Luka 23:41 - ŊMALƐ KRƆŊKRƆŊ LƐ

⁴¹ Ni wɔnɔ lɛ sa wɔ, ejaakɛ wɔnifeemɔnii ahe nyɔmɔwoo wɔna nɛɛ; shi mɔ nɛ lɛ efeko nɔ ko ni esaaa.”

Ṅmãle̱ Kroṅkroṅ Le̱

⁴¹ Ni wo̱nõ le̱ sawo̱, edšake̱ wo̱nifemo̱nii ahe nyõmo̱wo wo̱ná ne̱; ši mone̱ le̱ efeko noko ní esaa.

Luka 23:41 ပူးပေါင်းရင်းမြစ်များ

2 Kronika 33:12

Be ni Manase yɔɔ hejaramɔ nɛɛ mli lɛ, eba ehe shi jogbaŋŋ ehã etsɛmɛi aNyɔŋmɔ lɛ, ni ekpa Yehowa, eNyɔŋmɔ, lɛ, fai akɛ ena lɛ mɔbɔ.

Ezra 9:13

Nii ni ba wɔnɔ akɛ toigbalamɔ yɛ wɔnishaianii kɛ wɔfɔ kpeteŋkple ni wɔye lɛ hewɔ lɛ fɛɛ sɛɛ lɛ, bo wɔNyɔŋmɔ lɛ, owoko wɔ nyɔmɔ bɔ ni sa wɔnifɔ̃jianii lɛ, ni ohã wɔhiɛ kã.

Nehemia 9:3

Amɛte shi amɛdamɔ shi, ni amɛkɛ ŋmɛlɛtswai etɛ̃ kane Yehowa, amɛNyɔŋmɔ lɛ, Mla Wolo lɛ. Amɛkɛ ŋmɛlɛtswai etɛ̃ hu jaje amɛhe eshai, ni amɛja Yehowa, amɛNyɔŋmɔ lɛ.

Daniel 9:4

Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

Mateo 27:19

Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”

Mateo 27:4

ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Luka 23:40

Shi mɔ kome lɛ here nɔ ni ekã ehiɛ ekɛɛ, “Ani bo hu ni oyɔɔ fɔbuu kome lɛ nɔŋŋ mli nɛɛ osheee Nyɔŋmɔ gbeyei?

Luka 23:42

Ni ekɛɛ Yesu akɛ, “Nuŋtsɔ, kaimɔ mi be ni oooba yɛ omaŋtsɛyeli lɛ mli lɛ!”

1 Tesalonikabii 2:10

Nyɛ diɛŋtsɛ kɛ Nyɔŋmɔ ji odasefoi akɛ wɔjeŋ ni wɔba yɛ nyɛ mɛi ni nyɛheɔ nyɛyeɔ lɛ ateŋ lɛ eyɛ krɔŋkrɔŋ, eja, ni shwamɔ ko bɛ he.

Yakobo 4:7

No hewɔ lɛ, nyɛbaa nyɛhe shi nyɛhãa Nyɔŋmɔ. Nyɛtsĩa abonsam gbɛ ni eeejo nyɛnaa foi.

1 Petro 1:19

shi moŋ Kristo, mɔ ni tamɔ Toobi ni he bɛ kpa loo ŋmamɔ nɔ ko lɛ lá ni jara wa lɛ akɛkpɔ̃ nyɛ.

1 Petro 2:23

Mɔ ni be ni ajɛɔ lɛ lɛ, ejɛɛɛ mɔ ko etooo najiaŋ, be ni enaa amanehulu lɛ, elomɔɔɔ mɔ ko, shi moŋ etu esane ewo mɔ ni kojoɔ jalɛ naa lɛ dɛŋ lɛ.