Luka 24:36 - ŊMALƐ KRƆŊKRƆŊ LƐ

³⁶ Ni be ni amɛwieɔ nii nɛɛ ahe lɛ, Yesu diɛŋtsɛ badamɔ amɛteŋ ni ekɛɛ amɛ akɛ, “Hejɔlɛ ahã nyɛ!”

Ṅmãle̱ Kroṅkroṅ Le̱

³⁶ Ni beni ame̱wieo̱ noṅṅ le̱, Iesu dientše̱ hadamo̱ ame̱teṅ ni ekē̱ame̱ ake̱: Hedšo̱le̱ áhãnye!

Luka 24:36 ပူးပေါင်းရင်းမြစ်များ

Yesaia 57:18

“Mina gbɛ fɔŋ ni enyiɛ lɛ, shi mibatsa lɛ. Mibakpala lɛ, ni mibashɛje lɛ kɛ mɛi ni ekɛyeɔ ŋkɔmɔ lɛ amii.

Mateo 10:13

Ni kɛji shĩa lɛ sa lɛ, nyɛhãa nyɛhejɔlɛ lɛ abaa enɔ; shi kɛji esaaa lɛ, no lɛ nyɛhejɔlɛ lɛ akpale aba nyɛŋɔɔ ekoŋŋ.

Marko 16:14

Fee sɛɛ lɛ ejie ehe kpo etsɔ̃ɔ mɛi nyɔŋma kɛ ekome lɛ diɛŋtsɛ, be ni amɛtara niyenii ashi lɛ, ni ekã amɛhiɛ yɛ he ni amɛheee amɛyeee kɛ amɛtsuiwalɛ lɛ hewɔ, ejaakɛ amɛheee mɛi ni na lɛ yɛ eshitee lɛ sɛɛ lɛ amɛyeee.

Luka 10:5

Ni shĩa fɛɛ shĩa ni nyɛaabote lɛ, klɛŋklɛŋ lɛ nyɛkɛa akɛ, ‘Hejɔlɛ aba shĩa nɛɛ!’

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 20:26

Ni gbii kpaanyɔ sɛɛ ekoŋŋ lɛ ekaselɔi lɛ yɛ tsu mli, ni Toma hu yɛ mli. Ni aŋamɔ shinai lɛ ni Yesu ba, ni ebadamɔ amɛteŋ ni ekɛɛ, “Hejɔlɛ ahã nyɛ!”

Bɔfoi 1:3

Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he.

1 Korintobii 15:5

ni ejie ehe kpo etsɔ̃ɔ Kefa, no sɛɛ lɛ mɛi nyɔŋma kɛ enyɔ lɛ.

1 Korintobii 15:7

No sɛɛ lɛ, ejie ehe kpo etsɔ̃ɔ Yakobo, no sɛɛ lɛ bɔfoi lɛ fɛɛ.

2 Tesalonikabii 3:16

Shi lɛ hejɔlɛ Nuŋtsɔ lɛ diɛŋtsɛ ahã nyɛ hejɔlɛ daa yɛ gbɛ fɛɛ gbɛ nɔ. Nuŋtsɔ lɛ kɛ nyɛ fɛɛ ahi shi.

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;