Luka 24:39 - ŊMALƐ KRƆŊKRƆŊ LƐ

³⁹ Nyɛkwɛa miniji kɛ minaji [ni nyɛaana akɛ] mi diɛŋtsɛ ni; nyɛtaa mihe nyɛkwɛa; shi mumɔ bɛ heloo kɛ wui, tamɔ bɔ ni nyɛnaa akɛ miyɔɔ nɛɛ.”

Ṅmãle̱ Kroṅkroṅ Le̱

³⁹ Nyekwe̱a minidši ke̱ minãdši ake̱ midientše̱ ni; nyetaä mihe nyekwe̱a; ši mumo̱ ko be̱ helo ke̱ wúi, tamo̱ bo̱ni nyenaä ake̱ miyo̱ ne̱.

Luka 24:39 ပူးပေါင်းရင်းမြစ်များ

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

Luka 23:46

Ni Yesu bo kɛ gbee ni wa ekɛɛ, “Ataa, odɛ̃ŋ mituɔ mimumɔ miwoɔ nɛɛ!” Ni be ni ekɛɛ nɛkɛ lɛ ebu enaa.

Luka 24:38

Ni ekɛɛ amɛ akɛ, “Mɛɛba nyɛjijaa, ni mɛɛ hewɔ hu ni ŋwanejee teɔ shi yɛ nyɛtsuii amli?

Luka 24:40

[Ni be ni ewie nɛkɛ lɛ, ekɛ eniji kɛ enaji tsɔ̃ɔ amɛ.]

Yohane 20:20

Ni be ni ekɛɛ nakai lɛ, ekɛ edɛ̃i lɛ kɛ eŋmawuiaŋ lɛ tsɔ̃ɔ amɛ. Kɛkɛ ni kaselɔi lɛ na miishɛɛ akɛ amɛna Nuŋtsɔ lɛ.

Yohane 20:25

No hewɔ lɛ, kaselɔi krokomɛi lɛ kɛɛ lɛ akɛ, “Wɔna Nuŋtsɔ lɛ.” Shi ekɛɛ amɛ akɛ, “Ja mina edɛ̃ŋ plɛkoobii lɛ anajiaŋ, ni mikɛ miwao ewo plɛkoobii lɛ anajiaŋ, ni mikɛ minine ehɔ eŋmawuiaŋ lɛ, dani mahe maye.”

Yohane 20:27

No sɛɛ lɛ, ekɛɛ Toma akɛ, “Okɛ owao aba biɛ ni obakwɛ midɛ̃ lɛ mli, ni okɛ onine abahɔ miŋmawuiaŋ lɛ, ni okaje ŋwane, shi moŋ ohe oye.”

Bɔfoi 1:3

Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he.

1 Tesalonikabii 5:23

Shi hejɔlɛ Nyɔŋmɔ lɛ diɛŋtsɛ atsuu nyɛhe kwraa kɛmɔ shi, ni eto nyɛmumɔ kɛ nyɛsusuma kɛ nyɛgbɔmɔtso muu lɛ fɛɛ ni shwamɔ ko akahi he yɛ wɔNuŋtsɔ Yesu Kristo baa be lɛ mli.

Hebribii 12:9

Asaŋ wɔyɛ heloo gbɛfaŋ tsɛmɛi ni tsɔseɔ wɔ, ni wɔbuɔ amɛ. Ani esaaa akɛ wɔba wɔhe shi fe nakai wɔhã mumɔi aTsɛ lɛ koni wɔyi ana wala?

1 Yohane 1:1

Wala wiemɔ lɛ yɛ kɛjɛ shishijee. Wɔnu ni wɔna kɛ wɔhiŋmɛii, wɔkwɛ ni wɔniji etara he yɛ wala wiemɔ lɛ hewɔ.