Luka 4:2 - ŊMALƐ KRƆŊKRƆŊ LƐ

² ni abonsam ka lɛ gbii nyɔŋmai ejwɛ. Nakai be lɛ mli lɛ eyeee nɔ ko nɔ ko; ni no sɛɛ lɛ hɔ̃mɔ ye lɛ.

Ṅmãle̱ Kroṅkroṅ Le̱

² ni abonsam kale̱ gbĩĩ nyoṅmai-edſe̱. Ni nakai gbĩĩ le̱ amli le̱ eyee nokonoko; ni no gbĩĩ le̱ ase̱ le̱ hõmo̱ yele̱.

Luka 4:2 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

1 Maŋtsɛmɛi 19:8

Kɛkɛ ni Elia te shi, ni eye nii, ni enu nu eshwie nɔ. Niyenii nɛɛ mli hewalɛ lɛ ji nɔ ni hã enyɛ enyiɛ shwaneshwane kɛ nyɔɔŋnyɔɔŋ gbii nyɔŋmai ejwɛ kɛtee Nyɔŋmɔ Gɔŋ Horeb lɛ he.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

2 Mose 24:18

Mose kwɔ gɔŋ lɛ, ni ebote atatu lɛ mli. Eye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ gɔŋ lɛ nɔ.

2 Mose 34:28

Mose ye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ Yehowa ŋɔɔ, ni eŋma kpãŋmɔ lɛ mli wiemɔi lɛ, ni ji Kitãi Nyɔŋma lɛ ewo tɛi tɛtɛrɛbii lɛ anɔ, eyeee nii lɛ enuuu nu hu.

Yona 3:7

Ewo akpɔ, ni ehã ashiɛ yɛ Nineve maŋ lɛ mli akɛ, “Maŋtsɛ kɛ enukpai lɛ miiwo akpɔ akɛ, ‘Gbɔmɔ jio, kooloo jio, tsina kɛ too hu, amɛteŋ ekoeko akasa enaa nɔ ko; akaye nɔ ko nɔ ko lɛ, akanu nu hu;

Mateo 21:18

Shi leebi be ni eku esɛɛ eyaa maŋ lɛ mli lɛ, hɔ̃mɔ ye lɛ.

Mateo 4:2

Ni be ni ehi ŋmaa shwaneshwane kɛ nyɔɔŋnyɔɔŋ gbii nyɔŋmai ejwɛ sɛɛ lɛ, hɔ̃mɔ ye lɛ.

Luka 4:3

Kɛkɛ ni abonsam kɛɛ lɛ akɛ, “Kɛji Nyɔŋmɔ Bi ji bo lɛ, fã tɛ nɛɛ ni etsɔ̃ aboloo.”

Yohane 4:6

Shi Yakob nubu lɛ yɛ jɛi. Ni akɛni gbɛnyiɛmɔ lɛ etɔ Yesu hewɔ lɛ, eho eshwata shi yɛ nubu lɛ he. [Ebashɛ jɛi] aaafee ŋmɛlɛ nyɔŋma kɛ enyɔ mli.

5 Mose 9:18

Kɛkɛ ni mitee ekoŋŋ, ni miyagbee shi yɛ Yehowa hiɛ, tamɔ tsuutsu lɛ. Miye nyɔɔŋnyɔɔŋ kɛ shwaneshwane gbii nyɔŋmai ejwɛ ni miyeee nii lɛ, minuuu nu hu, yɛ nyɛtoigbele kɛ efɔŋ ni nyɛfee Yehowa ni nyɛkɛwo emli la lɛ hewɔ.

5 Mose 9:25

“Miho mikã shi yɛ Yehowa hiɛ nyɔɔŋnyɔɔŋ kɛ shwaneshwane gbii nyɔŋmai ejwɛ, ejaakɛ Yehowa ekɛɛ akɛ ebaakpãtã nyɛhiɛ.

5 Mose 9:9

Be ni mikwɔ gɔŋ lɛ koni miyahe tɛi tɛtɛrɛbii lɛ ni aŋma kpãŋmɔ ni Yehowa kɛ nyɛ kpãŋ lɛ yɛ nɔ lɛ; mihi gɔŋ lɛ nɔ shwaneshwane kɛ nyɔɔŋnyɔɔŋ gbii nyɔŋmai ejwɛ; miyeee nii lɛ, minuuu nu hu.

Hebribii 2:18

Ejaakɛ akɛni lɛ diɛŋtsɛ lɛ ena kaa mli amanehulu hewɔ lɛ, enyɛɔ eyeɔ ebuaa mɛi ni akaa amɛ lɛ.

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.

1 Samuel 17:16

Filistinyo lɛ jeɔ kpo daa leebi kɛ gbɛkɛ, ni ebadamɔɔ shi ni etsɛɔ Israelbii lɛ ŋa nɔ. Efee nakai gbii nyɔŋmai ejwɛ sɔŋŋ.