Luka 23:14 - ŊMALƐ KRƆŊKRƆŊ LƐ

¹⁴ ni ekɛɛ amɛ akɛ, “Nyɛkɛ nɛkɛ nuu nɛɛ bahã mi akɛ eewo maŋ lɛ yiŋ; ni naa, mitao esane lɛ mli yɛ nyɛhiɛ nɛɛ, minaaa fɔbuu sane ko yɛ ehe yɛ saji ni nyɛkɛbafolɔ enaa lɛ ekoeko mli.

Ṅmãle̱ Kroṅkroṅ Le̱

¹⁴ ni ekē̱ame̱ ake̱: Nyeke̱ ne̱ke̱ nū ne̱ bahãmi, ake̱ ēwo maṅ le̱ yiṅ; ni na, mitao esane le̱ mli ye̱ nyehĩe ne̱, minaa fo̱bũsane ko ye̱ ehe ye̱ sãdši nī nyeke̱baflo̱ enā le̱ ekoeko mli.

Luka 23:14 ပူးပေါင်းရင်းမြစ်များ

Daniel 6:4

Kɛkɛ ni onukpai nɔkwɛlɔi krokomɛi lɛ kɛ amraloi lɛ bɔ mɔdɛŋ akɛ amɛaana tɔ̃mɔ ko yɛ Daniel he lo, koni amɛkɛfolɔ enaa. Shi akɛni Daniel yeɔ anɔkwa hewɔ lɛ amɛnaaa sane ko loo tɔ̃mɔ ko yɛ ehe.

Mateo 27:19

Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”

Mateo 27:4

ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Bɔfoi 13:28

Ni tsɛ amɛnaaa sane ko yɛ ehe ni amɛaadamɔ nɔ kɛbu lɛ gbele fɔ moŋ, kɛ̃lɛ amɛkpa Pilato fai akɛ agbe lɛ.

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.