Luka 5:2 - ŊMALƐ KRƆŊKRƆŊ LƐ

² ena lɛji enyɔ ŋmɔlɔ shi yɛ kpaakpo lɛ naa; wolɛi lɛ eje mli ni amɛmiifɔ amɛyai ahe.

Ṅmãle̱ Kroṅkroṅ Le̱

² ni ena le̱dši enyo̱ ṅmõ ši ye̱ kpākpo le̱ nā; ši wole̱i le̱ édše mli ni ame̱mīfo̱ ame̱yāi ahe.

Luka 5:2 ပူးပေါင်းရင်းမြစ်များ

Mateo 4:18

Be ni Yesu kpaa shi yɛ Galilea Ŋshɔ lɛ naa lɛ, ena nyɛmimɛi enyɔ, Simon ni atsɛɔ lɛ Petro, kɛ enyɛmi Andrea, ni amɛmiihɛ yɛ ŋshɔ lɛ mli, ejaakɛ wolɛi ji amɛ.

Mateo 4:21

Ni be ni eje jɛi eyaa lɛ, ena nyɛmimɛi krokomɛi enyɔ, Zebedeo bi Yakobo kɛ enyɛmi Yohane, ni amɛkɛ amɛtsɛ Zebedeo yɛ lɛlɛ mli amɛmiikpɛ amɛyai lɛ; ni etsɛ amɛ.

Marko 1:16

Be ni Yesu nyiɛ Galilea Ŋshɔ lɛ naa lɛ, ena Simon kɛ enyɛmi Andrea ni amɛmiihɛ yɛ ŋshɔ lɛ mli ejaakɛ wolɛi ji amɛ.

Marko 1:19

Ni be ni etee ehiɛ fioo lɛ, ena Yakobo, Zebedeo bi lɛ, kɛ enyɛmi Yohane ni amɛ hu amɛyɛ lɛlɛ mli amɛmiikpɛ amɛyai lɛ.

Luka 5:1

Gbi ko be ni Yesu damɔ Genesaret Kpaakpo lɛ naa ni mɛi pii jwere enɔ amɛboɔ Nyɔŋmɔ wiemɔ lɛ toi lɛ,

Luka 5:3

Ni Yesu yabote lɛlɛ lɛ ekome ni ji Simon nɔ lɛ mli, ni ekpa lɛ fai akɛ etsi kɛya nu lɛ hiɛ fioo; ni Yesu ho eta shi, ni etsɔ̃ɔ mɛi lɛ anii kɛjɛ lɛlɛ lɛ mli.

Yohane 1:40

Mɛi enyɔ lɛ ni nu ni Yohane wie ni amɛyanyiɛ Yesu sɛɛ lɛ ateŋ mɔ kome ji Andrea, Simon Petro nyɛmi lɛ.