Luka 24:47 - ŊMALƐ KRƆŊKRƆŊ LƐ

⁴⁷ ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Ṅmãle̱ Kroṅkroṅ Le̱

⁴⁷ ní ášie̱ tšuitšakemo̱ ke̱ ešaifā ye̱ egbe̱i le̱ ano̱ atšõ mãdši fẽ, ni abõi ke̱-dše̱ Ierusalem.

Luka 24:47 ပူးပေါင်းရင်းမြစ်များ

1 Mose 12:3

Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 67:7

Naa Nyɔŋmɔ aya nɔ ajɔɔ wɔ! Hã adesãi ni yɔɔ je lɛŋ hei fɛɛ awo lɛ.

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 49:22

Bɔ ni Nuŋtsɔ Nyɔŋmɔ kɛɔ nɛ, “Naa, mawo minine nɔ mafɔ majimaji lɛ anine, ni amɛaahiɛ obihii lɛ yɛ amɛkpɔkɔiaŋ kɛaaba.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 5:4

Mɛni esa akɛ afee mitrom lɛ lolo ni mifeko? Be ni mihiɛ kã nɔ akɛ ewo wainyibii kpakpai lɛ, mɛni hewɔ ni ewo kooŋ wainyibii moŋ nɛɛ?

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 52:15

Nakai nɔŋŋ eeehã maji babaoo anaa akpɛ amɛhe; Maŋtsɛmɛi aaamua amɛnaa yɛ ehewɔ, ejaakɛ amɛbaana nii ni agbako amɛ dã, ni amɛbaanu nɔ ni amɛnuko dã lɛ shishi.”

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

Hosea 11:8

“Ao Israel, te mafee tɛŋŋ maŋmɛɛ ohe hu? Te mafee tɛŋŋ makwa bo hu? Aso manyɛ ohiɛ makpãtã tamɔ bɔ ni mifee Adma lɛ; aloo tamɔ bɔ ni mikɛ Zeboim ye lɛ? Mitsui miitswa yɛ mimli, ni mimusuŋ miitsɔ̃ mi yɛ ohe.

Hosea 2:23

Mahã mimɛi lɛ ahe shi yɛ shikpɔŋ lɛ nɔ, ni mahã amɛshwere. Mɛi ni atsɛ amɛ akɛ ‘Mɔbɔnalɛ etã’ lɛ, kɛ mɛi hu ni atsɛ amɛ akɛ ‘Nyɛjeee mimɛi’ lɛ, mibana amɛ fɛɛ mɔbɔ. Ni makɛɛ amɛ akɛ, ‘Mimɛi ji nyɛ,’ ni amɛaahere nɔ akɛ ‘bo ji wɔNyɔŋmɔ lɛ.’ ”

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Luka 13:34

Yerusalɛm, Yerusalɛm, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi, shii enyiɛ mitao akɛ mibuaa obii anaa, tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Bɔfoi 11:18

Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Bɔfoi 28:28

“No hewɔ lɛ, nyɛnaa nyɛlea akɛ, atsu akɛ Nyɔŋmɔ yiwalaheremɔ lɛ eyahã jeŋmaji lɛ, ni amɛ lɛ amɛaabo toi hu.” [

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Bɔfoi 4:12

Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”

Bɔfoi 5:31

lɛ enɔ Nyɔŋmɔ wo kɛtee eninejurɔ nɔ, ni ewo lɛ lumɔ kɛ yiwalaherelɔ, koni ehã Israel ana tsuitsakemɔ kɛ eshaifaa.

Romabii 5:20

Shi Mla lɛ babote mli koni nɔtɔmɔ lɛ afa kɛteke nɔ. Shi he ni esha fa yɛ lɛ, dromɔ lɛ fa kɛteke nɔ yɛ jɛi,

Efesobii 1:6

koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

1 Yohane 2:12

Miiŋma nyɛ, mibii bibii, ejaakɛ akɛ nyɛhe eshai lɛ efa nyɛ yɛ Kristo gbɛi lɛ hewɔ.