Luka 5:17 - ŊMALƐ KRƆŊKRƆŊ LƐ

¹⁷ Agbɛnɛ gbi lɛ eko be ni etsɔ̃ɔ nii lɛ, Farisifoi kɛ mlatsɔɔlɔi ni jɛ Galilea kɛ Yudea maji lɛ fɛɛ nɔ kɛ Yerusalɛm ba lɛ tara jɛi; ni ajie Nuŋtsɔ lɛ hewalɛ ni ekɛtsáa mɔ lɛ kpo yɛ jɛi.

Ṅmãle̱ Kroṅkroṅ Le̱

¹⁷ Ni eba mli ake̱ gbĩ le̱ eko no̱ ní etšõo̱ nii le̱, Farisifoi ke̱ mlatšõlo̱i ní dše̱ Galilea ke̱ Iudea mãdši le̱ fẽ no̱ ke̱ Ierusalem ba le̱ trá dše̱i; ni adšie Nuṅtšo̱ le̱ hewale̱ le̱ kpo ye̱ dše̱i ni eke̱-tšáame̱.

Luka 5:17 ပူးပေါင်းရင်းမြစ်များ

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 15:1

Kɛkɛ ni mlatsɔɔlɔi kɛ Farisifoi ni jɛ Yerusalɛm lɛ ba Yesu ŋɔɔ amɛbakɛɛ,

Marko 1:45

Shi lɛ lɛ, be ni eje kpo lɛ, ebɔ̃i sane lɛ shiɛmɔ. Enɛ hã sane lɛ gbɛ shwã bɔ ni Yesu nyɛɛɛ aje faŋŋ abote maŋ ko mli dɔŋŋ; shi ehi ŋa lɛ nɔ hei komɛi, ni mɛi jɛɔ he fɛɛ he baa eŋɔɔ.

Marko 16:18

amɛaahole onufui anɔ; ni kɛji amɛnu nɔ ko ni gbeɔ mɔ lɛ, efeŋ amɛ nɔ ko; amɛkɛ amɛniji aaashwie helatsɛmɛi anɔ, ni amɛhe aaawa amɛ.”

Marko 3:22

Mlatsɔɔlɔi lɛ ni jɛ Yerusalɛm ba lɛ kɛɛ akɛ, “Beelzebul yɛ emli, mumɔi fɔ̃ji alumɔ lɛ hewalɛ naa efãmɔɔ mumɔi fɔ̃ji lɛ.”

Marko 5:30

Ni amrɔ lɛ Yesu yoo akɛ hewalɛ ko eje emli, ni etsɔ̃ ehe yɛ mɛi lɛ ateŋ ni ebi akɛ, “Namɔ ta mitade lɛ he lɛ?”

Marko 7:1

Agbɛnɛ Farisifoi lɛ kɛ mlatsɔɔlɔi lɛ ateŋ mɛi komɛi ni jɛ Yerusalɛm ba lɛ bua amɛhe naa kɛba Yesu ŋɔɔ.

Luka 15:2

Shi Farisifoi kɛ mlatsɔɔlɔi lɛ wie huhuuhu amɛkɛɛ, “Nuu nɛɛ hereɔ eshafeelɔi atuu ni ekɛ amɛ yeɔ nii.”

Luka 2:46

Gbii etɛ̃ sɛɛ lɛ amɛyana lɛ yɛ Sɔlemɔ we lɛ ni eta shi yɛ tsɔɔlɔi lɛ ateŋ eebo amɛ toi ni eebibii amɛ nii;

Luka 5:21

Ni mlatsɔɔlɔi lɛ kɛ Farisifoi lɛ bɔ̃i susumɔ akɛ, “Namɔ ji mɔ nɛ ni wieɔ musubɔɔ wiemɔ nɛɛ? Namɔ aaanyɛ ekɛ eshai afa akɛ ja Nyɔŋmɔ koome pɛ.”

Luka 5:30

Ni Farisifoi lɛ kɛ amɛmlatsɔ̃ɔlɔi lɛ wie ekaselɔi lɛ ahe huhuuhu ni amɛkɛɛ, “Mɛni hewɔ nyɛkɛ toohelɔi kɛ eshafeelɔi yeɔ nii ni nyɛkɛ amɛ nuɔ nii nɛɛ?”

Luka 6:19

Ni asafo muu lɛ fɛɛ miitao ehe amɛta, ejaakɛ hewalɛ miije emli ni eetsa amɛ fɛɛ.

Luka 7:30

Shi Farisifoi lɛ kɛ mlatsɔɔlɔi lɛ kpoo Nyɔŋmɔ yiŋtoo ni eyɔɔ yɛ amɛhe lɛ, akɛni amɛhãaa ni Yohane abaptisi amɛ lɛ.

Luka 8:46

Shi Yesu kɛɛ, “Mɔ ko eta mihe, ejaakɛ minu he akɛ, hewalɛ ko eje mimli.”

Yohane 3:10

Yesu here nɔ ni ekɛɛ lɛ akɛ, “Te Israel tsɔɔlɔ ji bo? Ni oleee enɛɛmɛi nɛɛ?

Yohane 3:21

Shi mɔ ni feɔ anɔkwalenii lɛ baa la lɛ he, koni enitsumɔi lɛ aje kpo, ejaakɛ Nyɔŋmɔ mli atsu yɛ.”

Bɔfoi 19:11

Ni Nyɔŋmɔ tsɔ̃ Paulo nine nɔ etsu hewalɛ nitsumɔi hu ni nɔ ekaaa,

Bɔfoi 4:30

ni okpã onine mli ni ohã atsatsaa mɛi, ni atsɔ̃ otsulɔ krɔŋkrɔŋ Yesu lɛ gbɛi nɔ afee okadii kɛ naakpɛɛnii.”

Bɔfoi 5:34

Shi Farisifonyo ko ni atsɛɔ lɛ Gamaliel, mlatsɔɔlɔ ni maŋ lɛ fɛɛ buɔ lɛ lɛ, te shi damɔ shi yɛ akwaashɔŋ lɛ teŋ, ni efã akɛ akɛ bɔfoi lɛ aje kpo fioo,