 103:3

Lɛ ji mɔ ni kɛ onishaianii fɛɛ faa; ni etsaa ohelai fiaa kwa lɛ.

Lalai 130:4

Shi bo odɛ̃ŋ eshaifaa yɔɔ, bɔ ni afee ni ashe bo gbeyei.

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Lalai 35:5

Be ni Yehowa bɔfo lɛ shwieɔ amɛ kɛyaa lɛ hã amɛtsɔ̃ tamɔ tutuu yɛ kɔɔyɔɔ naa.

Yesaia 1:18

Yehowa kɛɛ akɛ, “Nyɛbaa agbɛnɛ; nyɛhãa wɔtaoa naa. Kɛji nyɛhe eshai lɛ tsuɔ tamɔ lá tete po, amɛbaayɛ futaa tamɔ snoo; ni kɛji amɛtsuɔ fɔɔ tamɔ kɔɔjaŋ po, amɛbaatsɔ̃ tamɔ too he tsɔ̃i yɛŋ.

Yesaia 43:25

“Kɛ̃lɛ mi, mi nɔŋŋ ji mɔ ni ŋɔɔ ohe eshai lɛ efaa, yɛ mi diɛŋtsɛ mihewɔ, ni mikaiŋ ohe eshai lɛ dɔŋŋ.

Yesaia 44:22

Mihã ohe eshai lɛ ekpalaŋ kɛtee tamɔ atatu, ohe eshai lɛ emii tamɔ afua. Kpalemɔ kɛba miŋɔɔ, ejaakɛ mi, mikpɔ̃ bo.”

Daniel 9:19

Ao! Yehowa, bo wɔ toi koni ofee he eko ohã wɔ. Ao! MiNyɔŋmɔ, ofainɛ, kaatsɛ kwraa ni ofee he eko ohã wɔ yɛ ogbɛi lɛ hewɔ, ejaakɛ ogbɛi kpɛtɛ omaŋ lɛ kɛ omaŋbii lɛ ahe.”

Daniel 9:9

Nuŋtsɔ, wɔNyɔŋmɔ, musuŋtsɔlɔ ji bo, ni okɛ esha faa tsɛbelɛ wɔtse ohiɛ atua,

3 Mose 24:16

mɔ ni baalomɔ Yehowa lɛ, gbe kɛ̃ aaagbe lɛ. Gbɔ ni jio, maŋnyo ni jio, kɛji ena elomɔ Yehowa lɛ, maŋtso muu lɛ fɛɛ atswia lɛ tɛ ni egbo.’

Mika 7:19

Oooku sɛɛ omusuŋ atsɔ̃ bo yɛ wɔhe. Okɛ onane aaashwishwia wɔnishaianii lɛ anɔ ni osherɛ oshwie ŋshɔ shishi bu kwɔŋkwɔŋ lɛ mli.

Mateo 26:65

Kɛkɛ ni osɔfonukpa lɛ gbala etadei ni ekɛɛ, “Ebɔ musu! Mɛni wɔsaa wɔtaoɔ odasefoi wɔfee dɔŋŋ? Naa, agbɛnɛ nyɛnu emusubɔɔ lɛ!

Mateo 9:3

Ni mlatsɔɔlɔi lɛ ateŋ mɛi komɛi kɛɛ yɛ amɛmli akɛ, “Musu mɔ nɛ bɔɔ nɛɛ.”

Luka 3:8

Belɛ nyɛwoa yibii ni sa tsuitsakemɔ; ni nyɛkabɔia kɛɛmɔ yɛ nyɛyiŋ akɛ, ‘Wɔtsɛ ji Abraham;’ ejaakɛ miikɛɛ nyɛ akɛ, Nyɔŋmɔ aaanyɛ atee bii ashi kɛjɛ tɛi nɛɛ amli ehã Abraham.

Luka 5:17

Agbɛnɛ gbi lɛ eko be ni etsɔ̃ɔ nii lɛ, Farisifoi kɛ mlatsɔɔlɔi ni jɛ Galilea kɛ Yudea maji lɛ fɛɛ nɔ kɛ Yerusalɛm ba lɛ tara jɛi; ni ajie Nuŋtsɔ lɛ hewalɛ ni ekɛtsáa mɔ lɛ kpo yɛ jɛi.

Luka 5:22

Shi be ni Yesu yoo amɛsusumɔi lɛ, ehere nɔ ekɛɛ amɛ akɛ, “Mɛni nyɛsusuɔ yɛ nyɛtsuii amli lɛ?

Luka 7:49

Kɛkɛ ni mɛi ni kɛ lɛ tara niyenii ashi lɛ bɔ̃i kɛɛmɔ yɛ amɛteŋ akɛ, “Namɔ ji mɔ nɛ ni kɛ eshai faa po nɛɛ?”

Yohane 10:33

Yudafoi lɛ here lɛ nɔ amɛkɛɛ, “Jeee nitsumɔ kpakpa ko hewɔ wɔbaatswia bo tɛi lɛ, shi moŋ musubɔɔ hewɔŋ, ejaakɛ bo ni gbɔmɔ ji bo lɛ, ootsɛ ohe Nyɔŋmɔ.”

Romabii 8:33

Namɔ aaafolɔ Nyɔŋmɔ halamɔbii lɛ anaa? Nyɔŋmɔ ji mɔ ni buɔ bem.