Luka 4:18 - ŊMALƐ KRƆŊKRƆŊ LƐ

¹⁸ “Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Ṅmãle̱ Kroṅkroṅ Le̱

¹⁸ “Nuṅtšo̱ le̱ Mumo̱ le̱ ye̱ mino̱, nohewo̱ le̱ efo̱mi mũ, koni midšadše sanekpakpa le̱ mitšõ ohĩafoi; etšũmi koni mibatšá mei ní ame̱tšui ekũmo̱ le̱,

Luka 4:18 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

2 Kronika 34:27

oje ohe sɛɛ, ni oba ohe shi yɛ Nyɔŋmɔ hiɛ, ni be ni onu nɔ fɔŋ ni baaba Yerusalɛm kɛ Yerusalɛmbii anɔ lɛ hu lɛ oba ohe shi yɛ mihiɛ, ni ogbala ohe atade, ni owo yara ni ofo lɛ hewɔ lɛ, mi hu mibo bo toi.

Lalai 102:20

Koni ebo gboklɛfoi lɛ akɛ̃ɛmɔ toi koni ekpɔ̃ mɛi ni abu amɛ gbele fɔ lɛ.

Lalai 147:3

Lɛ etsaa mɛi ni tsuii ekumɔ lɛ, ni efimɔɔ amɛpilamɔi lɛ anɔ.

Lalai 2:2

Shikpɔŋ lɛ nɔ maŋtsɛmɛi lɛ tseɔ atua, ni lumɛi lɛ hu feɔ ekome; amɛkpãŋɔ Yehowa kɛ maŋtsɛ ni efɔ lɛ mu lɛ yinɔ.

Lalai 2:6

Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

Lalai 34:18

Yehowa bɛŋkɛɔ mɛi ni hiɛnɔkãmɔ etã, ni ehereɔ mɛi ni werɛ eho amɛhe lɛ.

Lalai 45:7

Osumɔɔ jalɛ saneyeli, ni onyɛɔ efɔŋfeemɔ. No hewɔ ni Nyɔŋmɔ, oNyɔŋmɔ lɛ, ehã oyi obɔ̃ kɛ miishɛɛ fe onanemɛi maŋtsɛmɛi fɛɛ lɛ.

Lalai 51:17

Afɔle ni sa ohiɛ ji mumɔ ni werɛ eho ehe. Oo Nyɔŋmɔ, tsui ni tswiaa shi kɛ dɔlɛ lɛ, okpooŋ.

Yesaia 32:3

Amɛteŋ mɛi ni hiŋmɛi nɔ tse baana nɔ fɛɛ nɔ faŋŋ, ni mɛi hu ni toiiaŋ tse baabo nɔ fɛɛ nɔ toi jogbaŋŋ.

Yesaia 35:5

Kɛkɛ lɛ aaagbele shwilafoi ahiŋmɛii, ni aaagbele toimulɔi hu atoii;

Yesaia 42:7

koni ogbele shwilafoi ahiŋmɛii, ni ojie gboklɛfoi yɛ gboklɛfoi atsuŋ; koni ojie gboklɛfoi ni tara kpabuŋ duŋ mli lɛ.

Yesaia 45:13

Mi diɛŋtsɛ mitee Koresh shi koni etsu miyiŋtoo lɛ he nii, asaŋ koni ejaje nibii. Mahã egbɛi fɛɛ aja aha lɛ; eeesaa etswa mimaŋ lɛ, ni eeeŋmɛɛ minomii lɛ ahe jeee yɛ yinii loo sɛɛnamɔ ko hewɔ.” Yehowa, Taiatsɛ lɛ, kɛɛ.

Yesaia 49:9

Okɛɛ mɛi ni awo amɛ tsuŋ lɛ akɛ, ‘Nyɛjea kpo koni nyɛye nyɛhe;’ ni mɛi ni yɔɔ duŋ mli lɛ kɛɛmɔ amɛ hu akɛ, ‘Nyɛbaa la hiɛ.’ Amɛaaye nii yɛ gbɛjegbɛi atoi, ni gɔji ni koo bɛ nɔ lɛ fɛɛ aaatsɔ̃ amɛniyelihe.

Yesaia 50:4

Nuŋtsɔ Nyɔŋmɔ eha mi nilelɔ lilɛi bɔ ni afee ni male bɔ ni mikɛ miwiemɔ akanya mɔ ni egbede aha. Daa leebi lɛ, ehɛleɔ mi shi, ni egbeleɔ mitoiŋ koni mibo nɔ ni eyɔɔ mi tsɔ̃ɔmɔ toi akɛ kaselɔ.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 59:21

Ni naa, mi lɛ kpãŋmɔ ni mi kɛ nyɛ kpãŋɔ nɛ: Mimumɔ lɛ ni yɔɔ omli lɛ, kɛ miwiemɔi ni mikɛwo onaa lɛ, ha akã bo kɛ oshwiei ashwiei fɛɛ anaa kɛjɛ be nɛɛ mli kɛyashi naanɔi anaanɔ.”

