Luka 23:11 - ŊMALƐ KRƆŊKRƆŊ LƐ

¹¹ Ni be ni Herode kɛ esraafoi lɛ ebɔ lɛ ahora ni amɛye ehe fɛo ni amɛwo lɛ atade kaŋkaŋ lɛ, ehã akɛ lɛ tee Pilato ŋɔɔ ekoŋŋ.

Ṅmãle̱ Kroṅkroṅ Le̱

¹¹ Ni beni Herode ke̱ esrafoi le̱ ebo̱le̱ ahora ni ame̱ye ehe fe̱o ni ame̱wole̱ atade kaṅkaṅ le̱, ehã ake̱le̱ te Pilato ṅõ ekoṅ.

Luka 23:11 ပူးပေါင်းရင်းမြစ်များ

Lalai 22:6

Shi mi lɛ, gɔgɔmi kɛkɛ ji mi, mishɛɛɛ gbɔmɔ. Mɛi bɔɔ mi ahora, ni mɛi nyaŋeɔ mi.

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yesaia 53:3

Agbe ehe guɔ, ni gbɔmɛi kwa lɛ, eye awerɛho, ni ele hejaramɔ etamɔ mɔ ni atsɔ̃ɔ hiɛ atoɔ afã kɛ ana lɛ lɛ. Agbe ehe guɔ, ni wɔbuuu lɛ wɔhãaa fɛifɛi.

Mateo 14:1

Nakai be lɛ mli lɛ lumɔ Herode nu Yesu he sane;

Mateo 14:3

Ekɛɛ enɛ, ejaakɛ emɔ Yohane efi lɛ ni ewo lɛ tsuŋ yɛ Herodia, enyɛmi Filipo ŋa lɛ hewɔ.

Mateo 14:6

Shi be ni ayeɔ Herode fɔmɔ gbi lɛ, Herodia biyoo lɛ bajo yɛ mɛi lɛ ahiɛ, ni efee Herode fɛo;

Marko 9:12

Eto he ekɛɛ amɛ akɛ, “Elia baaba dã lɛɛlɛŋ ni ebato nibii fɛɛ gbɛjianɔ ekoŋŋ. Shi mɛɛba mɔ ni aŋma yɛ Gbɔmɔ Bi lɛ he akɛ eeena amanehulu pii, ni aaaŋɔ lɛ akɛ mɔ ko ni abuuu lɛ lɛ?

Luka 23:10

Ni osɔfonukpai lɛ kɛ mlatsɔɔlɔi lɛ badamɔ shi ni amɛfolɔ enaa naakpa.

Yohane 19:5

Kɛkɛ ni Yesu je kpo ni ŋmei akekre lɛ fĩ eyitso ni ewo atade tsuru lɛ. Ni Pilato kɛɛ amɛ akɛ, “Naa gbɔmɔ lɛ!”

Yakobo 2:2

Ejaakɛ kɛji nuu ko ni wo shika ga kɛ atade fɛɛfɛo babote nyɛkpeehe lɛ, ni ohiafo ko hu ni wo atade taŋtaŋ babote mli,

Yakobo 2:3

ni nyɛhiɛ sɔ mɔ ni wo atade fɛɛfɛo lɛ ni nyɛkɛɛ lɛ akɛ, “Baata he kpakpa nɛɛ,” ni ohiafo lɛ, lɛ lɛ nyɛkɛɛ lɛ akɛ, “Bo lɛ damɔ jɛi, aloo baata minaji anaa yɛ biɛ” lɛ,