Luka 3:11 - ŊMALƐ KRƆŊKRƆŊ LƐ

¹¹ Shi ehere nɔ ekɛɛ amɛ akɛ, “Mɔ ni yɔɔ flakai enyɔ lɛ, ekɛ mɔ ni bɛ eko lɛ aja; ni mɔ ni yɔɔ ŋmaa hu, efee nakai nɔŋŋ.”

Ṅmãle̱ Kroṅkroṅ Le̱

¹¹ Ni ehere no̱ ekē̱ame̱ ake̱: Moni yo̱ flakai enyo̱ le̱, hã ní eke̱ moni be̱ eko le̱ adša mli; ni moni yo̱ ṅmā̃ hũ, hã ní efe nakai noṅṅ.

Luka 3:11 ပူးပေါင်းရင်းမြစ်များ

Ezekiel 18:7

Ewaaa mɔ yi; shi ekpaleɔ nyɔmɔtsɛ awabatoonii ehãa lɛ; ni etswaaa ojo; ehaaa mɔ ko nɔ ko, shi moŋ ehãa mɔ ni hɔmɔ miiye lɛ nii eyeɔ; asaŋ mɔ ni nyiɛ yayai lɛ ebuɔ lɛ mama.

Daniel 4:27

No hewɔ lɛ, Maŋtsɛ, mɔ ŋaa ni mawo bo nɛɛ mli. Kpa eshafeemɔ koni ofee nɔ ni ja. Naa ohiafoi amɔbɔ akɛ aleenɔ no aaahã ohe ajɔ bo lo.”

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Luka 11:41

Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”

Yohane 13:29

Amɛteŋ mɛi komɛi susu akɛ ni Yuda toɔ fotro lɛ, no hewɔ ni Yesu kɛɛ lɛ akɛ eyahe nii ni he hiaa amɛ eto gbijurɔ lɛ, aloo akɛ ekɛ nɔ ko ahã ohiafoi lɛ.

Bɔfoi 10:2

Nyɔŋmɔ jalɔ ni, ni ekɛ ewe lɛ fɛɛ sheɔ Nyɔŋmɔ gbeyei, ni efeɔ maŋbii lɛ ejurɔ pii, ni ekpaa Nyɔŋmɔ fai daa.

Bɔfoi 10:31

ni ekɛɛ, ‘Kornelio, abo osɔlemɔ lɛ toi, ni onijuji ni ofeɔ lɛ hu Nyɔŋmɔ ena.

Bɔfoi 10:4

Ni ekwɛ lɛ gãa ni eshe gbeyei ni ekɛɛ; “Mɛni, Nuŋtsɔ?” Ni ekɛɛ lɛ akɛ, “Osɔlemɔi kɛ onijuji ni ofeɔ lɛ eshɛ ŋwɛi ni efee kaimɔnɔ yɛ Nyɔŋmɔ hiɛ.

Efesobii 4:28

Mɔ ni juɔ lɛ ekaju dɔŋŋ, shi ebɔ mɔdɛŋ ni ekɛ lɛ diɛŋtsɛ eniji atsu nitsumɔ kpakpa, koni ena nɔ ko ni ekɛhã mɔ ni ehia lɛ lɛ.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

1 Timoteo 6:18

Ni amɛfee ejurɔ ni amɛtsɔ̃mɔ niiatsɛmɛi yɛ nitsumɔi kpakpai amli, amɛsumɔ nihãmɔ, amɛdɛŋ akpɔ.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.

Yakobo 1:27

Nyɔŋmɔjamɔ ni he tse ni ehe bɛ muji ko yɛ Nyɔŋmɔ, Tsɛ lɛ, hiɛ ji enɛ, akɛ mɔ asra awusai kɛ okulafoi yɛ amɛmanehulu lɛ mli, ni ekwɛ ehe nɔ jogbaŋŋ yɛ je nɛɛ mli koni ekawo ehe muji.

Yakobo 2:14

Minyɛmimɛi, kɛji mɔ ko kɛɛ eyɛ hemɔkɛyeli, shi ebɛ nitsumɔi lɛ, mɛɛ sɛɛnamɔ yɔɔ mli? Ani hemɔkɛyeli lɛ aaanyɛ eyiwala ahere?

1 Yohane 3:17

Shi mɔ ni yɔɔ je nɛɛ mli nii, ni enaa akɛ efi enyɛmi, ni emli joɔ yɛ enɔ lɛ, te aaafee tɛŋŋ ni Nyɔŋmɔ suɔmɔ lɛ aaahi emliŋ?

1 Yohane 4:20

Kɛji mɔ ko kɛɛ akɛ, “Miisumɔ Nyɔŋmɔ,” ni enyɛɔ enyɛmi lɛ, amalelɔ ji lɛ. Ejaakɛ mɔ ni sumɔɔɔ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛŋŋ ni eeenyɛ lɛ esumɔ hu?