Luka 23:43 - ŊMALƐ KRƆŊKRƆŊ LƐ

⁴³ Ni Yesu kɛɛ lɛ akɛ, “Miikɛɛ bo anɔkwale mli akɛ, ‘Ŋmɛnɛ okɛ mi aaahi Paradeiso!’ ”

Ṅmãle̱ Kroṅkroṅ Le̱

⁴³ Ni Iesu kē̱le̱ ake̱: Le̱le̱ṅ, mīkē̱o ake̱: Nme̱ne̱ oke̱mi aahĩ Paradeiso!

Luka 23:43 ပူးပေါင်းရင်းမြစ်များ

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yesaia 65:24

Ni aaaba mli akɛ dani amɛaatsɛ mi lɛ mahere amɛ nɔ, ni be ni amɛwieɔ lolo lɛ, mabo amɛtoi.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Luka 19:10

Ejaakɛ Gbɔmɔ Bi lɛ ba nɔ ni elaaje lɛ taomɔ kɛ eyiwalaheremɔ.”

Luka 23:42

Ni ekɛɛ Yesu akɛ, “Nuŋtsɔ, kaimɔ mi be ni oooba yɛ omaŋtsɛyeli lɛ mli lɛ!”

Yohane 14:3

Ni kɛji mitee ni miyasaa gbɛhe mito nyɛ lɛ, mibaba ekoŋŋ ni mibaŋɔ nyɛ kɛya he ni mi diɛŋtsɛ miyɔɔ lɛ, koni he ni miyɔɔ lɛ nyɛ hu nyɛhi jɛi.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

2 Korintobii 5:8

shi wɔyɛ tsui, ni esa wɔhiɛ moŋ akɛ wɔɔdom kɛjɛ gbɔmɔtso nɛɛ mli, ni wɔyahi shĩa yɛ Nuŋtsɔ lɛ ŋɔɔ.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”