Luka 5:20 - ŊMALƐ KRƆŊKRƆŊ LƐ

²⁰ Be ni Yesu na amɛhemɔkɛyeli lɛ ekɛɛ helatsɛ lɛ akɛ, “Naanyo, akɛ ohe eshai lɛ efa bo.”

Ṅmãle̱ Kroṅkroṅ Le̱

²⁰ Ni beni ena ame̱hemo̱-ke̱-yeli le̱, ekē̱le̱ ake̱: Nū, aṅõ ohe ešai le̱ áfao.

Luka 5:20 ပူးပေါင်းရင်းမြစ်များ

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

Yesaia 38:17

Naa, mijurɔyeli hewɔ jɛ ni mina hejaramɔ babaoo lɛ, Ojie miwala kɛje hiɛkpãtãmɔ mli, ejaakɛ osherɛ mihe eshai lɛ fɛɛ oshwie osɛɛ.

Mateo 9:2

Ni naa, akɛ mɔ ko ni yeɔ kuumɔ hela ni kã saa nɔ ba eŋɔɔ. Ni be ni Yesu na amɛhemɔkɛyeli lɛ, ekɛɛ mɔ ni yeɔ kuumɔ hela lɛ akɛ, “Bi, hã otsui anyɔ omli, akɛ ohe eshai lɛ efa bo!”

Mateo 9:5

Te emli nɔ ni kɛɛmɔ jaraaa hu, akɛ aaakɛɛ akɛ, ‘Aŋɔ ohe eshai lɛ afa bo,’ aloo ‘Tee shi ni onyiɛ’ lɛ?

Marko 2:5

Be ni Yesu na amɛhemɔkɛyeli lɛ, ekɛɛ helatsɛ lɛ akɛ, “Bi, akɛ ohe eshai lɛ efa bo!”

Luka 7:48

Ni ekɛɛ yoo lɛ akɛ, “Akɛ ohe eshai efa bo!”

Yohane 2:25

Ni ehe ehĩaaa akɛ mɔ ko aye gbɔmɔ he odase ahã lɛ, ejaakɛ lɛ diɛŋtsɛ ele nɔ ni yɔɔ gbɔmɔ tsui mli.

Yohane 5:14

Fee sɛɛ lɛ Yesu yana lɛ yɛ Sɔlemɔ we lɛ, ni ekɛɛ lɛ akɛ, “Naa, ohe ewa bo; kaafee esha dɔŋŋ, koni efɔŋ ni fe tsutsu nɔ lɛ akaba onɔ.”

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 14:9

Ni be ni Paulo wieɔ lɛ, ebo toi. Paulo kwɛ lɛ gãa ni ena akɛ eyɛ hemɔkɛyeli akɛ aaatsa lɛ,

2 Korintobii 2:10

Shi mɔ ni nyɛkɛ nɔ ko faa lɛ lɛ, mi hu mikɛfaa lɛ; ejaakɛ mi hu, nɔ ni mikɛfa lɛ, kɛ mikɛ nɔ ko efa lɛ, mikɛfa yɛ nyɛhewɔ yɛ Kristo hiɛ;

Kolosebii 3:13

Ni kɛji mɔ ko kɛ mɔ ko na sane ko lɛ, nyɛnanaa nyɛhãa nyɛhe ni nyɛkɛfafaa nyɛhe; tamɔ bɔ ni Kristo hu kɛfa nyɛ lɛ, nakai nyɛ hu nyɛfea.

Yakobo 2:18

Shi mɔ ko aaakɛɛ, “Bo lɛ, oyɛ hemɔkɛyeli, ni mi lɛ, miyɛ nitsumɔi.” Tsɔ̃ɔmɔ mi ohemɔkɛyeli ni nitsumɔi bɛ he lɛ ni mi hu majɛ minitsumɔi lɛ amli matsɔ̃ɔ bo mihemɔkɛyeli lɛ.