Luka 22:42 - ŊMALƐ KRƆŊKRƆŊ LƐ

⁴² ekɛɛ, “Ataa, kɛji oosumɔ lɛ, jiemɔ kpulu nɛɛ kɛje minɔ! Shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.” [

Ṅmãle̱ Kroṅkroṅ Le̱

⁴² ekē̱: Atā, ke̱dši ōsumo̱ le̱, dšiemo̱ kpulu ne̱ ke̱-dše minõ! Ši kẽle̱ dšee bo̱ni mi misumoo̱ le̱, ši moṅ bo̱ni bo osumoo̱.

Luka 22:42 ပူးပေါင်းရင်းမြစ်များ

Lalai 40:8

MiNyɔŋmɔ, eŋɔɔ minaa akɛ mafee osuɔmɔnaanii; Omla lɛ yɛ mitsui mli.”

Yesaia 51:17

Ao Yerusalɛm, wo ohe nɔ! Wo ohe nɔ! Tee shi odamɔ shi! Onu toigbalamɔ kpulu lɛ mli dãa ni jɛ Yehowa diɛŋtsɛ dɛŋ lɛ. Ni onu owo omli, ni olɛmɔ kpulu lɛ mli, ni eha oodidãa.

Yesaia 51:22

Bɔ ni Nuŋtsɔ Yehowa, oNyɔŋmɔ, mɔ ni yeɔ emaŋ lɛ sane ehaa lɛ lɛ kɛɛ nɛ, “Naa, mihe didãamɔ dãa kpulu lɛ yɛ nyɛdɛŋ; nyɛnuŋ mimlifu naa kpulu lɛ mli dãa lɛ dɔŋŋ.

Yeremia 25:15

Yehowa, Israel Nyɔŋmɔ lɛ, kɛɛ mi akɛ, “Hemɔ wain kpulu nɛɛ yɛ midɛŋ; mlifu ji wain ni yɔɔ mli lɛ; ni ohã majimaji fɛɛ ni mibatsu bo amɛŋɔɔ lɛ anu eko.

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Mateo 11:26

Hɛɛ, Ataa, bɔ ni sa ohiɛ ji no.

Mateo 20:22

Shi Yesu here nɔ ekɛɛ bii lɛ akɛ, “Nyɛleee nɔ ni nyɛbiɔ lɛ. Ani nyɛaanyɛ kpulu ni mibanu lɛ nyɛnu?” Amɛkɛɛ lɛ akɛ, “Wɔɔnyɛ.”

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

Mateo 26:42

Eyiŋ etee ekoŋŋ nɔ ni ji shii enyɔ, ni eyasɔle ekɛɛ, “MiTsɛ, kɛji kpulu nɛɛ nyɛŋ mihe aho aya akɛ ja minu lɛ, afee bɔ ni bo osumɔɔ.”

Mateo 26:44

Ni esaa eshi amɛ etee ekoŋŋ, ni eyasɔle nɔ ni ji shii etɛ̃, ni ewie nakai wiemɔ lɛ nɔŋŋ.

Mateo 6:10

omaŋtsɛyeli lɛ aba. Afee nɔ ni osumɔɔ yɛ shikpɔŋ lɛ nɔ, tamɔ afeɔ yɛ ŋwɛi lɛ.

Marko 14:36

ni ekɛɛ, “Abba, Ataa! Onyɛɔ nii fɛɛ ofeɔ; jiemɔ kpulu nɛɛ yɛ minɔ; shi kɛ̃lɛ, jeee bɔ ni mi misumɔɔ, shi moŋ bɔ ni bo osumɔɔ!”

Luka 23:34

Shi Yesu kɛɛ, “Ataa, kɛfa amɛ; shi amɛleee nɔ ni amɛfeɔ lɛ.” Ni amɛfɔ̃ oshiki amɛkɛja etadei lɛ.

Yohane 18:11

No hewɔ lɛ, Yesu kɛɛ Petro akɛ, “Kɛ oklante lɛ awo ehebo lɛ mli! Ani kpulu ni miTsɛ kɛhã mi lɛ, mikanu?”

Yohane 4:34

Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Yohane 5:30

“Mi diɛŋtsɛ minyɛŋ miyiŋ mato mafee nɔ ko; bɔ ni minuɔ lɛ nakai mikojoɔ, ni mikojomɔ lɛ jalɛ kojomɔ ni, ejaakɛ mitaooo nɔ ni mi diɛŋtsɛ misumɔɔ, shi moŋ nɔ ni mɔ ni tsu mi lɛ sumɔɔ.

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

Bɔfoi 21:14

Shi akɛni eŋmɛ̃ɛɛ gbɛ hewɔ lɛ, wɔfee diŋŋ wɔkɛɛ, “Afee bɔ ni Nuŋtsɔ lɛ sumɔɔ.”