Luka 23:4 - ŊMALƐ KRƆŊKRƆŊ LƐ

⁴ Ni Pilato kɛɛ osɔfonukpai lɛ kɛ asafoi lɛ akɛ, “Minaaa fɔbuu sane ko yɛ nuu nɛɛ he.”

Ṅmãle̱ Kroṅkroṅ Le̱

⁴ Ni Pilato kē̱ oso̱fonukpai le̱ ke̱ asafoi le̱ ake̱: Minaa fo̱būsane ko ye̱ nū ne̱ mli.

Luka 23:4 ပူးပေါင်းရင်းမြစ်များ

Mateo 27:19

Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”

Marko 15:14

Ni Pilato bi amɛ akɛ, “Shi mɛɛ efɔŋ po efee?” Shi amɛbolɔ fe tsutsu lɛ akɛ, “Sɛŋmɔ lɛ!”

Luka 23:22

Ni ekɛɛ amɛ nɔ ni ji shi etɛ̃ akɛ, “Shi mɔ nɛ lɛ, mɛɛ efɔŋ efee? Minako nɔ ko ni sa gbele yɛ ehe, no hewɔ lɛ, mibayi lɛ ni maŋmɛɛ ehe.”

Yohane 18:38

Pilato bi lɛ akɛ, “Mɛni ji anɔkwale?” Ni be ni ekɛɛ enɛ lɛ, eje kpo kɛtee Yudafoi lɛ aŋɔɔ ekoŋŋ, ni eyakɛɛ amɛ akɛ, “Mi lɛ minaaa fɔbuu sane ko kwraa yɛ ehe.

Bɔfoi 25:25

Shi mi lɛ, mina akɛ efeko nɔ ko ni sa gbele. Ni akɛni lɛ diɛŋtsɛ hu etu esane lɛ ewo Kaisare dɛŋ hewɔ lɛ, mikpɛ mli akɛ mahã akɛ lɛ aya.

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.

1 Petro 1:19

shi moŋ Kristo, mɔ ni tamɔ Toobi ni he bɛ kpa loo ŋmamɔ nɔ ko lɛ lá ni jara wa lɛ akɛkpɔ̃ nyɛ.

1 Petro 2:22

Lɛ mɔ ni efeee esha ni asaŋ anaaa shishiumɔ yɛ edaaŋ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.