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Ezekiel 9:4

Kɛkɛ ni Yehowa kɛɛ lɛ akɛ, “Yaakpa Yerusalɛm maŋ lɛ mli fɛɛ; hii fɛɛ ni yɔɔ jɛi ni amɛyeɔ ŋkɔmɔ yɛ musubɔɔnii ni afeɔ lɛ hewɔ lɛ, kadimɔ amɛhiɛnai.”

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

Zefania 3:12

ejaakɛ mibashi gbɔmɛi omlɛfoi kɛ humii pɛ yɛ nyɛteŋ. Amɛbaatao abobaahe yɛ Yehowa gbɛi mli,

Zakaria 11:11

Hewɔ lɛ aku kpãŋmɔ lɛ mli nakai gbi lɛ nɔŋŋ. Ni too jarayelɔi lɛ ni kwɛɔ mi lɛ nu shishi akɛ Yehowa wiemɔ naanii ni.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 12:18

“Naa, mitsulɔ ni mihala lɛ, misuɔlɔ ni misusuma naa ehe tsui lɛ; mikɛ miMumɔ lɛ aaaŋmɛ enɔ, ni eeejaje kojomɔ etsɔ̃ɔ jeŋmaji lɛ.

Mateo 12:20

Glã ni amia lɛ, ekuŋ, ni kane mli tako ni tsoɔ sulii lɛ, egbeŋ, Kɛyashi beyinɔ ni eeehã jalɛ aye kunim.

Mateo 4:16

Maŋ ni ta duŋ mli lɛ, ena la kpeteŋkple, ni mɛi ni tara gbele shikpɔŋ, kɛ ehɔ̃ɔŋ mli lɛ, la ete shi ehã amɛ!”

Mateo 5:3

“Ajɔɔ mumɔ lɛ mli ohiafoi lɛ; shi amɛnɔ ji ŋwɛi maŋtsɛyeli lɛ.”

Luka 4:17

Ni akɛ gbalɔ Yesaia wolo lɛ hã lɛ, ni be ni egbele mli lɛ, ena he ni aŋma yɛ akɛ,

Luka 6:20

Ni ehole ehiŋmɛi anɔ ekwɛ ekaselɔi lɛ ni ekɛɛ, “Ajɔɔ nyɛ ohiafoi lɛ; ejaakɛ nyɛnɔ ji Nyɔŋmɔ Maŋtsɛyeli lɛ.

Luka 7:22

Ni Yesu to he ni ekɛɛ amɛ akɛ, “Nyɛyaa ni nyɛyagbaa Yohane nibii ni nyɛna ni nyɛnu lɛ, akɛ shwilafoi miina nii, obubuafoi miinyiɛ, kpitiyelɔi ahe miitse, toimulɔi miinu nii, gbohii miite shi, ni aajaje Sanekpakpa lɛ aatsɔ̃ɔ ohiafoi.

Yohane 1:41

Lɛ eyana lɛ diɛŋtsɛ enyɛmi Simon tsutsu, ni ekɛɛ lɛ akɛ, “Wɔna Mesia (ni eshishi ji Kristo,) loo (mɔ ni afɔ lɛ mu) lɛ.”

Yohane 12:46

Mi lɛ miba je lɛ mli akɛ la, koni mɔ fɛɛ mɔ ni heɔ minɔ eyeɔ lɛ akahi duŋ lɛ mli.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Bɔfoi 4:26

Shikpɔŋ nɔ maŋtsɛmɛi lɛ ete shi edamɔ shi, ni lumɛi lɛ hu anaa ebakpe shi ewo Nuŋtsɔ lɛ kɛ mɔ ni efɔ lɛ mu lɛ!’

Bɔfoi 4:27

“Lɛɛlɛŋ, Herode kɛ Pontio Pilato kɛ jeŋmaji lɛ kɛ Israel maji lɛ hu ebabua amɛhe naa yɛ maŋ nɛɛŋ amɛwo otsulɔ Krɔŋkrɔŋ Yesu, mɔ ni ofɔ lɛ mu lɛ,

Kolosebii 1:13

Ni ejie wɔ kɛjɛ duŋ hewalɛ lɛ mli kɛtee esuɔmɔ Bi lɛ maŋtsɛyeli lɛ mli lɛ;

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;