Luka 5:13 - ŊMALƐ KRƆŊKRƆŊ LƐ

¹³ Ni Yesu kpã enine mli eta ehe ni ekɛɛ, “Miisumɔ, ohe atse!” Ni amrɔ lɛ kpiti lɛ tã yɛ ehe.

Ṅmãle̱ Kroṅkroṅ Le̱

¹³ Ni ekpã enine mli eta ehe ni ekē̱: Mīsumo̱, ohe átše! Ni amrõ le̱ kpiti le̱ kpla ye̱ ehe.

Luka 5:13 ပူးပေါင်းရင်းမြစ်များ

1 Mose 1:3

Ni Nyɔŋmɔ fã akɛ, “La aba.” Kɛkɛ ni la ba.

1 Mose 1:9

Kɛkɛ ni Nyɔŋmɔ fã akɛ, “Nu ni yɔɔ ŋwɛishishi lɛ abua ehe naa yɛ he kome, koni ana shikpɔŋ gbiŋ lɛ!” Ni eba mli nakai.

2 Maŋtsɛmɛi 5:10

Elisha tsu bɔfo ko kɛtee eŋɔɔ akɛ, “Yaa ni oyaju ohe shii kpawo yɛ Yordan Faa lɛ mli ni aaatsa ohela lɛ ahã bo kwraa.”

2 Maŋtsɛmɛi 5:14

No hewɔ lɛ, Naaman kpeleke shi, ni ekɛ ehe yatsɔ Yordan Faa lɛ mli shii kpawo tamɔ bɔ ni Yehowa Nyɔŋmɔ gbɔmɔ lɛ wie lɛ, ni ehe tã, ni ehewolo nɔ bafee trotro ekoŋŋ tamɔ gbekɛ fioo hewolo.

Lalai 33:9

Ejaakɛ lɛ ewie ni eba mli; lɛ efã ni je lɛ ma shi shiŋŋ.

Ezekiel 36:29

Majie nyɛ kɛjɛ nɔ fɛɛ nɔ ni woɔ nyɛhe muji lɛ mli; mafã, ni ŋmãa aaaba babaoo, ni mihaŋ nyɛye hɔmɔ ko dɔŋŋ.

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Mateo 8:3

Ni Yesu kpã enine mli eta ehe ni ekɛɛ, “Miisumɔ, ohe atse!” Ni amrɔ lɛ ekpiti lɛ tã.

Luka 4:39

Ni eyadamɔ emasɛi, ni efã atridii lɛ yi, ni etse yɛ enɔ. Ni amrɔ lɛ ete shi ni esɔ̃mɔ amɛ.

Luka 5:12

Gbi ko lɛ Yesu yɛ maŋ lɛ eko mli, kɛkɛ lɛ naa nuu ko ni kpiti eshwie ehe kɛjɛ ŋwɛi kɛyi shi. Be ni ena Yesu lɛ, ekɛ ehiɛ bu shi ni ekpa lɛ fai ekɛɛ, “Nuŋtsɔ, kɛji oosumɔ lɛ, ooonyɛ ohã mihe atse.”

Luka 5:14

Ni etswa enaa ma akɛ, “Kaakɛɛ mɔ ko, shi moŋ yaa ni okɛ ohe ayatsɔ̃ɔ osɔfo lɛ, ni oyashã afɔle yɛ ohetsemɔ lɛ hewɔ tamɔ bɔ ni Mose to lɛ, koni no afee odase ahã amɛ.”